ඔපස් වීමේ වරදට ජීවිතයෙන් වන්දිගෙවූ පාසල් සිසුවියගේ සංවේදී කතාව 

ඔපස් වීමේ වරදට ජීවිතයෙන් වන්දිගෙවූ පාසල් සිසුවියගේ සංවේදී කතාව

ඔසප් රුධිර පැල්ලමක් දැක කෝපයට පත් ගුරුවරියකගේ අපහාස කිරීම් නිසා සිත් තැවුලට පත් තමිල්නාඩු දැරියක් සියදිවි හානිකර ගැනීමක් දකුණු ඉන්දියාවෙන් වාර්තා වෙයි.
සියදිවි හානිකර ගැනීමට පෙර ලිපියක් ලියා තබන දොළොස් හැවිරිදි දැරිය ගුරුවරිය තමාට “හිරිහැර” සිදු කරන ලද බව කියා සිටින්නීය.

ඔසප් වීම සම්බන්ධයෙන් අවමානයට පත් වීමක් ගැන එම ලිපියේ සඳහන් නොවුනත් රුධිර පැල්ලමක් නිසා සිය දියණියට පන්ති කාමරයෙන් පිටව යන මෙන් දැනුම් දී ඇති බව දැරියගේ මව පවසයි.

ඔසප් වීම ග්‍රාමීය ඉන්දියාවේ ඇතැම් පලාත්වල තවමත් සැලකෙන්නේ තහංචියක (taboo) මට්ටමිනි.

ඔසප් සමයේ කාන්තාවන් අපිරිසිදු යයි සැලකෙන ගතානුගතික මතයක් ද එහි මුල්බැස ගෙන ඇත.

ඉහත කී දැරියගේ මරණය සියදිවි හානිකර ගැනීමක් ලෙස සලකන අතර ඒ පිළිබඳව විභාගයක් ආරම්භ කර ඇති බව ඉන්දීය පොලිසිය පවසයි.

දැරිය සිය සටහන ආරම්භ කර තිබෙන්නේ “අම්මේ ! මට සමාවෙන්න” යනුවෙන් සිය මව අමතමිනි.

ගෙදර දී සිදු කිරීමට පැවරෙන වැඩ (homework) සම්පූර්ණ නොකිරීම සම්බන්ධයෙන් ගුරුවරිය මින් පෙර තම දියණියට දඬුවම් දී ඇති බවට දැරියගේ මව චෝදනා කරයි.
“මගේ දුව පසුගිය සෙනසුරාදා ඉස්කෝලේ ඉන්න විට ඔසප් වීමට ලක් වෙලා තිබුණා. දුව ඒ ගැන ගුරුවරියට කිව්වාම ගුරුවරිය ‘පෑඩ්’ එකක් විධියට පාවිච්චි කරන්න දූවිලි පිස්නයක් දීල තිබුණා” එම මව පවසයි.

“ගුරුතුමිය මගේ දුව පන්ති කාමරයෙන් පිටත හිටවල තියල තියෙනව. අවුරුදු දොළහක ළමයෙක් එවැනි අමානුෂික ආකාරයට හිටවල තියන්නේ කොහොමද?” දැරියගේ මව ප්‍රශ්න කරන්නීය.

දැරිය ඊළඟ දිනයේ සියදිවි හානි කර ගෙන ඇත.

අදාළ විභාගයේ දී පොලිසිය සමඟ සහයෝගයෙන් කටයුතු කරන බව දැරිය ඉගෙන ගත් ‘තිරුනෙල්වේලි’ දිස්ත්‍රික්කයේ (Tirunelveli) පාසලේ ප්‍රධානීහු බීබීසියට ප්‍රකාශ කර ඇත.

(BBC)

ජනාධිපති මෛත්‍රීපාල සිරිසේන මහතාගේ 66 වැනි උපන් දිනය අදයි මෙන්න ඔහුගේ ජීවන කතාව 

ජනාධිපති මෛත්‍රීපාල සිරිසේන මහතාගේ 66 වැනි උපන් දිනය අදයි මෙන්න ඔහුගේ ජීවන කතාව

ඔබට සුබ උපන්දිනක් වේවා

ජනාධිපති මෛත්‍රීපාල සිරිසේන මහතාගේ 66 වැනි උපන් දිනය අදට (03) යෙදී ඇත.

දෙවැනි ලෝක සමයේ ආරක්ෂක හමුදාවේ සේවය කළ පල්ලේවත්ත ගමරාළලාගේ ඇල්බට් සිරිසේන පියාණන්ට හා යාපා අප්පුහාමිලාගේ නන්දාවතී මෑණියන්ට දාව මෙලොව එ‍ළිය දුටු මෛත්‍රීපාල සිරිසේන මහතා පසක් කළ ප්‍රබල සමාජ දේශපාලන කරුණු දෙකක් මේ මොහොතේ සිහිපත් කළ යුතුමය.

ගම්පහ, යාගොඩ ග්‍රාමයේ ගොවි පවුලක උපන් ඔහු පසක් කළ සමාජ කරුණ නම් සැබෑ මානවවාදී මිනිසුන් ගොඩනැ‍ඟෙන්නේ බොහෝ දුෂ්කර ජීවිත මඟින් බවත් සැප ජීවිත මඟින් එවන් අය බිහි වන්නේ කලාතුරකින් බවය. දේශපාලන කරුණ නම් වර්ෂ 1951 සැප්තැම්බර් 02 වැනිදා මෙරටේ බිහි වූ ශ්‍රී ලංකා නිදහස් පක්ෂයේ වත්මන් නායකයා පක්ෂය බිහි වී පැය 24ක් ඉක්මයෑමට පෙර ජන්මලාභය ලැබීමය.

මේ අන්දමේ සමාජ, දේශපාලන කරුණු රාශියක් රටේ ජන සමාජයේ යහපත උදෙසාම සනිටුහන් කළ මෛත්‍රීපාල සිරිසේන මහතා කුඩා කළ පළමුව ගම්පහ පහළයාගොඩ කණිෂ්ඨ විද්‍යාලයෙන් මූලික අධ්‍යාපනය ලැබුවේය.

මහාමාන්‍ය ඩී.එස්. සේනානායක ශ්‍රීමතාණන්ගේ නායකත්වයෙන් ඇරඹි පොලොන්නරුව මින්නේරි ගොවිජනපද ව්‍යාපාරයේ මුල්ම ඉඩම්ලාභීන් ලෙස ඓතිහාසික පුලතිසිපුරවරයට නික්මුණු මේ ගොවි පවුලේ සාමාජිකයෙකු වූ මෛත්‍රීපාල සිරිසේන මහතා පළමුව තෝපාවැව මහ විදුහලටත්, ‍ඉන් අනතුරුව පොලොන්නරුව රාජකීය විදුහලටත් ඇතුළත්ව අකුරු කළේය. එස්.ඩබ්ලිව්.ආර්.ඩී. බණ්ඩාරනායක ශ්‍රීමතාණන්ගේත් සිරිමාවෝ ආර්.ඩී. බණ්ඩාරනායක අගමැතිණියගේත් දේශපාලන දර්ශනය ගුරු කොට තරුණ කාලයේදීම දේශපාලනයට පිවිසි ඒ මහතා 1981 දී ශ්‍රී ලංකා නිදහස් පක්ෂයේ තරුණ සංවිධානයේ මහ ලේකම් ධුරයටත් වසර 1983දී එහි සභාපති ධුරයටත් පත් විය.

වසර 1988 / 89 භීෂණ සමයේ කටුක දේශපාලන ජීවිතයක් ගත කළ ඔහු 1989 පාර්ලිමේන්තු මහ මැතිවරණයට ඉදිරිපත් වී මුල්වරට පාර්ලිමේන්තුවට පත් විය. අනතුරුව 1994 පොදුජන එක්සත් පෙරමුණු රජායේ මහවැලි සංවර්ධන කැබිනට් ඇමැති ධුරයට පත් වූ මෛත්‍රීපාල සිරිසේන මහතා 2014 වන විට සෞඛ්‍ය ඇමැතිවරයාව සිටියේය.

මේ රටේ තීරණාත්මක ජනාධිපතිවරයෙක් වූ 2015 ජනවාරි 08 වැනිදා පැවැති මැතිවරණයට පොදු අපේක්ෂකයා ලෙස ඉදිරිපත් වී ජයගත් මෛත්‍රීපාල සිරිසේන මහතා මෙරට 06 වැනි විධායක ජනාධිපතිවරයා ‍බවට පත් විය. දෙස් විදෙස් හි ගෞරවය ජනාදරය හොඳ හිත දිනාගත් ජනාධිපතිවරයෙකු ලෙස මෛත්‍රීපාල සිරිසේන මහතා හැඳින්විය හැකිය.

මේ පිළිබද ඔබගේ අදහස කුමක්ද

ගුවනේ සිට වෙඩි වරුසාවක්ම එල්ලකිරීමට හැකි මහා රාවණාගේ  “සහශ‍්‍රගත” යානය පිළිබද හෙළි වූ විශ්මිත කතාව

ගුවනේ සිට වෙඩි වරුසාවක්ම එල්ලකිරීමට හැකි මහා රාවණාගේ  “සහශ‍්‍රගත” යානය පිළිබද හෙළි වූ විශ්මිත කතාව

රාවණා රජතුමා පිළිබඳ ජාතික පිළිගැනීමක් ඇතිවී තිබේ. එතුමා හෙළ රජ පරපුරේ ආදි මුත්තෙක් බව ඇසීම කෙනෙකුට රිදීමක් වන්නට පුළුවන. නමුත් අපි ලියන්නේ විජාතික බලයක් හෝ විජාතික බලවේගයක් ගැන නොවේ. අපි රාම ගැන ලියුවා නම් එතැන ගැටලූවක් වීම සාධාරණය.

රාවණ රජතුමා, රාම ගේ දෘෂ්ඨියෙන් දැකීම බරපතළ දොසකි. රාම කුමරු හින්දුන්ගේ පූජාවට පත්වන බව නොරහසකි. නමුත් හින්දුන් විසින් රාවණාට එම තැන ලබා දී නැත. එයට හේතු වන්නට ඇත්තේ එක්කෝ රාවණ රජතුමා රාමට විරුද්ධවීම විය හැකිය. නැතිනම් රාවණ ලක්දිව රජකු වීමත් රාම ඉන්දීය රාජ පරපුරකවීමත් විය හැකිය. මේ දෙදෙනාම හින්දු අය ලෙස සලකනවා නම් එය නිවැරදි දැනුමින් පිටස්තර දෙයක් බව අපි විශ්වාස කරමු.

රාවණ රජතුමා යුද ශිල්පයෙහි ප‍්‍රමුඛයෙකි. එතුමා යුදයට අවශ්‍ය ආයුධ සෑම අතින්ම සන්නද්ධ කොට ගෙන සිටියෙකි. න්‍යෂ්ටික අවි පවා රාවණා සතුව තිබූ බව පුරාණ තොරතුරු ඇසුරේදී පෙනී යයි. කෙසේ වෙතත් බොහෝ දෙනාගේ හිත සුව පිණිස රාවණ රජතුමා ඇතැම් යුද උපකරණ භාවිත කළේ නැත. එයට හොඳම උදාහරණයක් මේ ලිපිය ඔස්සේ සපයමු. රාවණාට සහශ‍්‍රගත නම් විශිෂ්ට යුද යානයක් තිබිණි. මෙම යුද යානය අද ”මල්ටි බැරල්” යුධෝපකරණයට වඩා බෙහෙවින් දියුණු වූවකි.

සහශ‍්‍රගත ගුවන් යානය නිෂ්පාදනය කළේ එවකට සිටි දක්ෂ ගුවන් යානා ඉංජිනේරුවකු වූ ධීර රකුසාය. ඔහු මහා රාවණාගේ උපදෙස් අනුව මේ යානය නිපදවා ඇත.

දක්ෂිණ ලංකාවේ කතළු පුරයේ කතළු කුමරු විසින් සපයන ලද රත්තරන්ද, වීර රකුසා සැපයූ රිදීද, අටකලම්පන්නේ ඉන්දීර රකුසා විසින් ලබා දුන් පිරිසිදු වානේද ඊට යොදා ගත් බව කියැවේ. මෙම සහශ‍්‍රගත යානය වෙනත් ග‍්‍රහලෝකයකට වුවද පහසුවෙන් පහරදිය හැකි තරම් බලවත් නිෂ්පාදනයක් විය.
විශේෂයෙන් රාවණ රජතුමා මෙම යුද ගුවන් යානය මගින් අඟහරු ලෝකය වැනි ජනාවාස ගත ග‍්‍රහලොවක බලය අල්වා ගැනීමට බලාපොරොත්තු වූවා වන්නටද පුළුවන. විටෙක මෙය අපට පුදුම උපදවන්නක් වුවද ගැඹුරින් කල්පනා කර බැලීමේ දී කිසියම් මතයක පිහිටන්නට බැරි නැත.

ලෝකය සම්පූර්ණයෙන් නොදියුණු යුගයක රටක් විසින් තවත් රටක් අල්ලා ගනු ලැබීම දුෂ්කරය. නමුත් බලසම්පන්න ආයුධ ඇති කලෙක ප‍්‍රබල රටක් විසින් දුර්වල රටක් අල්වා ගැනීම දුෂ්කර නොවේ. අප බැලිය යුත්තේ මේ න්‍යාය මත පිහිටා රාවණ යුගය යනු නොදියුණු යුගයක් ලෙස නොව වර්තමානයටත් වඩා දහස් සංඛ්‍යාත දියුණු තැනක සිටය. එවැනි තැනෙක සිට බලද්දී ග‍්‍රහලෝක අල්ලා ගන්නා තරමේ යුද උපකරණ තිබීම ගැන පුදුම ඉපදවිය යුතු නැත.

සහශ‍්‍රගත යානය සෑදීමේදී ඉන්දියාවේ හිමාල කඳුකරයෙන් ගෙන්වන ලද ”මයුර දණ්ඩ” නමැති ලී කොටස්ද මෙහි සවිකර තිබිණි. එය රියදුරුගේ ආරක්ෂාවට සවිකරන ලද බව රාවණා කතා තල්පතෙහි සඳහන් වෙයි.

විශේෂයෙන් සහශ‍්‍රගත යානය යුද්ධයට යොදා ගැනීමෙන් බලවත් මිනිස් සංහාරයක් වන බව දැන සිටි රජතුමා එය රාම හා සටනට යොදා ගත් බව නොපෙනේ.

මෙම නව ගුවන් යානය නිපදවන පුවත විභීෂණගෙන් රාමට දැන ගන්නට ලැබුණු අතර, යුද්ධය අතරමග නවතා දමා ආපසු යා යුතුයැයි යෝජනා කළේ රාමගේ අග‍්‍ර පුරෝහිත හනුමන්ත් ය.

”මම ආවේ ලංකාව බලන්න නෙවෙයි, මෙහි සඟවා සිටින සීතා රැුගෙන යන්නයි. එම නිසා ඔබ කවුරු ආපසු ගියත් මා ආපසු හැරෙන්නේ නෑ”
සිරුරින් කුඩා වුවත් රාම විසින් හනුමන්ත්ට පවසන ලද්දේ දැවැන්ත රණකාමියෙකු පරිද්දෙනි.

රාවණා රජතුමා දක්ෂ සටන්කාමියෙක්. එතුමා මේ සටනට සහශ‍්‍රගත යානය යොදා ගන්නේ නෑ. එතුමා මේ සටන සලකන්නේ පුංචි සටනක් ලෙසයි.
රාවණා රජතුමා පිළිබඳ මනා අවබෝධයක් තිබූ විභීෂණ රාමාට දැන්වූයේය. මේ විභීෂණ රාවණ රජතුමාගේ බාල සහෝදරයා වූ නමුත් ඔහු කටයුතු කළේ රාම කුමරුගේ පැත්තගෙනය.

සහශ‍්‍රගත යානය ගුවනේ එක තැනක හෝරාවක් වුවද නවතා සටන් කළ හැක්කක් බව කියැවේ. එකවර වෙඩි උණ්ඩ දහස් ගාණක් මුදාහල හැකි යානයකි. වෙඩි උණ්ඩ පොකුරු පිටින් මුදාහරින අතර උණ්ඩ නිකුත් කරන ප‍්‍රමාණය අවශ්‍ය පරිදි අඩු වැඩි කරවා ගත හැකිය.

සහශ‍්‍රගත යානය නිපදවා එහි ශක්තිය උරගා බැලීමේ අවස්ථාවක් කල්පිටිය මුහුදු ප‍්‍රදේශයේ පැවැත්විණි. එහි පහසුව පිණිස එවක එහි සිටි ධීවර ප‍්‍රජාවද ඉවත් කෙරිණි. මෙම යානය පණ ගැන්වූ පසු පළාතක් ගිනිබත් වන තරමට යානය බලවත් විය.

කල්පිටියේ යුද අභ්‍යාසයක් සඳහා සහශ‍්‍රගත යානය ලකේගල සිට පදවාගෙන ආවේ මේඝනාද (ඉන්ද්‍රජිත්) කුමරුය. යානය කල්පිටියේ විශාල ගල් පීඨිකාව මත ස්ථානගත කෙරිණි. මේ යුද අභ්‍යාසය දුර ඈත සිට නරඹන්නට විශාල ජනතාවක් ඒකාරාශි වූහ. ඔවුහු මෙය මහා වික‍්‍රමාන්විත ක‍්‍රියාවලියක් හැටියට දැක ප‍්‍රීති ඝෝෂා නඟමින් සතුට ප‍්‍රකාශ කරන්නට වූහ.

එදා කල්පිටිය වෙරළට රාවණ රජතුමා ද පැමිණ සිටියේය. යානය රජතුමාට පිළිගැන්වූයේ මේඝනාද කුමරු විසිනි. මේ සහශ‍්‍රගත යානය නිෂ්පාදනය වුණේ ලකේගල කන්දේය. එහි මංගල ගමන රාවණ රජුට භාර විය.

”මෙම ගුවන් යානයෙන් මේ රටේ කිසිම මිනිසෙක් ඝාතනය කිරීමට මම අදහස් නොකරමි. මෙය වෙනත් ග‍්‍රහලෝක සමග සටනට පිළියෙල කළ එකකි. දරුවනි, සහශ‍්‍රගත යානය තොපගේ ජයකි” යි කී රාවණ රජතුමා යානයට ගොඩ විය.

යානය පණගැන්වූ රජතුමා අහසට නැගුණේ දක්ෂ යුද නියමුවකුගේ ලක්ෂණ පෙන්නුම් කරමිනි. යානයෙහි හඬ කල්පිටියේ සිට පුත්තලම දක්වා හෙණ ගසන්නාක් මෙන් පැතිර ගියේය. එම ප‍්‍රදේශයේ සිටි වන සතුන් බියට පත්ව වන රොදවල, ගල්ගුහාවල, ගස් බෙනවල සැඟවී දින ගණනක් විසූ බව රාවණ කතා පුස්කොලහි සඳහන් වේ.

සහශ‍්‍රගත යානය මුහුදේ හා ගංගාවල පවා ස්ථාන ගත කර තැබීමට වුවද දියුණු එකක් විය.

යානය අහසේ දස්කම් පාද්දී කිතුල්ගල අසල වන රොදක් යානයේ බලවත්කම ඉදිරියේ ගිනිබත් විය. එම ගිනිදැල් ඉතා ශීඝ‍්‍රයෙන් කිතුල්ගල සිට යටියන්තොටට පැතිර ගියේය.

සහශ‍්‍රගත යානය නිසා ගිනිබත් වූ මේ ප‍්‍රදේශයට දැන් ගිනිගත්හේන යැයි කියන බව ආචාර්ය මිරැුන්ඩෝ ඔබේසේකර මහතා කියයි. එදා මෙම යානය නිසා සිදුවූ බලවත් විනාශය දුටු රාවණ රජතුමා බොහෝ සෙයින් කම්පාවට පත්විය.

සහශ‍්‍ර ගුවන් යානය පෘථිවිය මත කිසිම යුද්ධයකට භාවිත නොකරන ලෙස මේඝනාද කුමරුට තදබල ආඥාවක් නියම කළේය.

රාම සමඟ සටන බලවත් සටනක් බව රාවණ සිතුවේම නැත. රාම බලවත් තර්ජනයක් බව රාවණ සිතුවා නම් ඉතා පහසුවෙන් ඔහු මැඩපැවැත්වීමේ ශක්තිය රාවණ ලබා සිටියේය.

සහශ‍්‍රගත යානය රාමට එරෙහිව ක‍්‍රියාත්මක කළේ නම් රාම, හනුමන්ත් පමණක් නොව රාම සහායකයන් සියල්ලන් එක තැනක ඝාතනය කිරීමේ කාර්යය රාවණට සරල කාරණයක් විය.

රාවණ රජතුමා බොහෝ දුරදක්නා නුවණින් කටයුතු කළ අතරම, බොහෝ දෙනාගේ හිත සුව පැතූ බවද ඉතා පැහැදිලිව හඳුනාගත හැකිය. රාවණා රජතුමා තමන්ගේ ආත්මාභිලාෂය පමණක් තැකුවා නම් රාවණා පිළිබඳ වෙනස් ආකාරයකට මේ ලිපි ලියැවෙන්නට තිබිණි.

රාවණා යනු හෙළයාගේ ”පෞරුෂය” රැුකගෙන යුද බිමට ගිය හා අභීත තීන්දු ගත් රජකු හැටියට සටහන් කළ යුතුය. එතුමා හෙළයා රැුකගත්තා මිස හෙළයා නැසුවේ නැත. හෙළයා නසන්නට පැමිණි රාමා ට රාවණ රජතුමා සටන් කළ පිළිවෙලක් තිබිණි. එබැවින් රාවණ ගැන දකින බොහෝ දොස් නිවැරදි කර ගැනීමට මේ කාලයයි.

සටහන – අසංක ආටිගල

පිළිස්සුම් තුවාල වලට කදිම ඔසුව මාළු පොතු බව ඔබ දන්නවාද මෙන්න එම විශ්මිත ඔසුව 

පිළිස්සුම් තුවාල වලට කදිම ඔසුව මාළු පොතු බව ඔබ දන්නවාද මෙන්න එම විශ්මිත ඔසුව

පිළිකුල දනවන දෑ ඖෂධ දක්වා වර්ධනය කොට නවීන වෛද්‍ය විද්‍යාව ලත් ජයග්‍රහණය අගය කොට යුත්තක් වේ. එලෙස, බ්‍රසීලියානු ජාතික වෛද්‍යවරුන් පිරිසක් සිදු කළ අත්හදා බැලීම්වලට අනුව, පිලිස්සුණු තුවාල සුව කිරීමට කදිම ඖෂධයක් සොයා ගෙන ඇත.

තිලාපියා මාළු. ඔබේ ආහාර වේලට ආධුනිකයෙක් නොවේ. මේ පිළිබඳව පර්යේෂණ සිදු කළ වෛද්‍යවරුන් පෙන්වා දෙන්නේ, අධික පිලිස්සුම්වලට ලක් වූ රෝගීන් හට තිලාපියා මාළු හම සිසිල ගෙන දෙන්නක් මෙන්ම අධික වෛද්‍ය ගාස්තුවලටද පිළියමක් වන බවයි.

පිලිස්සුණු තුවාලයක සුවය සඳහා අවශ්‍ය වන collagen සහ තෙතමනය තිලාපියා මාළු හම තුළ අන්තර් ගත වී ඇති බව උතුරු බ්‍රසීලයේ Ceara නම් ෆෙඩරල් විශ්වවිද්‍යලයේ විද්‍යාඥයින් පිරිසක් සිදු කරන ලද පර්යේෂණවලින් අනාවරණය කොට ගෙන තිබේ. එමෙන්ම, මෙය ගෝස් කැබැල්ලකට වඩා ඉහළ මට්ටමකින් තෙතමනය රඳවා තබා ගනියි.”පිලිස්සුම් තුවාල මත තිලාපියා මාළු හම් ඇතිරීම ඉතා අපූර්වයි. මාළු හම් කියන්නේ අපි බැහැර කරන දෙයක්.

නමුත් සමාජයට ප්‍රයෝජනවත් වන නිෂ්පාදනයක් ලෙස අපි මෙය යොදා ගන්නවා” Ceara විශ්වවිද්‍යාලයේ මහාචාර්ය odorio de Morais  මෙසේ පවසා සිටියි.

බ්‍රසීලියානු පර්යේෂකයන් තවදුරටත් පෙන්වා දෙන්නේ, මේ මාළු හම්වල ඉතා වේගවත් සුව කිරීමේ ගුණයක් ගැබ් වී ඇති බවයි. නිතර නිතර වේදනාවට ඖෂධ දැමීමේ අවශ්‍යතාවද මෙය අවම කරවයි.

මේ තිලාපියා මසුන්ගේ හම් රෝහල් වෙත යැවීමට මත්තෙන් විද්‍යාගාර තාක්ෂණ ශිල්පීන් විසින් විවිධ ජීවානුහරණ ක්‍රියාවලීන්ට භාජනය කොට, එහි ඇති virus විකිරණ මගින් විනාශ කිරීමට Sao Pauloහි ඇති රසායනාගාර වෙත යවනු ලැබේ. වරක් ජීවානුහරණය කොට පිරිසිදු කරන ලද මාළු හම් වසර දෙකක පමණ කාලයක් තබාගත හැකි බවයි පර්යේෂකයන් පවසා සිටින්නේ. මෙසේ ජීවානුහරණ ක්‍රියාවලීන්ට ලක් කළ මාළු හම් වලින් තවදුරටත් මාළු ගන්ධය වහනය නොවේ.

Antonio Janio යනු මෝටර් රථ යන්ත්‍ර ශිල්පියකු වන අතර, පෑස්සුම් ගෑස් සිලින්ඩරයකින් සිදු වුණු කාන්දුවකට ලක් වී බාහුව අධික ලෙස පිලිස්සුණු අයෙක්. මාළු හම් ප්‍රතිකාරය ලත් ඔහු පවසන්නේ, දවස් දෙකකින් දෙකකට මාරු කළ යුතු bandageවලට වඩා මහඟු සුවයක් මාළු හම් මගින් ඔහු ලබා ගත් බවයි.

පිලිස්සුම් තුවාලයක් ඇති වුණු විට, එම තුවාල ප්‍රදේශය පුරාවටම තිලාපියා මාළු හම අතුරා bandage එකකින් ආවරණය කෙරේ. මෙයට කිසිදු ආලේපනයක් භාවිත නොකෙරේ. දින 10කින් පමණ පසු වෛද්‍යවරුන් විසින් bandage ඉවත් කරනු ලැබේ. ඉන් පසු වියළි භාවයට පත්ව ඇති තිලාපියා සම පිලිස්සුම් තුවාලයෙන් මනාව ගලවාගත හැකි වේ.

Morais පවසන පරිදි, තිලාපියා ප්‍රතිකාරයට වැය වන්නේ පිලිස්සුණු රෝගීන් මත සාමාන්‍යයෙන් ආලේප කරන sulfadiazine ආලේපනයේ මිලට වඩා 75% අඩු පිරිවැයක්. එමෙන්ම, මේ සොයාගැනීමේ ඉදිරි පියවරක් ලෙස පර්යේෂකයන් බලාපොරොත්තු වන්නේ, තිලාපියා ප්‍රතිකාරය වාණිජමය ලෙස නිෂ්පාදන මට්ටමෙන් දියුණු කිරීමටයි.

උදානි ඉන්ද්‍රචාපා

මොකද්ද මේ “සොනික් බූම්” කියන්නේ මෙන්න ඔබ කිසිදා අසා නොමැති කතාවක් 

මොකද්ද මේ “සොනික් බූම්” කියන්නේ මෙන්න ඔබ කිසිදා අසා නොමැති කතාවක්

මොකද්ද මේ සොනික් බූම් කියන්නේ? සොනික් බූම් යනුවෙන් හදුන්වන්නේ ශබ්දයේ වේගයට වඩා වේගයකින් ගුවන්යානාවක් පියාසර කිරීමේදී ඇතිවන කම්පන තරංගයක් හේතුවෙන් හටගන්නා වූ අධික ශබ්දයකටයි. ඊට පැයකට කිලෝමීටර 1195කට වඩා වැඩි වේගයකින් ගුවන්යානාවක් පියාසර කළ යුතු වනවා.

සබ්සොනික් කියල කියන්නේ ශබ්දයේ වේගය නොඉක්මවූ වේගයකටයි. ඉතින් ශබ්දයේ වේගය නොඉක්මවූ වේගයකින් ගුවන් යානාව පියාසර කිරීමේදී ශබ්දය සියලූ අතට ගමන් කරනවා. හැබැයි ගුවන් යානාව ඉදිරියට ගමන් කරද්දී එහි වේගය නිසා ගුවන්යානයේ ඉදිරිපසින් ඇති ශබ්ද තරංග සම්පීඩනයකට ලක් වන අතර ගුවන් යානාවේ පිටිපස කොටස දක්වා තරංග කේතුවක හැඩයට විසිරී යනවා.

මේ කේතුව නිසා බාහිරින් කෙනෙකු ගුවන් යානය නිරීක්ෂණය කරද්දී, විශේෂයෙන් නිරීක්ෂකයා පසුකරද්දී ශබ්දයේ වැඩි තාරතාවයක් ඇති අතර නිරීක්ෂකයාගෙන් ඔබ්බට යෑමේදී හෙඬ් තාරතාවය අඩු වන බවට නිරීක්ෂණය කරන්න පුළුවන්. මෙයට ඩොප්ලර් ආචරණය කියලා කියනවා.

දැන් ශබ්දයේ ප‍්‍රවේගයට ළඟාවන වේගයකින් ගමන් කිරීමේදී සිදුවන්නේ පීඩන තරංග කේතුවක mach cone හැඩයකින් පිහිටා කේතුවේ පතුල ගුවන් යානාවේ පිටිපසටත් වඩා ඔබ්බෙන් පිහිටීමයි. මේ කේතුව ඇතුලේ තමයි සියලූ ශබ්ද තරංග පිහිටන්නේ. කේතුවේ කෝණය වේගයේ තරම අනුවයි තීරණය වන්නේ.

දැන් ශබ්දයේ වේගයට වඩා වැඩි වේගයකින් ගුවන් යානාවක් පියාසර කරනවා යමෙකු ඈත තියා දුටුවත් එම නිරීක්ෂකයාට කිසිදු ශබ්දයක් නම් ඇහෙන්නේ නෑ. නිරීක්ෂකයාට ගුවන්යානාව පසු කරන විට ඉහත සඳහන් කළ පරිද්දෙන් ගුවන් යානාව පිටුපසටත් එහායින් පිහිටන කේතුවේ පතුල නිරීක්ෂකයාගේ සවන පසුකරද්දී තමයි මේ කියන විශාල ශබ්දය නිරීක්ෂකයාට එකවරම ඇසෙන්නේ.

එහෙම නැතිව ගුවන් යානාව ශබ්දයේ වේගය අබිබවන අවස්ථාවේ නොවෙයි විශාල ශබ්දය හටගන්නේ. සාමාන්‍යයෙන් වාණිජ සුපර්සොනික් ප‍්‍රවාහන ගුවන්යානයක් නිසා නිකුත්වන මෙම අධික ශබ්දයේ ප‍්‍රමාණය ඩෙසිබල් 136ක් පමණ වන බවත් පීඩනය පැස්කල් 120 පමණ වන බවත් සොයාගෙන තිබෙනවා.

රුපය : 1 සිට 3, ගුවන් යානාවක් ශබ්දයේ වේගයට වඩා අඩුවේගයක සිට ශබ්දයේ වේගය දක්වා වේගය වැඩිවන විට ශබ්ද තරංග ප‍්‍රමුඛ විසිරීමේ ක‍්‍රමය හා 4 කොටසින් කම්පන තරගය විසිරෙන ආකාරය දැක්වේ.

රෝධනයක් ඇතිවීමේ ක‍්‍රියාදාමය

Related image

යම් චලනය වන වස්තුවක් තරලයක් තුළින් ගමන් කිරීමේදී ගමන් කරන දිශාවට ප‍්‍රතිවිරුද්ධව ඉදිරි චලනයට බාධාවක් වන බලයකට නතුවනවා. චලන දිශාවට ප‍්‍රතිවිරුද්ව ඇතිවන මෙය රෝධනය කියලයි කියන්නේ Drag’ . රෝධනය වැඩි වන තරමට ගමන් කරන වේගය අඩුවනවා. ගුවන් යානයක් ගමන් කරද්දී තරලය ලෙස සැලකෙන්නේ සුළං පරිසරයයි.

රෝධනය සඳහා දායකවන ප‍්‍රධාන සාධක දෙකක් තියෙනවා. එකක් තමයි චලනය වන වස්තුව වටා පැතිර පවතින පීඩන කලාපය.

මෙම පීඩන කලාපය නිසා ගමන් කරන වස්තුව මතුපිට දී වස්තුව දෙසට බල ඇතිවනවා. මේ සියලූ බල වල එකතුව සංරචක දෙකකට ගණිතමය ලෙස කඩා දැක්විය හැකිවනවා. ඉහත කී කම්පන තරංග ඇතිවන්නෙත් මේ නිසයි.

Related image

අනිත් කරුණ වන්නේ වස්තුව සාදා ඇති ද්‍රව්‍යයේ ස්වභාවය නිසා ඇතිවන ප‍්‍රතිරෝධ බල වන අතර එයට තරලයේ දුස්ඝ‍්‍රාවීතා ගුණාංග බලපානවා. වස්තුවක රෝධනය සඳහා ගණිතමය අගයක් Drag coefficient ගණනය කරනවා. වස්තුවේ හැඩය වෙනස් කර රෝධන අගය අවම අගයකට ගන්න පුළුවන්. සාමාන්‍යයෙන් රෝධන අගය අඩුම හැටියට සලකන්නේ ජල බි`දුවක හැඩය වන අතර එහි රෝධන අගය 0.05 ක් වනවා.

ගුවන් යානයක් ශබ්දයේ වේගය අබිබවා යද්දී ඉහත ස`දහන් පරිදි කෝණික හැඩ කීපයක් එකවර වුවද ඇතිවිය හැකිය. එ් ගුවන්යානයේ හැඩතල නිසා ඇතිවන තත්වයන් නිසාය. ගුවන් යානාවේ පිටුපස කෝණයේ ආකාරයට සුදුපාටට පෙනුණද ඉන් පෙනෙන්නේ බාහිරින් ක්ෂණික අවපීඩනය නිසා ඒ වටා ඇතිවන වලාකුළුය.

එහෙත් පීඩනකෝණය පිළිබඳව නිසි ආකාරයට අධ්‍යයනය කිරීම කරනු ලබනුයේ ශිලෙරන් schlieren නම්වූ විශේෂිත කැමරා මගින්ය. මෙම කැමරාවලට සුළං තරලවල ඝනත්ව වෙනස්වීමේ හැකියාව ග‍්‍රහණය කරගැනීමට පුළුවන. ශබ්දයේ ප‍්‍රවේගය අබිබවා යෑමට විශේෂ හැඩතල, විශේෂ පියාපත් වගේම ඉතා ජවසම්පන්න ඇන්ජිමක්ද අවශ්‍ය වෙනවා. එ වගේම විශාල පීඩනවලට ඔරොත්තුදීමට ගුවන් යානාව නිපදවා තිබිය යුතුවනවා. ගුවන් යානයක් ශබ්දයේ වේගය අබිබවා යද්දී ආතතියෙත් ඝනත්වයෙත් උෂ්ණත්වයේ වගේම පීඩනයේත් ක්ෂණික වෙනස්වීම් සිදුවනවා. Image result for sonic boom flayt

පළමුවෙන් පරීක්ෂණ ගුවන් යානයක් ශබ්දයේ වේගය අබිබවා පදවනු ලැබුවේ ඇමෙරිකානු ගුවන් නියමුවෙක් වන චක් යෙගර් විසිනි. ඒ 1947 ඔක්තෝබර් මස පළමුවැනිදා අඩි 45,000 ක ඉහළ අහසේ තමයි එය සිදුවුණේ. අදටද එම බෙල් ං-1 රොකට් ගුවන්යානය ලෝක ප‍්‍රසිද්ධ ස්මිත්සොනියම් ගුවන් හා අභ්‍යවකාශ කෞතුකාගාරයේ තැන්පත් කර තිබෙනවා. ඊට පෙර අවස්ථාවල ද ගුවන් යානයක් ශබ්දයේ වේගය අබිබවා ගිය බවට නොයෙක් විට පැවසුණත් විද්‍යාත්මකව එසේ වී නැති බවට ප‍්‍රකාශ වෙනවා.

දැන් ඔබට හිතේවි ගුවනින් පමණද ශබ්දයේ වේගය ඉක්මවන්න පුළුවන් කියා. 1948 දී හමුදා පර්යේෂණ ගොඩබිම් ධාවන රථයක් කැලිෆෝනියාවේ මියුරොක් ගුවන් පථයකදී ශබ්දයේ වේගය ළඟා කිරීමට යාමේදී පීල්ලෙන් ඉවතට විසිවී විනාශ වුණා. එහෙත් 1997 දී රාජකීය ගුවන් හමුදාවේ රිචඞ් නොබෙල් ඇතුළු පිරිස සාදනු ලැබ ඇන්ඩි ග‍්‍රීන් විසින් පදවනු ලැබූ විශේෂ පර්යේෂණ රථයක් ප‍්‍රථමවරට ගොඩබිමින් ශබ්දයේ වේගය අබිබවා යෑමට හිමිකම් කියනවා.

එම වීඩියෝව පහතින් නරබන්න

 

රගපානවට වඩා අමාරු වැඩේ තමයි සල්ලි ටික බේරගන්න එක අපි කාලාබිලා ඉන්නඕන 

රගපානවට වඩා අමාරු වැඩේ තමයි සල්ලි ටික බේරගන්න එක අපි කාලාබිලා ඉන්නඕන සමහරු හිතන් ඉන්නේ අපි කම්කරුවෝ කියලා

රංගන ක්ෂේත්‍රයේ සිටින දක්ෂ, ප්‍රවීණ රංගන ශිල්පියෙක් ලෙස පාලිත සිල්වාව හඳුන්වන්න පුළුවන්. මේ දිනවල විකාශය වන ‘දෙවැනි ඉනිමේ’ කෝච් සර් නිසා ඔහු ගැන හැමෝම කතා වෙනවා. ඒ නිසාම අපිත් ඔහුට කතා කළා.

දෙවැනි ඉනිමේ කෝච් සර්ට ලැබෙන ප්‍රතිචාර මොන වගේද?

සෑහෙන්න ලොකු ප්‍රතිචාරයක් ලැබෙනවා. ඒ ගැන සතුටක් තියෙන්නේ.
කාලෙකට පස්සෙ නේද ටෙලි නාට්‍ය සඳහා රංගනයෙන් දායක වෙන්නේ?
වසරක්, එකහමාරක් විතර නිර්මාණවලට දායකත්වය ලබාදුන්නෙ නැහැ. මොකද මට සරිලන විදිහේ ටෙලි නාට්‍ය ලැබුණේ නැති නිසයි. මෙගා ටෙලි නාට්‍ය නිසා මගේ දායකත්වය දෙන්න බැරිවුණා. සරත් ධර්මසිරි මහතාගේ ආරාධනය නිසා ගැමුණු මහරජ ටෙලි නාට්‍යයට සම්බන්ධ වුණා.

ඒකෙන් ටෙලි නාට්‍යයක වෙනස හොයාගන්න පුළුවන් වුණා. මෙගා කියන මොඩල් එක ලංකාවේ ඇතුළේ කොහොමද කෙරෙන්නේ කියලා දැන ගත්තා. ඒ වගේම පසුගිය කා‍ලේ හරියන චරිතවලට ආරාධනා ලැබුණේ නැහැ. පස්සේ තමයි දෙවැනි ඉනිමයි ගැමුණු මහරජ ටෙලි නාට්‍යයි භාරගත්තේ. මට හිතෙනවා මම සෑහෙන්න සාර්ථක වුණා කියලා.

විදේශ ටෙලි නාට්‍ය විකාශය වීම නිසා මෙරට කලාකරුවන්ට අසාධාරණයක් වෙනවද?

මම නම් කැමති නැහැ විදේශ නාට්‍ය විකාශය කරනවට. මම දකින විදිහට ඉන්දියාවෙන් හොඳම නාට්‍ය ගෙන්වන්නෙ නැහැ. ජනතාව ආකර්ෂණය කරන ටෙලි නාට්‍යයන් තමයි මෙරට පෙන්වන්නේ. කිසිම කතාන්දරයක් නැති දෙබස්වලින් හෝ වැදගත්කමක් නැති ටෙලි නාට්‍ය ලාබෙට ගෙනැත් පෙන්වන එක විහිළුවක්. ඒ නාට්‍ය පෙන්වීමේ ක්‍රමවේදයක් තියෙන්න ඕන කියලයි මම හිතන්නේ.

ඓතිහාසික ටෙලි නාට්‍යයක රඟපෑම වෙහෙසකරයි නේද?

ඔව්. තරමක් වෙහෙසකර කටයුත්තක් තමයි රංගනයෙන් දායක වීම. ඒ වෙහෙස නැති වෙනවා හොඳ පිරිසක් එක්ක වැඩ කරන නිසා.

වර්තමාන ක්ෂේත්‍රය ගැන මොකද හිතෙන්නෙ?

ගැටලු තියෙනවා. ඒවා රාජ්‍ය මට්ටමින් කෙරෙන්න ඕන. අවුරුදු ගණනාවක් ගියත් සමහර නාළිකාවලින් ටෙලි නාට්‍ය කොටසකට ගෙවන ප්‍රමාණය එන්න එන්නම අඩුවෙලා. ඒක හරිම ඛිෙදනීය තත්ත්වයක්. නාළිකාවලට ලොකු ආදායමක් ලැබෙනවා. මීට වඩා වැඩි ප්‍රමාණයක් ගෙවනවා නම් නිර්මාණකරුවෝ උනන්දු වෙලා උසස් නිර්මාණ බිහි කරාවි.

ටෙලි නාට්‍යයකට රංගනයෙන් දායක වීමේදී මොනවද ඔබ සැලකිලිමත් වන කරුණු?

දිගට වැඩ කරනවා නම් අඩු ගාණේ මුදල්වත් වෙලාවට බේරන්න පුළුවන් නම් හොඳයි. මොකද සමහර අය හිතනවා අපි විනෝදාස්වාදය සඳහා රඟපානවා ජීවත් වෙන්න ඕන නෑ කියලා. අපි පූර්ණකාලීනව මේකට කැප වෙනවා. ඒ කාලය තුළ අපි කොහොමද කාලාබිලා ඉන්නෙ කියන එක සමහර අයට වැදගත් නැහැ. වෘත්තීය මට්ටමේ නියැළෙන ශිල්පීන් ගැනත් හිතන්නෙ විනෝදට කරන දෙයක් කියලා. එහෙම හිතන පිරිසක් අද ක්ෂේත්‍රයට ඇවිත් ඉන්නවා.

එහෙම අයත් එක්ක වැඩ කරන්න අපහසුයි. පිටපත බලනවා, නාට්‍යයක් තෝරාබේරා ගැනීමේදී නිර්මාණකරුවා ගැනත් විශ්වාසයක් තියෙන්න ඕන. කතා කරන හැම එකටම සම්බන්ධ වෙන්නෙ නෑ. වෘත්තීය රංගන ශිල්පියෙක් විදිහට විවිධ නිර්මාණවලට සම්බන්ධ වෙන්න ඕන. නමුත් ඒවායේ ගුණාත්මක බව අඩු වැඩි වෙන්න පුළුවන්. ඒවාට වගකියන්න ඕන එහි අධ්‍යක්ෂවරයා.

නිර්මාණවලට වැඩ කරන්නෙ පදනමක් ඇතිව. අද වනවිට දිනපතා ගෙවන ක්‍රමයට ඇතැම් නිෂ්පාදකයෝ පුරුදුවෙලා ඉන්නවා. ඔවුන් හිතන්නෙ නළු නිළියෝ කියන්නේ කම්කරුවෝ වගේ පිරිසක් කියලා. මාසෙක විතර වැඩ දවස් දෙකෙන් කරලා යවන්න පුළුවන් කියලා හිතාගෙන ඉන්න පිරිසකුත් ඉන්නවා. වැඩ කරද්දි ඒ වගේ අය අයින් කරන්න වෙනවා.

ටෙලි නාට්‍ය ආපු මුල උසස් නිර්මාණ බිහිවුණා. නමුත් අද එවැනි නිර්මාණ බිහි නොවන්න හේතුව මොකක්ද?

ඒ කා‍ලේ නාට්‍ය කළේ වේදිකා නාට්‍යවලට සම්බන්ධ වෙලා හිටපු නාට්‍ය පිටපතක තියෙන්න ඕන කාරණා මොනවද කියලා දැනගත්ත අය. අද ටෙලි නාට්‍ය හදන අධ්‍යක්ෂවරුන්ගෙන් සියයට පනහක්වත් වේදිකා නාට්‍ය නරඹලා තියෙනවාද කියන ගැටලුව තියෙනවා. ටෙලි නාට්‍යයක් අධ්‍යක්ෂණය කරන්න ගොඩක් පැති ඉගෙන ගන්න ඕන. අද අධ්‍යක්ෂවරයාගේ කාර්යභාරය ඉතාම පහළට වැටිලා තියෙන්නේ. අද ඕනම කෙනෙක්ට අධ්‍යක්ෂණය කරන්න පුළුවන් වෙලා තියෙනවා නාළිකාවක ප්‍රධානියෙක් අඳුරනවා නම්.

ඔබ ටෙලි නාට්‍ය අධ්‍යක්ෂණයෙන් ඈත්වෙලාද?

මම අධ්‍යක්ෂණය ගැන හැදෑරුවා ඉන්දියාවේ ජාතික චිත්‍රපට ආයතනයෙන්. 1994 ‘අපේ ගමට අමුත්තෙක්’ කියන ටෙලි නාට්‍යය අධ්‍යක්ෂණය කළා. ඒකට සම්මානයකුත් ලැබුනා. ටෙලි චිත්‍රපටයක් අධ්‍යක්ෂණය කළා පුද්ගලික නාළිකාවකට 1999 වසරේ. සිනමා අධ්‍යක්ෂණය කරන්න බලා‍පොරොත්තුව තිබුණා. නිෂ්පාදකයෙක් ලැබුණේ නැහැ. තනියම නිර්මාණවලට අතගහන්න ගියොත් අපි ණයකාරයෝ වෙනවා.

නිර්මාණකරුවෙක් විදිහට එන්න විදිහක් නැහැ ලංකාවේ. නළු නිළියන් පුහුණුව කරගෙනයනවා. අධ්‍යක්ෂවරයාගේ කාර්යභාරය කියන්නේ නිෂ්පාදකවරුන් හොයාගෙන රට වටේ යාම ‍නෙවෙයි. බලා‍පොරොත්තුවක් තියෙනවා මැරෙන්න කලින් චිත්‍රපටයක් කරන්න. බැරිවුණොත් ඒ හීනෙත් මාත් එක්කම මැරිලා යාවි.

රංගනය හැරුණු කොට ජීවිතේ සතුටු වෙන වෙනත් දේවල් තියෙනවාද?

වැඩමුළු කරනවා. ඉගෙන ගත්ත දේවල් මම අනෙක් අයත් එක්ක ඒ අත්දැකීම් බෙදාගනිමින් සතුටු වෙනවා. පහුගිය කා‍ලේ මම දහස් ගණනකට උගන්වන්න ඇති.

ලංකාවේ ඔබ ගුරුහරුකම් ලබාගන්නෙ අධ්‍යයනය කරන්නේ කාවද?

අපි ආචාර්ය කාලෝ ෆොන්සේකා මහත්මයාගෙන් තමයි බොහෝ දේ ඉගෙන ගත්තේ. විදේශීය නාට්‍යකරුවන් විසි දෙනෙක් සමග වැඩ කරලා තියෙනවා. ආචාර්ය ලෙස්ටර් ජේම්ස් පීරිස් මහත්මයාගෙන් ගොඩක් දේවල් ඉගෙන ගන්න පුළුවන්. ධර්මසේන පතිරාජ මහතා, වසන්ත ඔබේසේකර, තිස්ස අබේසේකර මහතාගෙන් මම බොහෝ දේ ඉගෙන ගත්තා. ලෝකයේ දිනෙන් දින රඟපෑමේ විද්‍යාව දියුණු වෙලා තියෙනවා. ඒ දේවල් අධ්‍යයනය කිරීම ඉතාම වැදගත් වෙනවා. විෂයන් ගණනාවක් තියෙනවා අධ්‍යයනය කරන්න. ඒ දේවල් හදාරන්නෙ නැතුව ජාත්‍යන්තරයට යන්න අමාරුයි.

පවු‍ලේ විස්තර මතක් කළොත්?

බිරිඳයි, දරුවොයි ඉන්නවා. ඒ අයත් එක්ක සතුටින් ජීවිතේ ගත කරනවා.

දරුවන්ව කලාවට සම්බන්ධ කරන්න අදහසක් නැද්ද?

ඒ අය මේ ක්ෂේත්‍රයට තල්ලු කරන්න අදහසක් නැහැ. කලාව දැනෙනවා නම් කරන්න කියලයි තියෙන්නේ. මොකද අනුන්ගේ ජනප්‍රියත්වය තමන්ගේ කරගෙන වැඩක් නැහැ කාටවත්ම. තමන් කරන දේකට විතරයි ජනප්‍රියත්වය ලබාගන්න ඕන. මගේ අම්මලා, තාත්තලා කවුරුත් කලාවට සම්බන්ධ වෙලා නැහැ. ඔවුන් මට කැමති දේ කරන්න කීවා. මගේ ළමයින්ටත් මම කියන්නේ ඔවුන් කැමති දේ කරන්න කියලයි. නැතුව කාගෙවත් ජනප්‍රියත්වයක් පස්සේ දුවන්න කියලා ‍නෙවෙයි.

හනිමුන් එක නැතිවුණා කියලා දුකක් නෑ එයාට වගේම මටත් අකිලට හොඳ දරාගැනීමේ ශක්තියක් තියෙනවා

හනිමුන් එක නැතිවුණා කියලා දුකක් නෑ එයාට වගේම මටත් අකිලට හොඳ දරාගැනීමේ ශක්තියක් තියෙනවා

අකිල ධනංජය ගැන මේ දවස්වල හැමෝම කතා වෙනවා. ඒ ඔහුගේ විවාහයට පසුදින තරගයේ කඩුලු හයක් ලබාගැනීමත් සමගයි. ඔහු එම තරගයට සහභාගි වෙන්නෙ විවාහය දින රාත්‍රියේම නුවරට පැමිණෙන නිසා ඒ කැපකිරීම ගැන හැමෝම බොහොම උනන්දුවෙන් කතා වුණා. ඒ ගැන අහන්න අපි අකිලගේ ආදරණීය බිරිඳ නෙතලි ටෙක්ෂිණිට කතා කළා.

* විවාහය දවසෙම අකිල තරගයට සහභාගි වුණා. ඒ ගැන මොකද හිතුණේ?

විවාහය දවසෙම රෑ අපි නුවර එනවා. එදා අපේ හනිමුන් එක. ඒත් දුකක් දැනුණේ නෑ. මොකද අකිල යන්නෙ රට වෙනුවෙන් කියලා හිතුණ නිසාම. ඒ දවස නැති වුණා කියලා පසුතැවුණේ නැහැ.

* දුකක් හිතුණේ නැද්ද හනිමුන් එක දවසෙම රෑ අකිල ගියාම?

නෑ දුකක් හිතුණේ නැහැ. ඔහුත් එක්ක මමත් ගියා. මට ගොඩක් සතුටු හිතුණා ඔහුට ක්‍රීඩා කරන්න ලැබිම ගැන.

* විවාහයට කලින් අකිල ඔබට කීවද විවාහ උත්සවය දවසෙ තරගයට සහභාගි වෙනවා කියලා?

ඔව්. ඒ ගැන මට කලින් දන්වලා තිබුණ නිසා දුක හිතුණේ නැහැ.

* අකිල තරගයට සහභාගි වෙලා කඩුලු හයක් ගන්නවා?

ඇත්තටම වෙනදා මම අකිලට කියනවා හොඳට සෙල්ලම් කරන්න කියලා. එදා මට එහෙම කියන්නත් අමතක වුණා. එදා ඔහු තරගයටත් හොඳින් සෙල්ලම් කළා. ඒ නිසයි කඩුලු හයක් ගන්න පුළුවන් වුණේ. එකපිට ඔහු කඩුලු හයක් අරගෙන තිබුණේ නැහැ. ඒ නිසා ලොකු සතුටක් තියෙන්නේ. ඇත්තටම ඒක විවාහයට අකිල දීපු තෑග්ගක් වගේ.

* ඒ තරගය ශ්‍රී ලංකා කණ්ඩායම පරාජයට පත් වෙනවා. ඒ ගැන අකිල මොනවද කීවේ?

දුකයි. එයාට වගේම මටත් අකිලට හොඳ දරාගැනීමේ ශක්තියක් තියෙනවා. ඒ නිසා ඒ පරාජය දරාගන්න එයාට හැකියාව තියෙනවා. ක්‍රිකට් කියන්නේ අවිනිශ්චිත ක්‍රීඩාවක්. ඒ නිසා ජය පරාජය හැමෝටම ‍පොදුයි.

* ඔහු එම තරගයේ වීරයා බවට පත්වීමත් දුර්ලභ අවස්ථාවක් නේද?

ඔව්, පරාජය වෙන කණ්ඩායමක තරගයේ වීරයා වීම කලාතුරකින් වෙන දෙයක්. ඇත්තටම මම හිතුවෙත් නෑ ඔහු එම තරගයේ වීරයා වෙයි කියලා. ඔහුටත් එහෙම බලා‍පොරොත්තුවක් තිබුණේ නැහැ. ඔහු තරගයක වීරයා වුණ ප්‍රථම අවස්ථාව. අකිල ඒ ගැන ගොඩක් සතුටු වුණා.

* අකිල මුණගැහුණු විදිහත් මතක් කරමු?

2010දී තමයි අකිල මුණගැහෙන්නේ. පාස‍ලේ දී ඔහු වගේම මමත් ක්‍රිකට් ක්‍රීඩා කළා. ඔහු මගේ මිතුරියක් අතේ යාළු වෙන්න අහලා තිබුණා. ඒත් මම මුලින්ම කැමැති වුණේ නැහැ. අපි දෙන්නම පාසල් ගියේ පානදුර මහානාම විද්‍යාලයට.

* ඊට පසුව ඔබ ඔහුට කැමැති වෙනවා?

එදා පාස‍ලේ බිග්මැච් එක දවස. ඔහු තමයි තරගයේ වීරයා වෙන්නේ. මට දුරකථන අංකය දුන්නත් මම ගත්තේ නැහැ. ඔහු ගියාට පසුවයි අංකය ගත්තේ. ඊට පස්සේ මම කතා කළා. ටික දවසක් කතා කරලා දැන හඳුන ගත්තට පස්සේ තමයි මම ඔහුට කැමැත්ත දෙන්නෙ.

* අකිලට කැමැති වෙන්න විශේෂ හේතුවක් තිබුණද?

ඔව්. හොඳ ගතිගුණ නිසයි ඔහුට කැමැත්ත දුන්නේ.

* දෙමාපියන් මේ සම්බන්ධයට කැමැති වුණාද?

ගෙවල් දෙකෙන්ම මුලින්ම කැමැති වුණේ නැහැ. එයාලගේ ගෙදරින් හිතුවේ එයා ක්‍රිකට් නැති කරගනී කියලා. අකිල ශ්‍රී ලංකා කණ්ඩායමට එකතු වුණහම ගෙවල්වලින් ආශීර්වාදය අපට ලැබුණා.

* අකිල වගේ සැමියෙක් ලැබිම ගැන මොකද හිතන්නෙ?

අකිල මං ගැන හොයලා බලනවා. මට ‍පොඩි දුකක් දැනුණත් ඔහුට මාව තේරෙනවා. ඒ නිසා ඔහු වගේ සැමියෙක් ලැබිම ගැන මම ආඩම්බර වෙනවා.
තිළිණි කරුණාරත්න

සැමියාට හොරා බිරිද අනියම් පෙම්වතා සමග රෑට රෑට පෙම්කෙලලා මාට්ටු – බිරිද අනියම් පෙමතාටම බාර දී සැමියා ගෙදර යයි

සැමියාට හොරා බිරිද අනියම් පෙම්වතා සමග රෑට රෑට පෙම්කෙලලා මාට්ටු – බිරිද අනියම් පෙමතාටම බාර දී සැමියා ගෙදර යයි

පුරුෂයා හා දරුවන් දෙදෙනා සමග රාත්‍රියේ නිදා සිට අලුයම් කාලයේ අනියම් පුරුෂයෙකු සමග පැනගොස් සිටි කාන්තාවක පුරුෂයා විසින් අනියම් පුරුෂයාටම බාරදුන් බව වැලිගම පොලිසිය පවසයි.

කාන්තාව 24 හැවිරිදිය. පුරුෂයා 37 හැවිරිදිය. ඔහු රියැදුරු රැකියාවේ යෙදෙන්නෙකි. අනියම් පුරුෂයා රැකියා විරහිත අයෙකි. කාන්තාව පුරුෂයාට නොදැනෙන්නට කලක සිටම ඔහු හා අනියම් සම්බන්ධයක් පවත්වා ඇත.

සිද්ධිය වූ රාත්‍රියේ පුරුෂයා, කාන්තාව හා දරු දෙදෙනාට නින්ද ගොස් සිටියදී අලුයම් 2.20ට පමණ පුරුෂයා නින්දෙන් අවදිව ඇත. කාන්තාව ඇඳේ නොසිටි නිසා ඔහු කලබලයට පත්ව එළිවෙනතුරා කාන්තාව සොයා අන්තිමේදී වැලිගම පොලිසියට පැමිණිලි කර තිබේ.Image result for Fake husband indian

වැලිගම මූලස්ථාන පොලිස් පරීක්ෂක මිලාන ලසන්ත බුද්ධික මහතාගේ උපදෙස් අනුව කරන ලද විමර්ශනයේදී කාන්තාව අනියම් පුරුෂයාගේ නිවෙසේ සිටියදී පොලිසියට කැඳවාගෙන විත් ඇත.

ළමා හා කාන්තා කාර්යාංශයේ ස්ථානාධිපති උප පොලිස් පරීක්ෂක යූ.ජී. සෝමසිරි මහතා විසින් කාන්තාව, පුරුෂයා හා අනියම් පුරුෂයා සමග සාකච්ඡා කොට නැවත වරක් කාන්තාව හා සැමියා එකතු කිරීමට කොතෙක් උත්සාහ කළත් එය සාර්ථක වී නැත.

කාන්තාව එක හෙලාම කියා ඇත්තේ තමන්ට අනියම් පුරුෂයා සමග යාමට අවශ්‍ය බවයි. අනියම් පුරුෂයාද ඇය බාර ගැනීමට කැමැත්ත ප්‍රකාශ කර තිබේ.

මෙම කතාබහට සවන්දී සිටි පුරුෂයා කාන්තාව අනියම් පුරුෂයාට බාරදීමට කැමැත්ත ප්‍රකාශ කර දරු දෙදෙනා තමන් බාර ගන්නා බව පවසා ඇත.

අවසානයේදී කාන්තාව අනියම් පුරුෂයා සමග පොලිසියෙන් පිටවී ගිය අතර පුරුෂයා දරු දෙදෙනා සමග පිටවී ගියේ ඉදිරියේදී දික්කසාද නඩුවක් පවරා බිරිඳගෙන් අයින් වෙන බව පවසමිනි.

(මිරිස්ස – සුනිල් ධර්මබන්දු ද සිල්වා)

මේ මගේ පලවෙනි ආදරේ නෙවෙයි මම දන්න එකම දේ අද මම බදිනවා කියන එක විතරයි

මේ මගේ පලවෙනි ආදරේ නෙවෙයි මම දන්න එකම දේ අද මම බදිනවා කියන එක විතරයි

ඇය වේදිකාව තුළ සම්මානලාභී රංගන ශිල්පිනියකි. මේ දිනවල දෙරණ රූපවාහිනී නාළිකාවේ විකාශය වන ‘සිදූ’ ටෙලිනාට්‍යය තුළින් ඇය ප්‍රේක්ෂකයන් හමුවට එනු ලබයි. නදිශානි පේලිආරච්චි වන ඇයගේ වෘත්තීමය පැතිකඩ පිළිබඳව බොහෝදෙනා දන්නා බව නම් නොරහසකි. නමුත් එම කාරණා සඳහා යොමු නොවී වෙනත් කාරණාවක් අද ඇයගේ රසිකයන් වෙනුවෙන් අප ගෙන ඒමට සූදානම්. අද (01දා) දින ඇයට විශේෂ දවසකි. මන්ද අද දිනයේ ඇය විවාහ දිවියට එළඹෙන බැවිනි. ඇය සිය ආදර කතාව පිළිබඳව අපත් සමග මෙලෙස අදහස් බෙදාගනු ලැබීය.ඇය වේදිකාව තුළ සම්මානලාභී රංගන ශිල්පිනියකි.

මේ දිනවල දෙරණ රූපවාහිනී නාළිකාවේ විකාශය වන ‘සිදූ’ ටෙලිනාට්‍යය තුළින් ඇය ප්‍රේක්ෂකයන් හමුවට එනු ලබයි. නදිශානි පේලිආරච්චි වන ඇයගේ වෘත්තීමය පැතිකඩ පිළිබඳව බොහෝදෙනා දන්නා බව නම් නොරහසකි. නමුත් එම කාරණා සඳහා යොමු නොවී වෙනත් කාරණාවක් අද ඇයගේ රසිකයන් වෙනුවෙන් අප ගෙන ඒමට සූදානම්. අද (01දා) දින ඇයට විශේෂ දවසකි. මන්ද අද දිනයේ ඇය විවාහ දිවියට එළඹෙන බැවිනි. ඇය සිය ආදර කතාව පිළිබඳව අපත් සමග මෙලෙස අදහස් බෙදාගනු ලැබීය.මේ

දවස්වල කොහොමද කාලය ගත වුණේ?

පසුගිය 27 වැනිදා තමයි රාජිත දිසානායකගේ නාට්‍ය උලෙළ ඉවර වුණේ. අවුරුදු 18කට පස්සේ ‘වෙඩි තියන්න බැහැ’ නාට්‍ය ආපහු කළා. ‘ආදර වස්තුව’ අවුරුදු 04කට පස්සේ අපි ආපහු කරන්න පටන් ගත්තා. මේ දවස්වල ‘නැතුව බැරි මිනිහෙක්’ නාට්‍යය වේදිකාගත වෙනවා. තනූජ් අනවරත්නගේ අලුත් නාට්‍යයක් වේදිකාගත වෙන්න තියෙනවා. ඒ ටික තමයි වේදිකාව පැත්තෙන් සිදුවන වැඩකටයුතු ටික. එතකොට රූපවාහිනිය ගත්තාම මම ‘සිදු’ එකේ වැඩකටයුතු කරගෙන යනවා. ඉදිරියටත් ඒකෙ වැඩකටයුතු තියෙනවා. වෙනස් යමක් කරන්න පුළුවන් චරිතයක් ලැබුණ නිසා සතුටින් කරගෙන යනවා.

ජීවිතයට තව කෙනෙක් එකතු වෙන්න යනවා නේද?

ඇත්තටම ඔව්, මම අද (01දා) විවාහ වෙනවා. තාම මුහුණ දෙන්න බලාපොරොත්තුවෙන් ඉන්න එකක්. කොහොමද මුහුණ දෙන්නේ කියලා හිතල නැහැ. අදින් පස්සෙ තමයි මුහුණ දෙමින් විවාහ දිවිය ගෙනියන්නේ කොහොමද කියල හිතන්න ඉන්නේ. දැනට අද (01දා) දවස ගැන විතරයි හිතල තියෙන්නේ.

 

අද දවස විශේෂයි නේද?

අනිවාර්යෙන්ම ඔව්, විශේෂ දවසක් තමයි. විශේෂ කියන්න හේතුවක් තිබ්බත් ඒක කියන්න තේරෙන්නෙ නැහැ. විශේෂයි කියල තමයි මටත් තේරෙන්නේ. ඒ විශේෂ දේ මොනවගේද? මොකක්ද? කියලා මම තාම හිතනවා. මට මේ ගැන ලොකුවට හිතන්න වෙලා නැත්තේ, මම විවාහ වෙන්න තෝරගෙන තියෙන්නේ අවුරුදු එකොළහක ඉඳන් මම දන්න අවුරුදු කිහිපයක ඉඳන්ම ඉන්න මගේ යාළුවාවයි. ඔහුගේ නම ගයාන් දේශප්‍රිය. ඉතිං ඒ නිසා විවාහයක් ගැන අමුතුවෙන් බයක් හරි, මොකක්ද ඊළඟට වෙන්නේ කියන තිගැස්ම හරි මට නැහැ. ඒ යාළුවාම වෙන නිසා වෙන්න ඇති.

දින ගැන්නේ අද දිනේ ඉවර වෙනකල්ද?

ඇත්තටම නම් දින ගනින්නේ නැහැ. ඔයා අහනකොට තමයි මම ඒ ගැන හිතන්න ගන්නේ. විශේෂයෙන් කියන්න නම් දෙයක් නැහැ. මම දන්න එකම දේ අද මම බඳිනවා කියල විතරයි.

යාළුවා ආදරවන්තයා වුණේ කවදද?

ඇත්තටම අපි විවාහ වෙන්න තීරණය කරලා නම් ඉතාමත් කෙටි කාලයයි. එයා නම් මගෙන් අහල තියෙනවා අවුරුදු 06කට විතර කලින්. හැබැයි එතකොට අපි යාළුවෝ. මම අවුරුද්දකට කලින් සම්බන්ධයක් ගැන හිතනකොට මගේ ඔළුවට ආවේ එයාව විතරයි. ඊට පස්සෙ මාස 3,4කින් තමයි අපි සම්බන්ධයකට යමු කියල තීරණය කළේ.

යාළුවාගේ ගැළපීම කොහොමද?

මම දැනට කියනවා, මට මේ වෙනකන් හමුවෙලා තියෙන, ආශ්‍රය කරලා තියෙන, මම දැකලා තියෙන අයගෙන් හොඳම මම කැමතිම ගතිගුණ තියෙන කෙනාව තමයි මම විවාහ වෙන්නේ. මට ඒ ගැන ගොඩාක් සතුටුයි. මට හමුවෙලා තියෙන අයගෙන් මාව තේරුම් ගත්ත කෙනා තමයි ඔහු. මගේ යාළුවා වෙලා ඉන්න කාලේ තිබුණ තේරුම් ගැනීමම අදටත් තියෙනවා. මම හිතනවා ඒ තේරුම් ගැනීම ඉදිරියටත් තියෙයි කියලා. මට කිසිම බයකුත් නැහැ.

ඒ නිසා විවාහය ගැන අමුතුවෙන් ලෑස්ති වෙන්න උවමනාවක් නැහැ. විවාහයෙන් පසුව මෙයාට මාව ගැළපෙයිද? මාව තේරුම් ගනීද කියන බය නැහැ. ඒ නිසා අමුතුවෙන්ම විවාහයෙන් පස්සෙ ජීවත් වෙන්නේ කොහොමද කියන කාරණාව හිතෙන්නෙ නැහැ. හැබැයි එක දෙයක් හිතෙනවා. අපි යාළුවෝ විදිහට අවුරුදු 11ක් හිටියනේ, ඉතිං ඒ යාළුකම විවාහයකට පෙරෙළෙන එක ගැන අපි දෙන්නටම පොඩි අමුත්තක් තියෙනවා.

 

පාසල් ආදරේ සහ මේ ආදරේ අතර වෙනස?

ආදරේ අතර නම් දැනෙන ලොකු වෙනසක් නැහැ. ආදරේ කරන්න ගියාම ඒ කාලෙද මේ කාලෙද කියලා වෙනසක් නැහැ. දැනෙන එක ඒ විදිහටම දැනෙනවා. හැබැයි, කියන්න තේරෙන්නේ නැහැ. පුංචි මොකක් හරි වෙනසක් තියෙනවා. පාසල් යන කාලේ තිබ්බ ආදරෙයි, දැන් තියෙන ආදරෙයි වෙනස් කියන දේ දැනෙනවා. තේරුම් ගැනීමයි, ජීවත් වෙලා තියෙන කාලය මත සහ ඒ ආදරේ දකින විදිහ වෙනස් වෙලා ඇති කියලා හිතනවා.

ඔබගේ පළමු වෙනි ආදරයද මේ?

නැහැ. මේ මගේ පළමුවෙනි ආදරය නෙමෙයි.

කලාව පැත්තට ඔහුගෙන් ලැබෙන සහයෝගය?

යාළුවෙක් වශයෙන් ඉන්න කාලයේදීත් මම එයත් එක්ක ඕනම දෙයක් කතා කරනවා. මට එන ප්‍රශ්නයක්ද, අහන්න තියෙන දෙයක්ද, කතා කරන්න තියෙන දෙයක්ද හැමදෙයක්ම එයත් එක්ක බෙදා ගන්නවා. මම හිතනවා ඉදිරියේදීත් ඔහුගෙන් උපරිම සහයෝගයක් ලැබෙයි කියලා. ඒ කාලෙත් මේ දේවල් ගැනම තමයි කතා කළේ.

වේදිකාවේ සම්මාන තිබ්බත් ටෙලි නිර්මාණ සහ සිනමාවේ සම්මාන නැත්තේ ඇයි?

ටෙලි නාට්‍ය ඇතුළේ සම්මාන හම්බවෙලා නැහැ. මම ගොඩක් නිර්මාණ සඳහා දායක වෙලත් නැහැ. කිහිපයක් තමයි කරලා තියෙන්නේ. ටෙලි නාට්‍ය ඇතුළේ සම්මානයක් සඳහා යන්න තියෙන පරිමාව මොකක්ද කියලා ඇත්තටම මම දන්නෙ නැහැ. ගොඩක් ලැබුණ නිර්මාණයවල චරිත නාට්‍ය පුරාම විහිදෙන ඒවා නෙමෙයි. ‘සිදූ’ එකේ හොඳ චරිතයක් කරන්න ලැබිලා තියෙනවා.

දැන් ගොඩක් නාට්‍ය ලියවෙමින් යනකොට අපි දන්නෙ නැහැ සම්පූර්ණ චරිතය ගැන. මම දන්නේ මම කරන දේ මගේ උපරිමයෙන්ම කරනවා කියල විතරයි. ඒ සඳහා සම්මානයක් ලැබුණොත් මට සතුටුයි. ලැබුණෙ නැහැ කියල, සම්මානයක් ගන්න ඕනමයි කියල දෙයකුත් නැහැ. හැබැයි කරන නිර්මාණය සඳහා ඒ චරිතය උපරිමයෙන්ම කරනවා.

ඔබ වැඩියෙන්ම කැමති සිනමාවටද? වේදිකාවටද? ටෙලි නිර්මාණවලටද?

මට රංගන ශිලිපිනියක් විදියට ඉගෙන ගන්න තියෙන්නේ, එකතු කරගන්න දේවල් තියෙන්නේ, පුරුදු පුහුණුවීම් කරන්න තියෙන්නේ, මම ගොඩක් කැමති වේදිකාවට. ඒ වගේම මම සිනමාවටත් කැමතියි. මම ඒ ක්ෂේත්‍ර තුනටම කැමතියි. හැබැයි මම වැඩිපුරම වේදිකාවට කැමතියි.

අපිට එකතුවෙන්න, පුහුණු වෙන්න වගේම සමහර වෙලාවට හිතෙනවා ඒ දේවල් වලින් ලැබෙන අත්දැකීම තමයි අපි අනිත් දේවල් සඳහා ලබාගන්නේ කියලා. ඉගෙනගන්නා පැත්තෙන් වැඩිපුරම තියෙන්නේ වේදිකාව තමයි. මම ගොඩක් කැමතිත් වේදිකාවට. දෙවෙනියට කැමති සිනමාවට. ඊළඟට කැමති ටෙලිනිර්මාණ සඳහා. ඒ වගේම ඒ ක්ෂේත්‍ර තුනෙන්ම ලැබෙන අත්දැකීම් සඳහා කැමතියි.

 

ඔබේ ඉදිරි වැඩකටයුතු මොනවාද?

මම කාලයක සිට රාජිත දිසානායකගේ ෆ්‍රීඩම් තියටර් කණ්ඩායමත් සමග වැඩ කරනවා. මම හරිම කැමැත්තෙන් තමයි ඔවුන් සමග වැඩකටයුතු කරන්නේ. එහි ‘ආදර වස්තුව’, ‘නැතුව බැරි මිනිහෙක්’ වගේ නාට්‍ය කිහිපයක් තිබෙනවා. ‘නැතුව බැරි මිනිහෙක්’ මේ වන විට සෑහෙන වාර ගණනක් ප්‍රදර්ශනය කරලා තියෙනවා. ‘ආදර වස්තුවත්’ නැවත ප්‍රදර්ශන කටයුතු ආරම්භ කරනවා. ඊට අමතරව මම නිදුක් මධුෂික ලියන සිරස එෆ්.එම්හී විකාශය වන ‘රන්මුද්දක් හැඬුවා’ ගුවන් විදුලි නාට්‍යයට සම්බන්ධවෙලා ඉන්නවා.

ඒක වෙනස්ම විදියේ ගුවන් විදුලි නාට්‍යයක්. මම මීට පෙරත් ගුවන් විදුලි නාට්‍ය කිහිපයක හඬකැවීම්වලට දායක වී තිබුණත්, ගොඩක් කාලෙකින් තමයි වෙනස්ම විදියක කතාවකට සම්බන්ධවෙලා ඉන්නේ. මට මේ දිනවල වේදිකාව, ගුවන් විදුලිය, ටෙලි නාට්‍ය වගේ ක්ෂේත්‍ර රැසක වැඩකටයුතු කරන්න අවස්ථාව ලැබිලා තියෙනවා. ඒක මට ලොකු සතුටක්. ඉදිරියේදී පාලිත පෙරේරා අධ්‍යක්ෂණය කරපු ළමා චිත්‍රපටයක් තිරගත වීමටත් නියමිතව

රංගනය කියන ක්ෂේත්‍රය තුළ දිගටම රැඳී ඉන්නද බලාපොරොත්තුව?

එහෙම කිසිම අදහසක් නැහැ. මේ ක්ෂේත්‍රයට මගේ කැමැත්ත තියෙන තාක් කල් මම වැඩකටයුතු කරනවා. මේ ක්ෂේත්‍රයට යම් තැනකදී මගේ කැමැත්ත නැති වුණොත් මම වෙන කිසිම හේතුවක් මත ක්ෂේත්‍ර‘යේ රැඳී ඉන්නෙ නෑ. මට දැනට පේන්නෙ නැහැ මම ක්ෂේත්‍රය අතාරියි කියන එක. හැබැයි විවාහ වුණා කියල ක්ෂේත්‍රය අතාරින්නේ නැහැ.

තිබෙනවා.ඩිලාන් ක්‍රිෂාන්ත

සීගිරි චිත්‍රවල ඇති කාන්තා රූප කාශ්‍යප රජුගේ බිසෝවරු නෙවෙයි මෙන්න ඉතිහාසය වෙනස් කල නව සොයාගැනීම

සීගිරි චිත්‍රවල ඇති කාන්තා රූප කාශ්‍යප රජුගේ බිසෝවරු නෙවෙයි මෙන්න ඉතිහාසය වෙනස් කල නව සොයාගැනීම

සීගිරි චිත්‍රවල ඇත්තේ කාශ්‍යප රජුගේ දියණියන්

සීගිරිය ගැන විවිධ මත අදහස් වරින්වර එළිදකී. මේ විධියට වෙන්ඩ ඇත. යනාදී වශයෙන් ඒ ඒ අයගේ මනෝභාවයන් විද්වත් ලෙසත් අවිද්වත් ලෙසත් වරින්වර එළියට එන්නේය. මේ අද ඊයේ ආයේ සිංහයන්ගේ පාද ලෙස සලකන දොරටුවේ ඇති ඇඟිලි තුනේ පාද සිංහයකුගේ නොව කුරුල්ලකුගේ පාද මතයයි. මේ මත පුද්ගල මනෝභාව මිස යථා තත්ත්වය නොවේ.

එහි යථා තත්ත්වය නිවැරදි ලෙස මහාවංසය දක්වා තිබේ. එහෙත් මහාවංසය ලියා ඇත්තේ පාලි බසින් හා සිංහල අකුරින් වීම නිසා එහි එන අදහස් ඇඟට මදිය. අඩු ගණනේ ඉංගිරිසියෙන් බටහිරයකු ඔය තියෙන්නේ වලස් කකුල් යැයි කීවා නම් මහාවංසය කුණු ගොඩේය. විද්වත් මත අපට අවශ්‍යය. එහෙත් ඒවා හේතු සාධක නැති පරගැති මත නොවිය යුතුය.

සීගිරි ගල බිහි වූයේ ලෝක විනාශය සිදු වී සක්වල නැවත සෑදෙන අවස්ථාවේම බව කිවයුතු නැත. ගල්පස් කන්දක් ලෙස නිර්මාණය වී සොබා දහමේ පහරින් ගෙවී ගිය ශේෂ කන්දක ශේෂයක් බවට එය පත්වන්නට ඇත. රා.ව. 479 වන විට මෙය විශාල පර්වතයක් වශයෙන් වෙන් වී පැවැති බවට සිතීමට කිසිම සාධකයක් අවශ්‍ය නැත 479 කාශ්‍යප සිය අගනුවර මෙහි පිහිටුවා ගන්නා කල තිබූ තත්ත්වය එයයි. එහෙත් පෙර මෙහි ගල් ලෙන්වල භික්ෂූන් වාසය කළ බවට වෙනම අදහස් පසුව දක්වමු.

ධාතුසේන (461-479) රජුට පුත්‍රයන් දෙදෙනෙක් වූහ. අභිෂේක බිසොවගෙන් ලත් පුත්‍රයා වූ මුගලන් හා වෙනත් දේවියකගෙන් ලැබුණු පුත්‍රයා වූ කාශ්‍යප වශයෙනි. පියා මැරවූ කාශ්‍යප රජකමට පත් වූයේය. නියම ලෙස රාජ්‍යයේ හිමිකරු වූ මුගලන් කුමරු ඔහුට බියෙන් ඉන්දියාවට පලා ගියේය. එහෙත් කාශ්‍යපද අනුරාධපුරයේ විසීමට බිය විය. ඔහු ආරක්ෂාව උදෙසා ඉහතින් සඳහන් කරන ලද කන්ද තෝරා ගත්තේය. කාශ්‍යපගේ මේ තෝරා ගැනීම සිදුවන විට එහි නම සීගිරිය නොවීය. වෙනත් කිසියම් නමක් විය. එය අපට දැන් නිශ්චිතව දැනගත නොහැකිය. මහාවංසය මෙසේ කියා ඇත.

“ප්‍රාකාරයෙන් වටකොට හිණිපෙත් ගෙවල් සිංහ ආකාරයෙන් කරවීය. එයින් එය ඒ නමින් (සිංහගිරි) විය.”
මේ මහාවංස පාඨය කිසිවකුට වෙනස් කළ නොහැකිය. පර්වත මූණතේ සම්පූර්ණයේ කපරාරු කර සිංහ රූ ඇඳ තිබුණේය. ඒ නිසා සීගිරි වී යැයි ප්‍රවාදයක් තිබේ. එහෙත් ඒවා අද දක්නා නොලැබේ.

සීගිරියේ සිංහයා කරවා ඇත්තේ උක්කුටුකයෙන් වාඩි වී ඉදිරිය බලා සිටින ආකාරයෙනි. එහි පා මැදින් ඇතුළට යායුතු අතර මුඛයෙන් ගර්භයට පිවිසිය යුතු ආකාරය නිරූපිත වේ. පාදයේ ඇඟිලි මගින් වැසුනු අයුරු නිරූපිතය. සිංහයාගේ කටින් රිංගන්නට එන සමතා කවරෙක්ද? කාශ්‍යප රජු සිංහයෙකුසේ තමා ගැන සිතීය. යුදයට ගියේ “මුඅල්ලාකම්” කියාය.

පරාජය වන බව පෙනී ගිය තැන කඩුව ගෙන හිස සිඳගෙන කඩුව කොපුවෙහිද දමා ගත්තේය. ඔහුගේ සිතේ බලවත්කම මේවායින් පෙනේ. පසු කාලය වන විට ප්‍රදේශයම සීගිරි නමින් ප්‍රකට වූයේය. සීගිරියට සමීපයෙන් ඇති වියවුල්පත ලිපියක සිහිගිරි බිම් ප්‍රදේශයේ පිහිටි සාගුණා පන්සල නම් ආරාමයක් ගැන සඳහන්වේ.

අසිග්ගාහක සංඝතිස්ස (607-608) රජු දළ මුගලන් (608-614) රජුට පැරදී රුහුණට පලා යද්දී මුගලන් රජුගේ සේනාවට අසු වී රජුගේ නියමයෙන් සීගිරියට ගෙන ගොස්, රජු පුතා හා සෙනෙවියා යන තිදෙනාම එහිදී මරණයට පත් කළේය.

දළමුගලන් (608-614) රජුද ශිලාමේඝ (614-623) රජු සමග සටන් වැද පැරදී පලායන විට සීගිරියේදී මැරුම් කෑවේය. අනෙක් අතට මහාචාර්ය සෙනරත් පරණවිතාන කාශ්‍යප රජු ආලකමන්දාවේ කුවේරයා මෙන් විසී යැයි පවසා තිබේ. එය ඒ මහතාගේ මතයක් නොවේ. මේ අදහස මහාවංසයේම දැක්වෙයි. එහි මෙසේ කියැවේ.

“දර්ශනීය වූද මනහර වූද දෙවන ආලකමන්දාව මෙන් රජගෙයක් එහි කරවා කුවේරයා මෙන් විසීය.”
සීගිරියේ චිත්‍ර ගැනද විවිධ අදහස් ප්‍රකාශ වී ඇත. පැහැපත් රූප රාජකුමාරිකාවන්, බිසොවුන් දැක්වෙතැයිද, කළු පැහැති රූප සේවිකාවන් දැක්වෙතැයිද, H.C.P.බෙල් මහතා කියයි. මේ චිත්‍රවලින් අප්සරාවන් දැක්වෙතැයි කුමාරස්වාමි මහතා පවසයි. කළුවන් රද මේඝලතාද, පැහැපත් රූප විජ්ජුලතාද, අර්ථවත් කෙරේ යැයි සෙනරත් පරණවිතාන මහතා කියයි.

සීගිරි කාශ්‍යප රජුට බොධි, උප්ලවන්නා නමින් දියණිවරුන් දෙදෙනෙක් වූහ. රන්වන් පැහැය බෝධියටද, නිල්පැහැය මහනෙල්වලටද, ආරෝපණයවේ. මේ දියණියන්ගෙන් එක් අයකු රන්වන්ද අනෙක් දියණිය කාලවර්ණද වූ බව පෙනේ. මේ නම් තබා ඇත්තේ ඒ අනුවය. සීගිරි වනන් අතර මේ දෙදෙනා නිරූපිත යැයි දැක්වීම වඩා ප්‍රායෝගිකය.

මේ දියණියන් දෙදෙනාට රජු බෙහෙවින් ආදරය කළ බවද පෙනේ. සීගිරි ග‍ලේ චිත්‍රයට නැංවීමෙන් අර්ථවත් කළේ මේ දූවරුන් දෙදෙනා මිස අන් කවරියකවත් නොවේ. ඉසුරුමුණිය ප්‍රතිසංස්කරණය කළ කාශ්‍යප දූවරුන් දෙන්නාගේ නම්ද එයට තැබුවේ මේ දූහිතෘ ආදරය නිසාය.

සීගිරිය ගැන මේ කරුණු දැක්වූයේ අප නිවහල්ව සිතිය යුතු බවද පැවැසීම අවශ්‍ය බැවිනි. දැන් අපි සීගිරියේ සෙල්ලිපි සොයා යමු. මෙහිදි අප සීගිරි ගී ගැන අවධානයට ගන්නේ නැත.

සීගිරිය කාශ්‍යප රජුගේ වාසභවනය වීමට පෙර එහි ලෙන්වල භික්ෂුන් වාසය කරන ලද බව ඉහතින් දක්වා ඇත. එයට සාධක ලෙස එහි ලෙන්වල ඇති ලිපි දැක්විය හැකිය. ඒවා මෙසේය.

1. පරුමක කඩිය පුත ….
ප්‍රමුඛ කඩිගේ පුත්‍ර

2. පරුමක තිරිපුත අඛික්ධය ලෙණෙ
ප්‍රමුඛ තිරිගේ පුත්‍ර අබික්ධිගේ ලෙණ (පුදන ලදී)

3. පරුමක නගුලිය ලෙණෙ
ප්‍රමුඛ නගුලිගේ ලෙණ (පුදන ලදී)

4. පරුමක තිහ පුත බමදතහ ලෙණෙ
ප්‍රමුඛ තිස්සගේ පුත්‍ර බ්‍රහ්මදත්තගේ ලෙණ (පුදන ලදී)

5. උපශක උතරශ ච උපශික තිශය ච ශදය ලෙණෙ
උත්තර උවසුගේද තිස්සා උවැසියගේද සම අයිති ලෙණ (පුදන ලදී)

6. උපශක උතරහ ලෙණෙ
උත්තර උවසුගේ ලෙණ (පුදන ලදී)

7. 1. අබල වාබර සලහ

2. ලෙණෙ වෙසාය තොසාච
සියඹලා වෙළඳ ව්‍යාපාරික සලගේ
ලෙණ වෛශ්‍යා තොසා ගේද (පුදන ලදී)

පුරාවිද්‍යා චක්‍රවර්තී එල්ලාවල මේධානන්ද නාහිමි