ඔපස් වීමේ වරදට ජීවිතයෙන් වන්දිගෙවූ පාසල් සිසුවියගේ සංවේදී කතාව 

ඔපස් වීමේ වරදට ජීවිතයෙන් වන්දිගෙවූ පාසල් සිසුවියගේ සංවේදී කතාව

ඔසප් රුධිර පැල්ලමක් දැක කෝපයට පත් ගුරුවරියකගේ අපහාස කිරීම් නිසා සිත් තැවුලට පත් තමිල්නාඩු දැරියක් සියදිවි හානිකර ගැනීමක් දකුණු ඉන්දියාවෙන් වාර්තා වෙයි.
සියදිවි හානිකර ගැනීමට පෙර ලිපියක් ලියා තබන දොළොස් හැවිරිදි දැරිය ගුරුවරිය තමාට “හිරිහැර” සිදු කරන ලද බව කියා සිටින්නීය.

ඔසප් වීම සම්බන්ධයෙන් අවමානයට පත් වීමක් ගැන එම ලිපියේ සඳහන් නොවුනත් රුධිර පැල්ලමක් නිසා සිය දියණියට පන්ති කාමරයෙන් පිටව යන මෙන් දැනුම් දී ඇති බව දැරියගේ මව පවසයි.

ඔසප් වීම ග්‍රාමීය ඉන්දියාවේ ඇතැම් පලාත්වල තවමත් සැලකෙන්නේ තහංචියක (taboo) මට්ටමිනි.

ඔසප් සමයේ කාන්තාවන් අපිරිසිදු යයි සැලකෙන ගතානුගතික මතයක් ද එහි මුල්බැස ගෙන ඇත.

ඉහත කී දැරියගේ මරණය සියදිවි හානිකර ගැනීමක් ලෙස සලකන අතර ඒ පිළිබඳව විභාගයක් ආරම්භ කර ඇති බව ඉන්දීය පොලිසිය පවසයි.

දැරිය සිය සටහන ආරම්භ කර තිබෙන්නේ “අම්මේ ! මට සමාවෙන්න” යනුවෙන් සිය මව අමතමිනි.

ගෙදර දී සිදු කිරීමට පැවරෙන වැඩ (homework) සම්පූර්ණ නොකිරීම සම්බන්ධයෙන් ගුරුවරිය මින් පෙර තම දියණියට දඬුවම් දී ඇති බවට දැරියගේ මව චෝදනා කරයි.
“මගේ දුව පසුගිය සෙනසුරාදා ඉස්කෝලේ ඉන්න විට ඔසප් වීමට ලක් වෙලා තිබුණා. දුව ඒ ගැන ගුරුවරියට කිව්වාම ගුරුවරිය ‘පෑඩ්’ එකක් විධියට පාවිච්චි කරන්න දූවිලි පිස්නයක් දීල තිබුණා” එම මව පවසයි.

“ගුරුතුමිය මගේ දුව පන්ති කාමරයෙන් පිටත හිටවල තියල තියෙනව. අවුරුදු දොළහක ළමයෙක් එවැනි අමානුෂික ආකාරයට හිටවල තියන්නේ කොහොමද?” දැරියගේ මව ප්‍රශ්න කරන්නීය.

දැරිය ඊළඟ දිනයේ සියදිවි හානි කර ගෙන ඇත.

අදාළ විභාගයේ දී පොලිසිය සමඟ සහයෝගයෙන් කටයුතු කරන බව දැරිය ඉගෙන ගත් ‘තිරුනෙල්වේලි’ දිස්ත්‍රික්කයේ (Tirunelveli) පාසලේ ප්‍රධානීහු බීබීසියට ප්‍රකාශ කර ඇත.

(BBC)

ප්‍රභාකරන් මැරුවේ නෑ ඔහු සියදිවි නසාගත්තා කරුණා අම්මාන් ගෙන් ආන්දෝලනාත්මක කතාවක් 

ප්‍රභාකරන් මැරුවේ නෑ ඔහු සියදිවි නසාගත්තා කරුණා අම්මාන් ගෙන් ආන්දෝලනාත්මක කතාවක්

ප්‍රභාකරන් දිවි නසා ගත්තාද? වෙඩිතබා මරා දැමුවාද? කොටි නායකයාගේ මරණයට පණ දුන් කරුණාගේ ආන්දෝලනාත්මක ප්‍රකාශය ප්‍රභාකරන් මිය ගිය පුවත ඉතිහාසයට එකතුවී පසු යළිදු වරක් ඔහුගේ මරණයට පණ ලැබුණේය. වෙල්ලමුල්ලිවයික්කාල් බිමේදී දැවී අළුවී ගිය ප්‍රභාකරන්ට යළිදු වරක් පණ දුන්නේ කරුණා අම්මාන්ය.

එල්.ටී.ටී.ඊ. සංවිධානයේ සුපිරි ප්‍රහාරකයා ලෙස කලක් කිරුළු පළන්ව සිටි කරුණා සිය පැරණි නායකයාට පණ දුන්නේ ඔහුගේ මරණය වූ ආකාරය ගැන ආන්දෝලාත්මක ප්‍රකාශයක් කරමිනි. ඉන්දියාවේ ‘පුදියතලමුරයි’ රූපවාහිනි නාලිකාවට සම්මුඛ සාකච්ඡාවක් දෙමින් ඔහු පැවැසුවේ ප්‍රභාකරන් හමුදාවෙන් මැරුම් නොකෑ බවය. ඔහු තම අවියෙන් හිසට වෙඩි තබාගෙන දිවි නසා ගත් බවත් ප්‍රභාකරන්ගේ බිරිය හා දියණිය හමුදාවේ කාලතුවක්කු වෙඩිවලින් මරණයට පත්වූ බවත් ඔහු කීවේය.

සටනේදී ප්‍රභාකරන්ගේ වැඩිමහල් පුත්‍රයා වන චාර්ල්ස් ඇන්තනී මියගියා. ඉන්පසු ඔහුගේ බිරිඳ මදිවදනී හා දියණිය වන ද්වාරකා ෂෙල් වෙඩි ප්‍රහාරයෙන් මියගිය බවට තහවුරු වූ තොරතුරු තිබෙනවා. මින්පසු බාල පුතා වන බාලචන්ද්‍රන් සමග ප්‍රභාකරන් වෙනත් ස්ථානයකට යන අවස්ථාවේදී බාලචන්ද්‍රන් අත්අඩංගුවට ගැනුණා. එම අවස්ථාවේදී ප්‍රභාකරන් ඔහුගේ පිස්තෝලයෙන් ඔහුටම වෙඩි තබාගත්තා. ඇත්ත වශයෙන්ම ප්‍රභාකරන් පණපිටින් හමුදාවට යටත්වීමට කැමති වන්නේ නෑ. ඔහු පිළිබඳ මා හොඳින් දන්නවා. එල්.ටී.ටී.ඊ. සාමාජිකයන්ට සයනයිඩ් කරල ගෙ‍ලේ පළඳවන ප්‍රභාකරන්, කිසිදිනක හමුදාවට බාරවෙන්නේ හෝ යටත්වන්නේ නෑ. කිසිකෙනෙකු නොහඳුනන ප්‍රභාකරන්ගේ සිරුරේ තිබෙන සලකුණක් මා දන්නවා.

ඒ අනුව තමයි මා මළ සිරුර හඳුනාගත්තේ. යුද සමයේදී සැඟවී සිටි හමුදාව බේරී පලා යන එල්.ටී.ටී.ඊ. සාමාජිකයින්ට වෙඩි තැබුවා. මෙය සිදුවුණේ මධ්‍යම රාත්‍රී 12.00ට පමණ. පසුව අලුයම 4.00ට පමණ තමයි ප්‍රභාකරන්ගේ මළ සිරුර හමුවුණේ. එම නිසා ප්‍රභාකරන් හමුදාවට අසුවී ඔවුන් විසින් වෙඩි තබනු ලැබුවා යැයි යන ප්‍රකාශයට මා විරුද්ධයි. ඔහු ඔහුගේ පිස්තෝලයෙන් ඔහුගේ හිසට වෙඩි තබාගෙන දිවි නසාගෙන තිබෙනවා. කරුණා අම්මාන් කීවේය.

කරුණාගේ මේ ප්‍රකාශයට වහාම ප්‍රතිචාර දැක්වූයේ සිව් වැනි ඊළාම් සටනේ මහ සෙනවියා වූ විශ්‍රාමික යුද හමුදාපති ෆීල්ඩ් මාර්ෂල් සරත් ෆොන්සේකාය. කරුණා අම්මාන් පවසන්නේ බොරු යැයි ඔහු කීවේය. ප්‍රභාකරන් මිය ගියේ ඔහු විසින්ම හිසට වෙඩි තබා නොගෙන බවත්, ප්‍රභාකරන්ගේ සිරුරේ තිබූ තුවාල අනුව ඔහු මිය ගියේ කාලතුවක්කු හෝ මෝටාර් ප්‍රහාරයකින් බවද හිටපු හමුදාපතිවරයා කීවේය. යුද ජයග්‍රහණයෙන් පසු ප්‍රභාකරන්ගේ මිනිය හඳුනාගැනීමට කරුණා අම්මාන් වෙල්ලමුල්ලිවයික්කාල්වලට ගියේ තමාගේ නියෝග මත බවද ඔහු කීවේය. සැබැවින්ම ප්‍රභාකරන් මිය ගියේ කෙසේද? යුද්ධය අවසන්වී හය වසරක් ගෙවීගියත් තවමත් රට්ටු එසේ අසති.

ඒ ප්‍රභාකරන්ගේ මරණය වූ ආකාරය ගැන ඇසින් දුටු සාක්ෂියක් නැති බැවිනි. මේ නිසා ප්‍රභාකරන්ගේ අවසාන මොහොත ගැන රටුන් අතරේ කයිකතන්දර රැසක් පැතිරී ගියේය. සමහරු කියන්නේ ප්‍රභාකරන් සිය දිවි නසා ගත් බවය. තවත් පිරිසකගේ මතය වන්නේ හමුදාව සමග මුහුණට මුහුණලා ඇති වූ ගැටුමකදී ඔහු මරණයට පත් වූ බවය. මේ කතා අතරේ එකල පැතිරී ගිය තවත් කතාවක් වන්නේ ජීවග්‍රහයෙන් අල්ලා ගත් ප්‍රභාකරන් එකල ජනපතිවරයාව සිටි මහින්ද රාජපක්ෂ හා එකල යුද හමුදාපතිවරයාව සිටි ලුතිනන් ජෙනරාල් සරත් ෆොන්සේකා හමුවට පැමිණවීමෙන් ඉක්බිතිව වෙඩි තබා ඝාතනය කෙරුණු බවය.

සැබැවින්ම මිය ගොස් ඇත්තේ ප්‍රභාකරන් නොව ඔහුගේ රුවට සමාන පුද්ගලයකු (ඩමියක්) බවද මීට හය වසරකට ඉහතදී රටේ කතන්දර පැතිර ගියේය. මේ සියලු කතාවලට මුල වූයේ ප්‍රභාකරන් පිළිබඳ අතිශයෝක්තියකින් ලියැවී තිබූ වීර කතාය. කිසිදු දිනක ප්‍රභාකරන් අල්ලා ගැනීමට නොහැකි වනු ඇති බව එම වීර කතාවල ලියැවී තිබුණි. සැබැවින්ම ප්‍රභාකරන්ගේ මරණය සිද්ධ වූයේ කෙසේද? ඊට පිළිතුරු සෙවීමට නම් සිව් වැනි ඊළාම් යුද්ධයේ අන්තිම දවසට යා යුතුය. ප්‍රභාකරන්ගේ මරණය සිදුවූයේ මැයි දහනව වැනිදා වුවත් අවසන් සටනේ කූඨප්‍රාප්තිය ළඟා වන්නේ මැයි දහතුන් වැනිදාය.

ඒ ප්‍රභාකරන් සැඟව සිටි වෙල්ලමුල්ලිවයික්කාල් බිම කොටුකිරීමත් සමගය. කලක් එල්.ටී.ටී.ඊ.යේ ප්‍රබලයකු වන කුමරන් පද්මනාදන් හෙවත් කේ.පී. පසුව හෙළි කළ ආකාරයට කොටුවී හුන් ප්‍රභාකරන් බේරා ගැනීමට ඔහු සැලසුම් හැදුවේය. ඒ සැලසුම අනුව කේ.පී. උත්සාහ කළේ වන්නි කැලයට හෙලිකොප්ටරයක් ගොඩබස්සා ප්‍රභාකරන්ගේ පවු‍ලේ සාමාජිකයන් මුදාගෙන මහ මුහුද මැද තිබෙන එල්.ටී.ටී.ඊ.ය ට අයත් නැවකට රැගෙන යාමය. රටවල් තුනක් ඔවුන් රැකබලා ගැනීමට කැමැති වූ බව කේ.පී. කීවේය. එනමුත් මෙම සැලසුම ක්‍රියාත්මක කිරීමට අවශ්‍ය මුදල් නොලැබි යාම හේතුවෙන් තමා එය කනගාටුවෙන් වුවද අත්හැර දැමූ බව කුමරන් පද්මනාදන් සඳහන් කර තිබුණි.

කෙසේ නමුදු ප්‍රභාකරන් කල්පනා කළේ අවසාන මොහොතේ හෝ හමුදාවට එරෙහිව දැවැන්ත ප්‍රහාරයක් එල්ල කර තමාට පලායාමට හැකිවනු ඇති බවය. දිනය දෙදාස් නවයේ මැයි දාහත් වැනිදාය. කොටි නායකයන් තීරණය කළේ තුන් කොන් ප්‍රහාරයක් එල්ල කිරීමටය. ඒ අනුව ප්‍රභාකරන් ඇතුළු කණ්ඩායමක් හමුදා වළලු බිඳගෙන නන්දිකඩාල් කලපුව හරහා ඒ 35 (මුලතිව් – පරන්තන්) පාර හරහා වන්නි කැලයට පැනයන්නටත් ඉන් පිරිසක් නැගෙනහිරට යන්නටත් තීරණය විය. තවත් කණ්ඩායමක් හමුදාවට කතා කොට යටත්වීමේ කොන්දේසි සාකච්ඡා කිරීමට තීරණය විය. එම සටන් බිමේ අරමුණවී තිබුණේ තුවාල ලබා සිටින කොටි සාමාජිකයන්ට ප්‍රතිකාර ගැනීමටත් ‍‍‍ජ්‍යෙෂ්ඨ කොටි නායකයන්ගේ පවුල් සඳහා ජීවිතාරක්ෂාව ලබා ගැනීමය.

තුන්වැනි කණ්ඩායමට භාර වූයේ ප්‍රභාකරන් සිටින ඉසව්වට පසුපසින් ප්‍රහාරයක් එල්ල වුවහොත් එය වළක්වා ගැනීමය. මේ සැලසුම යටතේ ඒ – 35 පාර ඔස්සේ සටන් කරන කොටි සාමාජිකයන්ට නායකත්වය දීම පැවරුණේ චාල්ස් ඇන්තනීටය. ඔහු වේලුපිල්ලෙයි ප්‍රභාකරන්ගේ ‍‍‍ජ්‍යෙෂ්ඨ පුත්‍රයාය. යටත්වීමේ කොන්දේසි සාකච්ඡා කිරීම පැවරුණේ කොටි දේශපාලන අංශ නායක බි. නඩේසන්ටය. ඔහු සමග ඔහුගේ සිංහල ජාතික බිරිය වූ මාතර, කඹුරුපිටියේ විනීතා ගුණසේකරද හුන්නාය. විනීතා මෙන්ම නඩේසන් ද ශ්‍රී ලංකා ‍පොලිස් දෙපාර්තමේන්තුවේ හිටපු කොස්තාපල්වරුය. කොළඹදී ඇති වූ ප්‍රේම සම්බන්ධතාවක් මත විවාහ වූ විනීතා, නඩේසන් එල්.ටී.ටී.ඊ.ය.ට බැඳුණු විට ඔහු සමග උතුරට ගියාය.

කෙසේ නමුත් පසුව හෙළි වූ පරිදි බි. නඩේසන් අවසන් මොහොත වනතුරා සිය චන්ද්‍රිකා තාක්ෂණ දුරකථනයෙන් ඉහළ පෙළේ කීප දෙනෙකු සමග සබඳතා පවත්වමින් සිටියේය. ඒ අතර යුද වාර්තාකරණය පිළිබඳ ලොව ප්‍රකට බ්‍රිතාන්‍ය මාධ්‍යවේදිනියක වන මාරි කොල්වින්ද සිටියාය. ඇය පවසා තිබූ පරිදි නඩේසන්ට අවශ්‍ය වී තිබුණේ ඔබාමා පාලනයෙන් හෝ බ්‍රිතාන්‍ය ආණ්ඩුවෙන් එල්.ටී.ටී.ඊ. නායකයන්ගේ ජීවිතාරක්ෂාව පිළිබඳ සහතිකයකි. එම සහතිකය ලබා ගැනීම සඳහා මාරි කොල්වින් උත්සාහ කළාය.

එනමුත් වෙල්ලමුල්ලිවයික්කාල් බිමේ තිබුණේ ගිනි කෙළි සංදර්ශනයකි. ඒ බිමට එල්ල වූ නිමක් නොවූ වෙඩි වරුසා මැද මරණය මිස වෙන දෙයක් නඩේසන්ට ඉතිරි නොවීය. ඔහු මෙන්ම ඔහුගේ බිරිය වූ විනීතා ගුණසේකර ද කොටි සාම මහ‍ලේකම් කාර්යාලයේ ප්‍රධානී පුලිදේවන් ද තෝර ගත්තේ මරණයේ මාවතය. මේ අතර එල්.ටී.ටී.ඊ.යේ ප්‍රහාරාත්මක සැලසුම කරළියට ආවේය. දහහත්වැනිදා රාත්‍රී හතයි විස්සට පමණ නන්දිකඩාල් ඉදිරි ආරක්ෂක වළල්‍ලේ හුන් සෙබළුන්ට කොටින්ගේ ප්‍රහාරයක් ගැන ඉව වැටුණි. ඒ අතරේ බුද්ධි අංශ තක්සේරුව වූයේ එල්.ටී.ටී.ඊ.ය ඇන්කර් 1 නමින් මෙහෙයුමක් සැලසුම් කර ඇති බවය. කලපුව හරහා පැමිණ මරාගෙන මැරෙන කොටින්ගේ ප්‍රහාරයට ලක්වූ බංකර් දෙකක් විනාශ විය. ඉන් සෑදුණු හිඩැසෙන් කොටි රට තුළට රිංගා ගත්හ.

අවසාන සටනේදී සිය දිවි පිදීමට සෙබළුන් පැකිලුණේ නැත. මැදියම් රැයේ මරුවා සමග ඔට්ටු ඇල්ලූ වීර වික්‍රමාන්විත සෙබළු ගරිල්ලන්ට දැඩි ප්‍රහාරයක් එල්ල කළහ. 17 වැනිදා රාත්‍රියේ හමුදාව ගරිල්ලන්ගේ තවත් මහා පරිමාණ ප්‍රහාරයක් බලා‍පොරොත්තු වූවේය. නමුත් විශාල දෙයක් නොවීය. පසුදින (18) අලුයම එකට පමණ නන්දිකඩාල් කලපුව දෙසින් පැමිණි සිවිල් ජනතාව අතරේ සැඟවී සිටි ගරිල්ලෝ පන්සීයක් පමණ හමුදාවට පහර දුන්හ. එම ප්‍රහාරය හමුදාවට දරා ගැනීමට අපහසු වූවේය.

ඒ – 35 පාරේ හමුදා ආරක්ෂක වළල්ල බිඳ වැටුණි. කුමරන් පද්මනාදන් පසුකලක මාධ්‍යයට හෙළි කළ තොරතුරු අනුව එල්.ටී.ටී.ඊ.ය යුද හමුදාවේ ඉදිරි ආරක්ෂක වළල්ල කඩන විටත් සුසෙයි ඔහු සමග චන්ද්‍රිකා දුරකථනය ඔස්සේ සබඳතා පවත්වමින් සිටියේය. අපි කඩාගෙන ගියා එල්.ටී.ටී.ඊ.යෙන් ඔහුට ලැබුණු අවසාන පණිවුඩයයි. මේ නිසා කේ.පී. යුරෝපයේ සිටින කොටි හිතැති ප්‍රජාවට දැනුම් දුන්නේ ප්‍රභාකරන් ආරක්ෂක වළලු බිඳ දමා පලා යාමට සමත් වූ බවය. එනමුත් කේ.පී.ගේ උපකල්පනය වැරදී ගියේය.

සිය ආරක්ෂක වළල්ල බිඳ වැටෙනවාත් සමග ඒ-35 පාරේ පිටුපසින් ප්‍රතිසංවිධානය වීමට පාබළ භටයෝ සමත් වූහ. ඒ කොමාන්ඩෝ හා විශේෂ බළකාවල අතිරේක ආරක්ෂාව සමගය. එල්.ටී.ටී.ඊ.යට එම ආරක්ෂක රැකවල් බිඳීමට නොහැකි විය. ප්‍රභාකරන් ඇතුළු කොටි නායකයෝ නැවත හැරුණහ. ඒ චාල්ස් ඇන්තනී නොමැතිවය. හමුදා ප්‍රහාරයෙන් ඔහු මිය ගොස් තිබුණි. මේ අතර වෙල්ලමුල්ලිවයික්කාල් දෙසට ඒ-35 පාර ඔස්සේ තුවාලකරුවන් තිදෙනෙකු රැගෙන ගුවන් සංග්‍රාමික බළසේනාවට අයත් ගිලන් රථය ගමන් කරමින් තිබුණේය. හමුදා පාලන ප්‍රදේශයට පැන ගත් ගරිල්ලෝ ගිලන් රථය පැහැර ගත්හ.

එහි උන් තුවාල ලැබූ සෙබළු තිදෙනාද රියැදුරා ද රථයෙන් පැන දිවි බේරා ගත්හ. ගරිල්ලෝ රථයට අත්බෝම්බ ප්‍රහාරයක් එල්ල කළහ. ඉන් ගිලන් රිය ගිනි ගෙන පිච්චුණේය. වෙඩි ප්‍රහාර මැද ගිලන් රථය දැවෙන විට ඒ අවට වැටී තිබූ ගරිල්ලන්ගේ සිරුර කීපයක්ද දැවී විකෘති වී තිබුණි. යුද හමුදා බුද්ධි අංශ නිලධාරීහු කොටින්ගේ පණිවුඩ හුවමාරු යන්ත්‍රවලට සවන් දුන්හ. ලොකු එක්කෙනාට අර දේ වුණා යනුවෙන් හුවමාරු වූ පණිවුඩයක් බුද්ධි නිලධාරීහු ග්‍රහණය කරගත්හ.

ගිලන් රථය ළඟ පිළිස්සුණු මළ සිරුරු තිබූ බැවින් මාධ්‍ය අතරට ගිය මුල්ම පණිවුඩයෙන් කියැවූයේ ප්‍රභාකරන් ගිලන් රථයකින් පැන යමින් සිටියදී වෙඩි වැදී මරුදුටු බවයි. මේ අතර කොමාන්ඩෝ හා විශේෂ බළකා සෙබළු ඇතුළු පාබළ රෙජිමේන්තු රැසක් ඒකාබද්ධව කොටියාට පැන යාමට ඉඩ නොදී කොටුකර පහර දුන්හ. උදෑසන ප්‍රහාරය අඩ පණ වන විට ගරිල්ලන්ගේ මළ සිරුරු සෑම තැනම වැටී තිබුණි. දහ අට වැනිදා කොටි නායකයන්ගේ මළ සිරුරු දුසිම් ගණන් හමු වන විට රජය ප්‍රකාශ කළේ එල්ටීටීඊය සහමුලින්ම විනාශ කළබවය. කෙසේ නමුදු මැයි දහ අට වැනිදා ප්‍රභාකරන් ගැන නිශ්චිත තොරතුරක් වාර්තා නොවීය.

හමුදා ප්‍රහාර මැද ඔහු නන්දිකඩාල් කලපුවේ කඩොලාන අතරේ සැඟව සිටියේය. සිය ගණනක් කායාරක්ෂකයන්ගේ දැඩි රැකවල් මැද දශක ගණනාවක් දිවිගෙවූ ප්‍රභාකරන් වටා අවසාන මොහොතේ හුන්නේ ආරක්ෂකයන් දහ අට දෙනෙකු පමණකි. එල්ටීටීඊ නායකයා සොයමින් අඛණ්ඩව මෙහෙයුම් කළ යුද හමුදාව නන්දිකඩාල් කලපුවේ කඩොලාන එකින් එක පරීක්ෂා කිරීමේ මෙහෙයුමක් ඇරඹීය. ඒ කාලතුවක්කු මල්ටි බැරල් මෙන්ම යුද ටැංකිවලින් ඒදෙසට එල්ල වූ වෙඩි වරුසාවකින් ඉක්බිතිවය. මැයි දහ අට වැනිදා රාත්‍රියෙන් පටන්ගත් එම මෙහෙයුම පසුදින එළිවනතුරා ක්‍රියාත්මක විය.

පසුදින (19) උදෑසන 8 වැනි කාර්ය සාධක බළකාය නන්දිකඩාල් කලපුවේ මෙහෙයුම් ඇරඹීය. මැයි දහ නව වැනිදා උදෑසන දහයයි පහට පමණ සෝදිසි මෙහෙයුමේ යෙදී සිටි 8 වැනි කාර්ය සාධක බළකායේ සෙබළුන්ට මළ සිරුරක් හමු විය. ඒ තිස් වසරක් පුරා මේ රටේ ඉරණම තීන්දු කළ පුද්ගලයා වූ ප්‍රභාකරන්ගේ මළ සිරුරය. හිස පසාරු කරගෙන යන වෙඩි උණ්ඩයක් ඔහුට වැදී තිබුණි. ප්‍රභාකරන්ගේ ඊළාම් හැඳුනුම්පත, චන්ද්‍රිකා තාක්ෂණ දුරකථනයත් හා පිස්තෝලයත් ඒ අසල විය. එනමුත් ඔහුගේ ගෙ‍ලේ සයිනයිඩ් කරලක් නොවීය.

සයනයිඩ් කරල වූ කලී සෑම එල්ටීටීඊයේ සාමාජිකයෙකුටම ප්‍රභාකරන් උරුම කළ වස්තුව විය. ඒ නිසාදොා් ප්‍රභාකරන් අසූ හතේදී ඉන්දීය අගමැති රජිව් ගාන්ධි හමු වීමට ගිය අවස්ථාවේ දී පවා එය තමන්ගේ ගෙලෙන් ගැලවූයේ නැත. මේ නිසා අගමැති ආරක්ෂකයන්ට සිද්ධ වූයේ රජිව් ගාන්ධිගේ ආරක්ෂාව පතා කොමාන්ඩෝ සෙබළුන් යෙදවීමටය. එදා රජිව් ගාන්ධි ඉදිරියේ පවා නොගැලවූ සයනයිඩ් කරල ප්‍රභාකරන්ගෙන් ගිලිහී තිබුණි.

ඔහු පිළිබඳ තිබූ වීර කාව්‍යවල තිබුණේ යම් හෙයකින් ඔහු මරා දැමුණහොත් හෝ සයනයිඩ් කෑවහොත් ඒ මොහොතේම ඔහුගේ සිරුර පුළුස්සා දැමීමට කායාරක්ෂකයන් ඉන්ධන බඳුනක් රැගෙන ගිය බවය. ඒ නායකයාගේ සිරුර සතුරා අතට පත්වීම වැළැක්වීමටය. එනුමත් ඒ කිසිවක් නන්දිකඩාල් කලපුවේ වූයේ නැත. ප්‍රභාකරන්ගේ මළ සිරුර සමග ඔහුගේ එකොළොස් වියැති බාල පුතු වූ බාලචන්ද්‍රන්ගේ වෙඩි වැදුණු සිරුරද හමුදාවට හමු විය.

ප්‍රභාකරන්ගේ බිරිය වන මදිවදනි හා දියණිය ද්වරකාගේ ද ‍පොට්ටු අම්මාන්ගේ මළ සිරුර හඳුනා නොගත්තද හමුදවේ තක්සේරුව වූයේ ඔවුන්ටද ප්‍රභාකරන්ට අත් වූ ඉරණම අත් වූ බවය. මේ අතරේ සටන් බිමේ හුන් ‍‍‍ජ්‍යෙෂ්ඨ හමුදා නිලධාරීහු හමුදා මූලස්ථානයෙන් උපදෙස් පැතූහ. දුරකථන ඇමැතුම් ගණනාවක් මුලතිව් හා කොළඹ අතර හුවමාරු විය.

ඉක්බිතිව වෙල්ලමුල්ලි වයික්කාල් බිමේ ප්‍රසිද්ධ නොකරන ලද තැනකදී ප්‍රභාකරන්ගේ මළ සිරුර දවා අළු කරනු ලැබිය. ඉක්බිතිව අළු මුහුදු වතුරට මුසු වී සදාකාලිකවම ජලතලය අතරේ සැඟව ගියේය. එනමුත් තිස් වසක් පුරා මේ ‍පොළො තලය මත රුහිරු ගංගා නිර්මාණය කළ ප්‍රභාකරන්ගේ කතා පුවත කිසිදාක කිසිවෙකුට අමතකවනු ඇතැයි සිතිය නොහැක. මිහිරි ෆොන්සේකා -Lakbima-

ගුවනේ සිට වෙඩි වරුසාවක්ම එල්ලකිරීමට හැකි මහා රාවණාගේ  “සහශ‍්‍රගත” යානය පිළිබද හෙළි වූ විශ්මිත කතාව

ගුවනේ සිට වෙඩි වරුසාවක්ම එල්ලකිරීමට හැකි මහා රාවණාගේ  “සහශ‍්‍රගත” යානය පිළිබද හෙළි වූ විශ්මිත කතාව

රාවණා රජතුමා පිළිබඳ ජාතික පිළිගැනීමක් ඇතිවී තිබේ. එතුමා හෙළ රජ පරපුරේ ආදි මුත්තෙක් බව ඇසීම කෙනෙකුට රිදීමක් වන්නට පුළුවන. නමුත් අපි ලියන්නේ විජාතික බලයක් හෝ විජාතික බලවේගයක් ගැන නොවේ. අපි රාම ගැන ලියුවා නම් එතැන ගැටලූවක් වීම සාධාරණය.

රාවණ රජතුමා, රාම ගේ දෘෂ්ඨියෙන් දැකීම බරපතළ දොසකි. රාම කුමරු හින්දුන්ගේ පූජාවට පත්වන බව නොරහසකි. නමුත් හින්දුන් විසින් රාවණාට එම තැන ලබා දී නැත. එයට හේතු වන්නට ඇත්තේ එක්කෝ රාවණ රජතුමා රාමට විරුද්ධවීම විය හැකිය. නැතිනම් රාවණ ලක්දිව රජකු වීමත් රාම ඉන්දීය රාජ පරපුරකවීමත් විය හැකිය. මේ දෙදෙනාම හින්දු අය ලෙස සලකනවා නම් එය නිවැරදි දැනුමින් පිටස්තර දෙයක් බව අපි විශ්වාස කරමු.

රාවණ රජතුමා යුද ශිල්පයෙහි ප‍්‍රමුඛයෙකි. එතුමා යුදයට අවශ්‍ය ආයුධ සෑම අතින්ම සන්නද්ධ කොට ගෙන සිටියෙකි. න්‍යෂ්ටික අවි පවා රාවණා සතුව තිබූ බව පුරාණ තොරතුරු ඇසුරේදී පෙනී යයි. කෙසේ වෙතත් බොහෝ දෙනාගේ හිත සුව පිණිස රාවණ රජතුමා ඇතැම් යුද උපකරණ භාවිත කළේ නැත. එයට හොඳම උදාහරණයක් මේ ලිපිය ඔස්සේ සපයමු. රාවණාට සහශ‍්‍රගත නම් විශිෂ්ට යුද යානයක් තිබිණි. මෙම යුද යානය අද ”මල්ටි බැරල්” යුධෝපකරණයට වඩා බෙහෙවින් දියුණු වූවකි.

සහශ‍්‍රගත ගුවන් යානය නිෂ්පාදනය කළේ එවකට සිටි දක්ෂ ගුවන් යානා ඉංජිනේරුවකු වූ ධීර රකුසාය. ඔහු මහා රාවණාගේ උපදෙස් අනුව මේ යානය නිපදවා ඇත.

දක්ෂිණ ලංකාවේ කතළු පුරයේ කතළු කුමරු විසින් සපයන ලද රත්තරන්ද, වීර රකුසා සැපයූ රිදීද, අටකලම්පන්නේ ඉන්දීර රකුසා විසින් ලබා දුන් පිරිසිදු වානේද ඊට යොදා ගත් බව කියැවේ. මෙම සහශ‍්‍රගත යානය වෙනත් ග‍්‍රහලෝකයකට වුවද පහසුවෙන් පහරදිය හැකි තරම් බලවත් නිෂ්පාදනයක් විය.
විශේෂයෙන් රාවණ රජතුමා මෙම යුද ගුවන් යානය මගින් අඟහරු ලෝකය වැනි ජනාවාස ගත ග‍්‍රහලොවක බලය අල්වා ගැනීමට බලාපොරොත්තු වූවා වන්නටද පුළුවන. විටෙක මෙය අපට පුදුම උපදවන්නක් වුවද ගැඹුරින් කල්පනා කර බැලීමේ දී කිසියම් මතයක පිහිටන්නට බැරි නැත.

ලෝකය සම්පූර්ණයෙන් නොදියුණු යුගයක රටක් විසින් තවත් රටක් අල්ලා ගනු ලැබීම දුෂ්කරය. නමුත් බලසම්පන්න ආයුධ ඇති කලෙක ප‍්‍රබල රටක් විසින් දුර්වල රටක් අල්වා ගැනීම දුෂ්කර නොවේ. අප බැලිය යුත්තේ මේ න්‍යාය මත පිහිටා රාවණ යුගය යනු නොදියුණු යුගයක් ලෙස නොව වර්තමානයටත් වඩා දහස් සංඛ්‍යාත දියුණු තැනක සිටය. එවැනි තැනෙක සිට බලද්දී ග‍්‍රහලෝක අල්ලා ගන්නා තරමේ යුද උපකරණ තිබීම ගැන පුදුම ඉපදවිය යුතු නැත.

සහශ‍්‍රගත යානය සෑදීමේදී ඉන්දියාවේ හිමාල කඳුකරයෙන් ගෙන්වන ලද ”මයුර දණ්ඩ” නමැති ලී කොටස්ද මෙහි සවිකර තිබිණි. එය රියදුරුගේ ආරක්ෂාවට සවිකරන ලද බව රාවණා කතා තල්පතෙහි සඳහන් වෙයි.

විශේෂයෙන් සහශ‍්‍රගත යානය යුද්ධයට යොදා ගැනීමෙන් බලවත් මිනිස් සංහාරයක් වන බව දැන සිටි රජතුමා එය රාම හා සටනට යොදා ගත් බව නොපෙනේ.

මෙම නව ගුවන් යානය නිපදවන පුවත විභීෂණගෙන් රාමට දැන ගන්නට ලැබුණු අතර, යුද්ධය අතරමග නවතා දමා ආපසු යා යුතුයැයි යෝජනා කළේ රාමගේ අග‍්‍ර පුරෝහිත හනුමන්ත් ය.

”මම ආවේ ලංකාව බලන්න නෙවෙයි, මෙහි සඟවා සිටින සීතා රැුගෙන යන්නයි. එම නිසා ඔබ කවුරු ආපසු ගියත් මා ආපසු හැරෙන්නේ නෑ”
සිරුරින් කුඩා වුවත් රාම විසින් හනුමන්ත්ට පවසන ලද්දේ දැවැන්ත රණකාමියෙකු පරිද්දෙනි.

රාවණා රජතුමා දක්ෂ සටන්කාමියෙක්. එතුමා මේ සටනට සහශ‍්‍රගත යානය යොදා ගන්නේ නෑ. එතුමා මේ සටන සලකන්නේ පුංචි සටනක් ලෙසයි.
රාවණා රජතුමා පිළිබඳ මනා අවබෝධයක් තිබූ විභීෂණ රාමාට දැන්වූයේය. මේ විභීෂණ රාවණ රජතුමාගේ බාල සහෝදරයා වූ නමුත් ඔහු කටයුතු කළේ රාම කුමරුගේ පැත්තගෙනය.

සහශ‍්‍රගත යානය ගුවනේ එක තැනක හෝරාවක් වුවද නවතා සටන් කළ හැක්කක් බව කියැවේ. එකවර වෙඩි උණ්ඩ දහස් ගාණක් මුදාහල හැකි යානයකි. වෙඩි උණ්ඩ පොකුරු පිටින් මුදාහරින අතර උණ්ඩ නිකුත් කරන ප‍්‍රමාණය අවශ්‍ය පරිදි අඩු වැඩි කරවා ගත හැකිය.

සහශ‍්‍රගත යානය නිපදවා එහි ශක්තිය උරගා බැලීමේ අවස්ථාවක් කල්පිටිය මුහුදු ප‍්‍රදේශයේ පැවැත්විණි. එහි පහසුව පිණිස එවක එහි සිටි ධීවර ප‍්‍රජාවද ඉවත් කෙරිණි. මෙම යානය පණ ගැන්වූ පසු පළාතක් ගිනිබත් වන තරමට යානය බලවත් විය.

කල්පිටියේ යුද අභ්‍යාසයක් සඳහා සහශ‍්‍රගත යානය ලකේගල සිට පදවාගෙන ආවේ මේඝනාද (ඉන්ද්‍රජිත්) කුමරුය. යානය කල්පිටියේ විශාල ගල් පීඨිකාව මත ස්ථානගත කෙරිණි. මේ යුද අභ්‍යාසය දුර ඈත සිට නරඹන්නට විශාල ජනතාවක් ඒකාරාශි වූහ. ඔවුහු මෙය මහා වික‍්‍රමාන්විත ක‍්‍රියාවලියක් හැටියට දැක ප‍්‍රීති ඝෝෂා නඟමින් සතුට ප‍්‍රකාශ කරන්නට වූහ.

එදා කල්පිටිය වෙරළට රාවණ රජතුමා ද පැමිණ සිටියේය. යානය රජතුමාට පිළිගැන්වූයේ මේඝනාද කුමරු විසිනි. මේ සහශ‍්‍රගත යානය නිෂ්පාදනය වුණේ ලකේගල කන්දේය. එහි මංගල ගමන රාවණ රජුට භාර විය.

”මෙම ගුවන් යානයෙන් මේ රටේ කිසිම මිනිසෙක් ඝාතනය කිරීමට මම අදහස් නොකරමි. මෙය වෙනත් ග‍්‍රහලෝක සමග සටනට පිළියෙල කළ එකකි. දරුවනි, සහශ‍්‍රගත යානය තොපගේ ජයකි” යි කී රාවණ රජතුමා යානයට ගොඩ විය.

යානය පණගැන්වූ රජතුමා අහසට නැගුණේ දක්ෂ යුද නියමුවකුගේ ලක්ෂණ පෙන්නුම් කරමිනි. යානයෙහි හඬ කල්පිටියේ සිට පුත්තලම දක්වා හෙණ ගසන්නාක් මෙන් පැතිර ගියේය. එම ප‍්‍රදේශයේ සිටි වන සතුන් බියට පත්ව වන රොදවල, ගල්ගුහාවල, ගස් බෙනවල සැඟවී දින ගණනක් විසූ බව රාවණ කතා පුස්කොලහි සඳහන් වේ.

සහශ‍්‍රගත යානය මුහුදේ හා ගංගාවල පවා ස්ථාන ගත කර තැබීමට වුවද දියුණු එකක් විය.

යානය අහසේ දස්කම් පාද්දී කිතුල්ගල අසල වන රොදක් යානයේ බලවත්කම ඉදිරියේ ගිනිබත් විය. එම ගිනිදැල් ඉතා ශීඝ‍්‍රයෙන් කිතුල්ගල සිට යටියන්තොටට පැතිර ගියේය.

සහශ‍්‍රගත යානය නිසා ගිනිබත් වූ මේ ප‍්‍රදේශයට දැන් ගිනිගත්හේන යැයි කියන බව ආචාර්ය මිරැුන්ඩෝ ඔබේසේකර මහතා කියයි. එදා මෙම යානය නිසා සිදුවූ බලවත් විනාශය දුටු රාවණ රජතුමා බොහෝ සෙයින් කම්පාවට පත්විය.

සහශ‍්‍ර ගුවන් යානය පෘථිවිය මත කිසිම යුද්ධයකට භාවිත නොකරන ලෙස මේඝනාද කුමරුට තදබල ආඥාවක් නියම කළේය.

රාම සමඟ සටන බලවත් සටනක් බව රාවණ සිතුවේම නැත. රාම බලවත් තර්ජනයක් බව රාවණ සිතුවා නම් ඉතා පහසුවෙන් ඔහු මැඩපැවැත්වීමේ ශක්තිය රාවණ ලබා සිටියේය.

සහශ‍්‍රගත යානය රාමට එරෙහිව ක‍්‍රියාත්මක කළේ නම් රාම, හනුමන්ත් පමණක් නොව රාම සහායකයන් සියල්ලන් එක තැනක ඝාතනය කිරීමේ කාර්යය රාවණට සරල කාරණයක් විය.

රාවණ රජතුමා බොහෝ දුරදක්නා නුවණින් කටයුතු කළ අතරම, බොහෝ දෙනාගේ හිත සුව පැතූ බවද ඉතා පැහැදිලිව හඳුනාගත හැකිය. රාවණා රජතුමා තමන්ගේ ආත්මාභිලාෂය පමණක් තැකුවා නම් රාවණා පිළිබඳ වෙනස් ආකාරයකට මේ ලිපි ලියැවෙන්නට තිබිණි.

රාවණා යනු හෙළයාගේ ”පෞරුෂය” රැුකගෙන යුද බිමට ගිය හා අභීත තීන්දු ගත් රජකු හැටියට සටහන් කළ යුතුය. එතුමා හෙළයා රැුකගත්තා මිස හෙළයා නැසුවේ නැත. හෙළයා නසන්නට පැමිණි රාමා ට රාවණ රජතුමා සටන් කළ පිළිවෙලක් තිබිණි. එබැවින් රාවණ ගැන දකින බොහෝ දොස් නිවැරදි කර ගැනීමට මේ කාලයයි.

සටහන – අසංක ආටිගල

පිළිස්සුම් තුවාල වලට කදිම ඔසුව මාළු පොතු බව ඔබ දන්නවාද මෙන්න එම විශ්මිත ඔසුව 

පිළිස්සුම් තුවාල වලට කදිම ඔසුව මාළු පොතු බව ඔබ දන්නවාද මෙන්න එම විශ්මිත ඔසුව

පිළිකුල දනවන දෑ ඖෂධ දක්වා වර්ධනය කොට නවීන වෛද්‍ය විද්‍යාව ලත් ජයග්‍රහණය අගය කොට යුත්තක් වේ. එලෙස, බ්‍රසීලියානු ජාතික වෛද්‍යවරුන් පිරිසක් සිදු කළ අත්හදා බැලීම්වලට අනුව, පිලිස්සුණු තුවාල සුව කිරීමට කදිම ඖෂධයක් සොයා ගෙන ඇත.

තිලාපියා මාළු. ඔබේ ආහාර වේලට ආධුනිකයෙක් නොවේ. මේ පිළිබඳව පර්යේෂණ සිදු කළ වෛද්‍යවරුන් පෙන්වා දෙන්නේ, අධික පිලිස්සුම්වලට ලක් වූ රෝගීන් හට තිලාපියා මාළු හම සිසිල ගෙන දෙන්නක් මෙන්ම අධික වෛද්‍ය ගාස්තුවලටද පිළියමක් වන බවයි.

පිලිස්සුණු තුවාලයක සුවය සඳහා අවශ්‍ය වන collagen සහ තෙතමනය තිලාපියා මාළු හම තුළ අන්තර් ගත වී ඇති බව උතුරු බ්‍රසීලයේ Ceara නම් ෆෙඩරල් විශ්වවිද්‍යලයේ විද්‍යාඥයින් පිරිසක් සිදු කරන ලද පර්යේෂණවලින් අනාවරණය කොට ගෙන තිබේ. එමෙන්ම, මෙය ගෝස් කැබැල්ලකට වඩා ඉහළ මට්ටමකින් තෙතමනය රඳවා තබා ගනියි.”පිලිස්සුම් තුවාල මත තිලාපියා මාළු හම් ඇතිරීම ඉතා අපූර්වයි. මාළු හම් කියන්නේ අපි බැහැර කරන දෙයක්.

නමුත් සමාජයට ප්‍රයෝජනවත් වන නිෂ්පාදනයක් ලෙස අපි මෙය යොදා ගන්නවා” Ceara විශ්වවිද්‍යාලයේ මහාචාර්ය odorio de Morais  මෙසේ පවසා සිටියි.

බ්‍රසීලියානු පර්යේෂකයන් තවදුරටත් පෙන්වා දෙන්නේ, මේ මාළු හම්වල ඉතා වේගවත් සුව කිරීමේ ගුණයක් ගැබ් වී ඇති බවයි. නිතර නිතර වේදනාවට ඖෂධ දැමීමේ අවශ්‍යතාවද මෙය අවම කරවයි.

මේ තිලාපියා මසුන්ගේ හම් රෝහල් වෙත යැවීමට මත්තෙන් විද්‍යාගාර තාක්ෂණ ශිල්පීන් විසින් විවිධ ජීවානුහරණ ක්‍රියාවලීන්ට භාජනය කොට, එහි ඇති virus විකිරණ මගින් විනාශ කිරීමට Sao Pauloහි ඇති රසායනාගාර වෙත යවනු ලැබේ. වරක් ජීවානුහරණය කොට පිරිසිදු කරන ලද මාළු හම් වසර දෙකක පමණ කාලයක් තබාගත හැකි බවයි පර්යේෂකයන් පවසා සිටින්නේ. මෙසේ ජීවානුහරණ ක්‍රියාවලීන්ට ලක් කළ මාළු හම් වලින් තවදුරටත් මාළු ගන්ධය වහනය නොවේ.

Antonio Janio යනු මෝටර් රථ යන්ත්‍ර ශිල්පියකු වන අතර, පෑස්සුම් ගෑස් සිලින්ඩරයකින් සිදු වුණු කාන්දුවකට ලක් වී බාහුව අධික ලෙස පිලිස්සුණු අයෙක්. මාළු හම් ප්‍රතිකාරය ලත් ඔහු පවසන්නේ, දවස් දෙකකින් දෙකකට මාරු කළ යුතු bandageවලට වඩා මහඟු සුවයක් මාළු හම් මගින් ඔහු ලබා ගත් බවයි.

පිලිස්සුම් තුවාලයක් ඇති වුණු විට, එම තුවාල ප්‍රදේශය පුරාවටම තිලාපියා මාළු හම අතුරා bandage එකකින් ආවරණය කෙරේ. මෙයට කිසිදු ආලේපනයක් භාවිත නොකෙරේ. දින 10කින් පමණ පසු වෛද්‍යවරුන් විසින් bandage ඉවත් කරනු ලැබේ. ඉන් පසු වියළි භාවයට පත්ව ඇති තිලාපියා සම පිලිස්සුම් තුවාලයෙන් මනාව ගලවාගත හැකි වේ.

Morais පවසන පරිදි, තිලාපියා ප්‍රතිකාරයට වැය වන්නේ පිලිස්සුණු රෝගීන් මත සාමාන්‍යයෙන් ආලේප කරන sulfadiazine ආලේපනයේ මිලට වඩා 75% අඩු පිරිවැයක්. එමෙන්ම, මේ සොයාගැනීමේ ඉදිරි පියවරක් ලෙස පර්යේෂකයන් බලාපොරොත්තු වන්නේ, තිලාපියා ප්‍රතිකාරය වාණිජමය ලෙස නිෂ්පාදන මට්ටමෙන් දියුණු කිරීමටයි.

උදානි ඉන්ද්‍රචාපා

හනිමුන් එක නැතිවුණා කියලා දුකක් නෑ එයාට වගේම මටත් අකිලට හොඳ දරාගැනීමේ ශක්තියක් තියෙනවා

හනිමුන් එක නැතිවුණා කියලා දුකක් නෑ එයාට වගේම මටත් අකිලට හොඳ දරාගැනීමේ ශක්තියක් තියෙනවා

අකිල ධනංජය ගැන මේ දවස්වල හැමෝම කතා වෙනවා. ඒ ඔහුගේ විවාහයට පසුදින තරගයේ කඩුලු හයක් ලබාගැනීමත් සමගයි. ඔහු එම තරගයට සහභාගි වෙන්නෙ විවාහය දින රාත්‍රියේම නුවරට පැමිණෙන නිසා ඒ කැපකිරීම ගැන හැමෝම බොහොම උනන්දුවෙන් කතා වුණා. ඒ ගැන අහන්න අපි අකිලගේ ආදරණීය බිරිඳ නෙතලි ටෙක්ෂිණිට කතා කළා.

* විවාහය දවසෙම අකිල තරගයට සහභාගි වුණා. ඒ ගැන මොකද හිතුණේ?

විවාහය දවසෙම රෑ අපි නුවර එනවා. එදා අපේ හනිමුන් එක. ඒත් දුකක් දැනුණේ නෑ. මොකද අකිල යන්නෙ රට වෙනුවෙන් කියලා හිතුණ නිසාම. ඒ දවස නැති වුණා කියලා පසුතැවුණේ නැහැ.

* දුකක් හිතුණේ නැද්ද හනිමුන් එක දවසෙම රෑ අකිල ගියාම?

නෑ දුකක් හිතුණේ නැහැ. ඔහුත් එක්ක මමත් ගියා. මට ගොඩක් සතුටු හිතුණා ඔහුට ක්‍රීඩා කරන්න ලැබිම ගැන.

* විවාහයට කලින් අකිල ඔබට කීවද විවාහ උත්සවය දවසෙ තරගයට සහභාගි වෙනවා කියලා?

ඔව්. ඒ ගැන මට කලින් දන්වලා තිබුණ නිසා දුක හිතුණේ නැහැ.

* අකිල තරගයට සහභාගි වෙලා කඩුලු හයක් ගන්නවා?

ඇත්තටම වෙනදා මම අකිලට කියනවා හොඳට සෙල්ලම් කරන්න කියලා. එදා මට එහෙම කියන්නත් අමතක වුණා. එදා ඔහු තරගයටත් හොඳින් සෙල්ලම් කළා. ඒ නිසයි කඩුලු හයක් ගන්න පුළුවන් වුණේ. එකපිට ඔහු කඩුලු හයක් අරගෙන තිබුණේ නැහැ. ඒ නිසා ලොකු සතුටක් තියෙන්නේ. ඇත්තටම ඒක විවාහයට අකිල දීපු තෑග්ගක් වගේ.

* ඒ තරගය ශ්‍රී ලංකා කණ්ඩායම පරාජයට පත් වෙනවා. ඒ ගැන අකිල මොනවද කීවේ?

දුකයි. එයාට වගේම මටත් අකිලට හොඳ දරාගැනීමේ ශක්තියක් තියෙනවා. ඒ නිසා ඒ පරාජය දරාගන්න එයාට හැකියාව තියෙනවා. ක්‍රිකට් කියන්නේ අවිනිශ්චිත ක්‍රීඩාවක්. ඒ නිසා ජය පරාජය හැමෝටම ‍පොදුයි.

* ඔහු එම තරගයේ වීරයා බවට පත්වීමත් දුර්ලභ අවස්ථාවක් නේද?

ඔව්, පරාජය වෙන කණ්ඩායමක තරගයේ වීරයා වීම කලාතුරකින් වෙන දෙයක්. ඇත්තටම මම හිතුවෙත් නෑ ඔහු එම තරගයේ වීරයා වෙයි කියලා. ඔහුටත් එහෙම බලා‍පොරොත්තුවක් තිබුණේ නැහැ. ඔහු තරගයක වීරයා වුණ ප්‍රථම අවස්ථාව. අකිල ඒ ගැන ගොඩක් සතුටු වුණා.

* අකිල මුණගැහුණු විදිහත් මතක් කරමු?

2010දී තමයි අකිල මුණගැහෙන්නේ. පාස‍ලේ දී ඔහු වගේම මමත් ක්‍රිකට් ක්‍රීඩා කළා. ඔහු මගේ මිතුරියක් අතේ යාළු වෙන්න අහලා තිබුණා. ඒත් මම මුලින්ම කැමැති වුණේ නැහැ. අපි දෙන්නම පාසල් ගියේ පානදුර මහානාම විද්‍යාලයට.

* ඊට පසුව ඔබ ඔහුට කැමැති වෙනවා?

එදා පාස‍ලේ බිග්මැච් එක දවස. ඔහු තමයි තරගයේ වීරයා වෙන්නේ. මට දුරකථන අංකය දුන්නත් මම ගත්තේ නැහැ. ඔහු ගියාට පසුවයි අංකය ගත්තේ. ඊට පස්සේ මම කතා කළා. ටික දවසක් කතා කරලා දැන හඳුන ගත්තට පස්සේ තමයි මම ඔහුට කැමැත්ත දෙන්නෙ.

* අකිලට කැමැති වෙන්න විශේෂ හේතුවක් තිබුණද?

ඔව්. හොඳ ගතිගුණ නිසයි ඔහුට කැමැත්ත දුන්නේ.

* දෙමාපියන් මේ සම්බන්ධයට කැමැති වුණාද?

ගෙවල් දෙකෙන්ම මුලින්ම කැමැති වුණේ නැහැ. එයාලගේ ගෙදරින් හිතුවේ එයා ක්‍රිකට් නැති කරගනී කියලා. අකිල ශ්‍රී ලංකා කණ්ඩායමට එකතු වුණහම ගෙවල්වලින් ආශීර්වාදය අපට ලැබුණා.

* අකිල වගේ සැමියෙක් ලැබිම ගැන මොකද හිතන්නෙ?

අකිල මං ගැන හොයලා බලනවා. මට ‍පොඩි දුකක් දැනුණත් ඔහුට මාව තේරෙනවා. ඒ නිසා ඔහු වගේ සැමියෙක් ලැබිම ගැන මම ආඩම්බර වෙනවා.
තිළිණි කරුණාරත්න

සැමියාට හොරා බිරිද අනියම් පෙම්වතා සමග රෑට රෑට පෙම්කෙලලා මාට්ටු – බිරිද අනියම් පෙමතාටම බාර දී සැමියා ගෙදර යයි

සැමියාට හොරා බිරිද අනියම් පෙම්වතා සමග රෑට රෑට පෙම්කෙලලා මාට්ටු – බිරිද අනියම් පෙමතාටම බාර දී සැමියා ගෙදර යයි

පුරුෂයා හා දරුවන් දෙදෙනා සමග රාත්‍රියේ නිදා සිට අලුයම් කාලයේ අනියම් පුරුෂයෙකු සමග පැනගොස් සිටි කාන්තාවක පුරුෂයා විසින් අනියම් පුරුෂයාටම බාරදුන් බව වැලිගම පොලිසිය පවසයි.

කාන්තාව 24 හැවිරිදිය. පුරුෂයා 37 හැවිරිදිය. ඔහු රියැදුරු රැකියාවේ යෙදෙන්නෙකි. අනියම් පුරුෂයා රැකියා විරහිත අයෙකි. කාන්තාව පුරුෂයාට නොදැනෙන්නට කලක සිටම ඔහු හා අනියම් සම්බන්ධයක් පවත්වා ඇත.

සිද්ධිය වූ රාත්‍රියේ පුරුෂයා, කාන්තාව හා දරු දෙදෙනාට නින්ද ගොස් සිටියදී අලුයම් 2.20ට පමණ පුරුෂයා නින්දෙන් අවදිව ඇත. කාන්තාව ඇඳේ නොසිටි නිසා ඔහු කලබලයට පත්ව එළිවෙනතුරා කාන්තාව සොයා අන්තිමේදී වැලිගම පොලිසියට පැමිණිලි කර තිබේ.Image result for Fake husband indian

වැලිගම මූලස්ථාන පොලිස් පරීක්ෂක මිලාන ලසන්ත බුද්ධික මහතාගේ උපදෙස් අනුව කරන ලද විමර්ශනයේදී කාන්තාව අනියම් පුරුෂයාගේ නිවෙසේ සිටියදී පොලිසියට කැඳවාගෙන විත් ඇත.

ළමා හා කාන්තා කාර්යාංශයේ ස්ථානාධිපති උප පොලිස් පරීක්ෂක යූ.ජී. සෝමසිරි මහතා විසින් කාන්තාව, පුරුෂයා හා අනියම් පුරුෂයා සමග සාකච්ඡා කොට නැවත වරක් කාන්තාව හා සැමියා එකතු කිරීමට කොතෙක් උත්සාහ කළත් එය සාර්ථක වී නැත.

කාන්තාව එක හෙලාම කියා ඇත්තේ තමන්ට අනියම් පුරුෂයා සමග යාමට අවශ්‍ය බවයි. අනියම් පුරුෂයාද ඇය බාර ගැනීමට කැමැත්ත ප්‍රකාශ කර තිබේ.

මෙම කතාබහට සවන්දී සිටි පුරුෂයා කාන්තාව අනියම් පුරුෂයාට බාරදීමට කැමැත්ත ප්‍රකාශ කර දරු දෙදෙනා තමන් බාර ගන්නා බව පවසා ඇත.

අවසානයේදී කාන්තාව අනියම් පුරුෂයා සමග පොලිසියෙන් පිටවී ගිය අතර පුරුෂයා දරු දෙදෙනා සමග පිටවී ගියේ ඉදිරියේදී දික්කසාද නඩුවක් පවරා බිරිඳගෙන් අයින් වෙන බව පවසමිනි.

(මිරිස්ස – සුනිල් ධර්මබන්දු ද සිල්වා)

මම රගපානවා හොදයි කියලා යාළුවො කියනවා එත් අපිට බලන්න වෙන්නේ නෑ T.V එක කැඩිලා සද්දේ විතරයි එන්නේ – හාර කොටියෙ “දෝණි”

මම රගපානවා හොදයි කියලා යාළුවො කියනවා එත් අපිට බලන්න වෙන්නේ නෑ T.V එක කැඩිලා සද්දේ විතරයි එන්නේ – හාර කොටියෙ “දෝණි”

ස්වර්ණවාහිනියේ විකාශනය වන ‘හාර කෝටිය’ටෙලි නාට්‍යය වයස් භේදයකින්  තොරව බොහෝ දෙනා අතර ජනප්‍රියත්වයට පත්වී හමාරයි. මෙහි ‘දෝණිගේ’චරිතය හරහා බොහෝ රසික සිත්වල ආදරයට පාත‍්‍ර වුණ පුංචි තරුව තමයි ජාන්වි අප්සාරි කියන්නේ.  ඇයගේ මේ ගමන් මග ගැන කතා කරන්න ඇයව මෙලෙස අප සමග සම්බන්ධ විය.

මේ දිනවල ස්වර්ණවාහිනියේ විකාශනය වන ‘හාර කෝටිය’ටෙලි නාට්‍යය වයස් භේදයකින්  තොරව බොහෝ දෙනා අතරජනප්‍රියත්වයට පත්වී හමාරයි. මෙහි ‘දෝණිගේ’චරිතය හරහා බොහෝ රසික සිත්වල ආදරයට පාත‍්‍ර වුණ පුංචි තරුව තමයි ජාන්වි අප්සාරි කියන්නේ.

 මේ දවස්වල පාසල නිවාඩු නේද?

ඔව්, ඒක නිසා මම හොඳට සෙල්ලම් කරනවා

පාසල පටන් ගන්න දවස දන්නවාද?

දන්නේ නැහැනේ

ජාන්විගේ සම්පූර්ණ නම කියන්නකෝ?

ජාන්වි අප්සාරි අබේවර්ධනඑතකොට

වයස?

අවුරුදු 5යි මාස 10යිඉතිං

ඉස්කෝලේ ගැන කිව්වේ නැහැනේ?
මම ඉගෙන ගන්නේ මිනුවන්ගොඩ ධම්මාරාම ඉස්කොලේ එක වසරේයි.කවුද

පන්තිභාර ගුරුතුමිය?
රෝසි මැඩම්

මැඩම් හොඳයි?

හරි හොඳයි, මට ගොඩාක් ආදරෙයි.

ඉගෙන ගන්න කැමති මොනාද?

මේකප් ඉගෙන ගන්න කැමතියි.

මේකප් ඉස්කෝලේ උගන්වන්නේ නැහැනේ?

ලොකු වුණාම මම මේකප් ඉගෙන ගන්නවා.

ඇයි ඒ?

මම ආසයි කට්ටියගේ මුහුණවල් ලස්සන කරන්න.

ඒ කියන්නෙ ලොකු වුණාම් මේකප් ආර්ටිස්ට් කෙනෙක් වෙන්නද හිතන් ඉන්නේ?

ඔව්, මම ඒකට ආසයි.

 

එතකොට ඇයි රඟපාන්න හිතුණේ?

මුලින්ම රඟපෑවේ වෙළෙඳ දැන්වීමකටයි.

රඟපාන්න බය හිතුණේ නැද්ද?

අපෝ නැහැ. පොඞ්ඩක්වත් බය හිතුණේ නැහැ

රඟපාන එක ගැන යාළුවෝ මොකද කියන්නේ?

හොඳයි කියනවා. යාළුවොත් නාට්‍ය බලනවා. හැබැයි අපිට බලන්න වෙන්නේ නැහැ.

ඇයි ඔයාට බලන්න වෙන්නේ නැත්තේ?

අපේ ටීවී එක කැඩිලා සද්දේ විතරයි එන්නේ.

කවුරුත් ආදරය කරන චරිතයක් වෙන්න අවස්ථාව ලැබුණේ කොහොමද?

අම්මායි, තාත්තයි, අක්කයි, මමයි එක දවසක් කොහෙද තැනක (BMICH) ප‍්‍රදර්ශනයක් බලන්න ගියා. තාත්තා එක්ක මාමා කෙනෙක් කතාකරනවා දැක්කා. තාත්තා ඇවිත් අම්මා එක්ක කිව්වා අක්කවයි මාවයි වෙළෙඳ දැන්වීමකට රඟපාන්න ඉල්ලුව කියලා. ඒකට තාත්තා හා කියලා තිබ්බා. ඊට පස්සේ ඒ චාමර සමරවික‍්‍රම කියන කැමරාකරණ මාමා අපිව සද්ධා මංගල සූරියබණ්ඩාර මාමා ළඟට එක්කගෙන ගියා. එතැනදී අක්කගෙයි, මගෙයි ෆොටෝස් අරගෙන දවස් දෙකකින් පණිවිඩයක් කියන්නම් කියල ඒ මාමා තාත්තිට කිව්වා. දවස් දෙකකින් කතා කරලා වෙළෙඳ දැන්වීමකට මාව තෝරගත්තා කියලා තාත්තිට කියලා තිබුණා.

පාසල් වැඩ අතපසු වෙන්නේ නැද්ද?

වැඩිපුරම රූගත කිරීම්වලට යන්නේ සෙනසුරාදා ඉරිදා තමයි. ඉස්කෝලේ දවසක ගියොත් අම්මා ටීචර්ට කියලා, අතපසු වුණ පාඩම් ටීචර් ගෙදරට එන්න කියලා මට කියලා දෙනවා.

ගොඩක් අය කතා කරන්නේ දෝණි කියලද?

ඔව්නේ, දැන් ඉස්කෝලේ යාළුවොත් දැන් මට කියන්නේ හාර කෝටියේ දෝණි කියලා.

 

මේ කතාබහ අතරට ජාන්විගේ ආදරණීය අම්මා වන නිලංකා නයනමාලී අප එක්කර ගනු ලැබුවා

දුව මේ තරමට ජනප්‍රිය වෙයි කියලා හිතුවද?

එහෙම නම් කවදාවත් හිතුවේ නැහැ. එයා ගොඩක් දක්ෂ නර්තනයටයි. අහම්බෙන් හම්බ වුණ අවස්ථාවක් එයාව මෙච්චර දුර අරං ආවා. මුලින්ම සිංහ පුත්‍ර ෆිනෑන්ස් එකේ වෙළෙඳ දැන්වීමක් තමයි කළේ. ඒක හරහා එයාට චිත්‍රපටයක් ආවා. ඊට පස්සේ තමයි ‘හාර කෝටිය’ සඳහා සම්බන්ධ වෙන්න අවස්ථාව ලැබුණේ. BMICH එකේදී චාමර සමරවික්‍රම පුද්ගලයා අහම්බෙන් හම්බ වෙලා තමයි දුවලා දෙන්නවා ඉල්ලුවේ.

ඊට පස්සේ දුවලා දෙන්නම එක්කගෙන ගියේ සද්ධාමංගල සූරිය බණ්ඩාර සර් ගාවට. එතැනදී දුවලා දෙන්නාගේම ෆෝටෝස් අරගත්තා. ඊට පස්සේ පොඩ්ඩිව තෝරගත්තා කියලා කෝල් කළා. ඒ කැමරාවේ හිටියේ රුවන් කොස්තා සර්. එයා කිව්වා පොඩි දුවට හැකියාවක් තියෙනවා කියලා. එතැනදී දුවව චිත්‍රපටයකට තේරුණා.

සද්ධා සර්ම තමයි හස්බන්ඩ්ට කතා කරලා කිව්වේ ‘මල්ලි මම දුවට කතාවක් ලියනවා. මම දුවව දාලා ලිව්වට කමක් නැහැනේද’ කියලා. ඊට පස්සේ අපේ හස්බන්ඩ් කිව්වා ‘සර්ට හොඳයි කියලා හිතනවානම් ලියන්න’ කියලා. සිවගුරුනාදන් සර් ඇතුළු හැමෝම නිසා තමයි අද දුව මේ තැන ඉන්නේ

ජාන්වී අද තරුවක් වෙලා ඉවරයි නේද?

ගොඩක් සතුටුයි ඉතිං

 

පාසලෙන් ලැබෙන සහයෝගය?

ගොඩක් ලොකු සහයෝගයක් ලැබෙනවා. ඒ වගේම පංති භාර ගුරුතුමිය චාමරී මහත්මිය වගේම විදුහල්පතිනි ඇතුළු සියලුම දෙනා මේ වෙලාවේ ගෞරවයෙන් මතක් කරනවා. දුවගේ රංගන වැඩවලට ඔවුන් පාසලක් විදිහට ලොකු සහයෝගයක් දෙනවා.

මේ දේවල් එක්ක දුවට තවත් නිර්මාණ සඳහා ආරාධනා ලැබෙනවා ඇති නේද?

ඔව් නමුත් හැමවැඩක්ම භාර ගන්නේ නැහැ. ඊයේ පෙරේදා චිත්‍රපටයක් සඳහාත් ආරාධනාවක් ලැබුණා. එහෙම කියලා එයාව ගොඩක් මහන්සි කරවන්නේ නැහැ. දුව කොච්චර වැඩ කළත් කම්මැලි නැහැ. කොච්චර මහන්සි වුණත්, අසනීප වුණත් ඉස්කෝලේ යන්නේ නැතුව ඉන්නෙත් නැහැ

ඩිලාන් ක්‍රිෂාන්ත  ඡායාරූප – චමත් වින්දුල

 

මේ මගේ පලවෙනි ආදරේ නෙවෙයි මම දන්න එකම දේ අද මම බදිනවා කියන එක විතරයි

මේ මගේ පලවෙනි ආදරේ නෙවෙයි මම දන්න එකම දේ අද මම බදිනවා කියන එක විතරයි

ඇය වේදිකාව තුළ සම්මානලාභී රංගන ශිල්පිනියකි. මේ දිනවල දෙරණ රූපවාහිනී නාළිකාවේ විකාශය වන ‘සිදූ’ ටෙලිනාට්‍යය තුළින් ඇය ප්‍රේක්ෂකයන් හමුවට එනු ලබයි. නදිශානි පේලිආරච්චි වන ඇයගේ වෘත්තීමය පැතිකඩ පිළිබඳව බොහෝදෙනා දන්නා බව නම් නොරහසකි. නමුත් එම කාරණා සඳහා යොමු නොවී වෙනත් කාරණාවක් අද ඇයගේ රසිකයන් වෙනුවෙන් අප ගෙන ඒමට සූදානම්. අද (01දා) දින ඇයට විශේෂ දවසකි. මන්ද අද දිනයේ ඇය විවාහ දිවියට එළඹෙන බැවිනි. ඇය සිය ආදර කතාව පිළිබඳව අපත් සමග මෙලෙස අදහස් බෙදාගනු ලැබීය.ඇය වේදිකාව තුළ සම්මානලාභී රංගන ශිල්පිනියකි.

මේ දිනවල දෙරණ රූපවාහිනී නාළිකාවේ විකාශය වන ‘සිදූ’ ටෙලිනාට්‍යය තුළින් ඇය ප්‍රේක්ෂකයන් හමුවට එනු ලබයි. නදිශානි පේලිආරච්චි වන ඇයගේ වෘත්තීමය පැතිකඩ පිළිබඳව බොහෝදෙනා දන්නා බව නම් නොරහසකි. නමුත් එම කාරණා සඳහා යොමු නොවී වෙනත් කාරණාවක් අද ඇයගේ රසිකයන් වෙනුවෙන් අප ගෙන ඒමට සූදානම්. අද (01දා) දින ඇයට විශේෂ දවසකි. මන්ද අද දිනයේ ඇය විවාහ දිවියට එළඹෙන බැවිනි. ඇය සිය ආදර කතාව පිළිබඳව අපත් සමග මෙලෙස අදහස් බෙදාගනු ලැබීය.මේ

දවස්වල කොහොමද කාලය ගත වුණේ?

පසුගිය 27 වැනිදා තමයි රාජිත දිසානායකගේ නාට්‍ය උලෙළ ඉවර වුණේ. අවුරුදු 18කට පස්සේ ‘වෙඩි තියන්න බැහැ’ නාට්‍ය ආපහු කළා. ‘ආදර වස්තුව’ අවුරුදු 04කට පස්සේ අපි ආපහු කරන්න පටන් ගත්තා. මේ දවස්වල ‘නැතුව බැරි මිනිහෙක්’ නාට්‍යය වේදිකාගත වෙනවා. තනූජ් අනවරත්නගේ අලුත් නාට්‍යයක් වේදිකාගත වෙන්න තියෙනවා. ඒ ටික තමයි වේදිකාව පැත්තෙන් සිදුවන වැඩකටයුතු ටික. එතකොට රූපවාහිනිය ගත්තාම මම ‘සිදු’ එකේ වැඩකටයුතු කරගෙන යනවා. ඉදිරියටත් ඒකෙ වැඩකටයුතු තියෙනවා. වෙනස් යමක් කරන්න පුළුවන් චරිතයක් ලැබුණ නිසා සතුටින් කරගෙන යනවා.

ජීවිතයට තව කෙනෙක් එකතු වෙන්න යනවා නේද?

ඇත්තටම ඔව්, මම අද (01දා) විවාහ වෙනවා. තාම මුහුණ දෙන්න බලාපොරොත්තුවෙන් ඉන්න එකක්. කොහොමද මුහුණ දෙන්නේ කියලා හිතල නැහැ. අදින් පස්සෙ තමයි මුහුණ දෙමින් විවාහ දිවිය ගෙනියන්නේ කොහොමද කියල හිතන්න ඉන්නේ. දැනට අද (01දා) දවස ගැන විතරයි හිතල තියෙන්නේ.

 

අද දවස විශේෂයි නේද?

අනිවාර්යෙන්ම ඔව්, විශේෂ දවසක් තමයි. විශේෂ කියන්න හේතුවක් තිබ්බත් ඒක කියන්න තේරෙන්නෙ නැහැ. විශේෂයි කියල තමයි මටත් තේරෙන්නේ. ඒ විශේෂ දේ මොනවගේද? මොකක්ද? කියලා මම තාම හිතනවා. මට මේ ගැන ලොකුවට හිතන්න වෙලා නැත්තේ, මම විවාහ වෙන්න තෝරගෙන තියෙන්නේ අවුරුදු එකොළහක ඉඳන් මම දන්න අවුරුදු කිහිපයක ඉඳන්ම ඉන්න මගේ යාළුවාවයි. ඔහුගේ නම ගයාන් දේශප්‍රිය. ඉතිං ඒ නිසා විවාහයක් ගැන අමුතුවෙන් බයක් හරි, මොකක්ද ඊළඟට වෙන්නේ කියන තිගැස්ම හරි මට නැහැ. ඒ යාළුවාම වෙන නිසා වෙන්න ඇති.

දින ගැන්නේ අද දිනේ ඉවර වෙනකල්ද?

ඇත්තටම නම් දින ගනින්නේ නැහැ. ඔයා අහනකොට තමයි මම ඒ ගැන හිතන්න ගන්නේ. විශේෂයෙන් කියන්න නම් දෙයක් නැහැ. මම දන්න එකම දේ අද මම බඳිනවා කියල විතරයි.

යාළුවා ආදරවන්තයා වුණේ කවදද?

ඇත්තටම අපි විවාහ වෙන්න තීරණය කරලා නම් ඉතාමත් කෙටි කාලයයි. එයා නම් මගෙන් අහල තියෙනවා අවුරුදු 06කට විතර කලින්. හැබැයි එතකොට අපි යාළුවෝ. මම අවුරුද්දකට කලින් සම්බන්ධයක් ගැන හිතනකොට මගේ ඔළුවට ආවේ එයාව විතරයි. ඊට පස්සෙ මාස 3,4කින් තමයි අපි සම්බන්ධයකට යමු කියල තීරණය කළේ.

යාළුවාගේ ගැළපීම කොහොමද?

මම දැනට කියනවා, මට මේ වෙනකන් හමුවෙලා තියෙන, ආශ්‍රය කරලා තියෙන, මම දැකලා තියෙන අයගෙන් හොඳම මම කැමතිම ගතිගුණ තියෙන කෙනාව තමයි මම විවාහ වෙන්නේ. මට ඒ ගැන ගොඩාක් සතුටුයි. මට හමුවෙලා තියෙන අයගෙන් මාව තේරුම් ගත්ත කෙනා තමයි ඔහු. මගේ යාළුවා වෙලා ඉන්න කාලේ තිබුණ තේරුම් ගැනීමම අදටත් තියෙනවා. මම හිතනවා ඒ තේරුම් ගැනීම ඉදිරියටත් තියෙයි කියලා. මට කිසිම බයකුත් නැහැ.

ඒ නිසා විවාහය ගැන අමුතුවෙන් ලෑස්ති වෙන්න උවමනාවක් නැහැ. විවාහයෙන් පසුව මෙයාට මාව ගැළපෙයිද? මාව තේරුම් ගනීද කියන බය නැහැ. ඒ නිසා අමුතුවෙන්ම විවාහයෙන් පස්සෙ ජීවත් වෙන්නේ කොහොමද කියන කාරණාව හිතෙන්නෙ නැහැ. හැබැයි එක දෙයක් හිතෙනවා. අපි යාළුවෝ විදිහට අවුරුදු 11ක් හිටියනේ, ඉතිං ඒ යාළුකම විවාහයකට පෙරෙළෙන එක ගැන අපි දෙන්නටම පොඩි අමුත්තක් තියෙනවා.

 

පාසල් ආදරේ සහ මේ ආදරේ අතර වෙනස?

ආදරේ අතර නම් දැනෙන ලොකු වෙනසක් නැහැ. ආදරේ කරන්න ගියාම ඒ කාලෙද මේ කාලෙද කියලා වෙනසක් නැහැ. දැනෙන එක ඒ විදිහටම දැනෙනවා. හැබැයි, කියන්න තේරෙන්නේ නැහැ. පුංචි මොකක් හරි වෙනසක් තියෙනවා. පාසල් යන කාලේ තිබ්බ ආදරෙයි, දැන් තියෙන ආදරෙයි වෙනස් කියන දේ දැනෙනවා. තේරුම් ගැනීමයි, ජීවත් වෙලා තියෙන කාලය මත සහ ඒ ආදරේ දකින විදිහ වෙනස් වෙලා ඇති කියලා හිතනවා.

ඔබගේ පළමු වෙනි ආදරයද මේ?

නැහැ. මේ මගේ පළමුවෙනි ආදරය නෙමෙයි.

කලාව පැත්තට ඔහුගෙන් ලැබෙන සහයෝගය?

යාළුවෙක් වශයෙන් ඉන්න කාලයේදීත් මම එයත් එක්ක ඕනම දෙයක් කතා කරනවා. මට එන ප්‍රශ්නයක්ද, අහන්න තියෙන දෙයක්ද, කතා කරන්න තියෙන දෙයක්ද හැමදෙයක්ම එයත් එක්ක බෙදා ගන්නවා. මම හිතනවා ඉදිරියේදීත් ඔහුගෙන් උපරිම සහයෝගයක් ලැබෙයි කියලා. ඒ කාලෙත් මේ දේවල් ගැනම තමයි කතා කළේ.

වේදිකාවේ සම්මාන තිබ්බත් ටෙලි නිර්මාණ සහ සිනමාවේ සම්මාන නැත්තේ ඇයි?

ටෙලි නාට්‍ය ඇතුළේ සම්මාන හම්බවෙලා නැහැ. මම ගොඩක් නිර්මාණ සඳහා දායක වෙලත් නැහැ. කිහිපයක් තමයි කරලා තියෙන්නේ. ටෙලි නාට්‍ය ඇතුළේ සම්මානයක් සඳහා යන්න තියෙන පරිමාව මොකක්ද කියලා ඇත්තටම මම දන්නෙ නැහැ. ගොඩක් ලැබුණ නිර්මාණයවල චරිත නාට්‍ය පුරාම විහිදෙන ඒවා නෙමෙයි. ‘සිදූ’ එකේ හොඳ චරිතයක් කරන්න ලැබිලා තියෙනවා.

දැන් ගොඩක් නාට්‍ය ලියවෙමින් යනකොට අපි දන්නෙ නැහැ සම්පූර්ණ චරිතය ගැන. මම දන්නේ මම කරන දේ මගේ උපරිමයෙන්ම කරනවා කියල විතරයි. ඒ සඳහා සම්මානයක් ලැබුණොත් මට සතුටුයි. ලැබුණෙ නැහැ කියල, සම්මානයක් ගන්න ඕනමයි කියල දෙයකුත් නැහැ. හැබැයි කරන නිර්මාණය සඳහා ඒ චරිතය උපරිමයෙන්ම කරනවා.

ඔබ වැඩියෙන්ම කැමති සිනමාවටද? වේදිකාවටද? ටෙලි නිර්මාණවලටද?

මට රංගන ශිලිපිනියක් විදියට ඉගෙන ගන්න තියෙන්නේ, එකතු කරගන්න දේවල් තියෙන්නේ, පුරුදු පුහුණුවීම් කරන්න තියෙන්නේ, මම ගොඩක් කැමති වේදිකාවට. ඒ වගේම මම සිනමාවටත් කැමතියි. මම ඒ ක්ෂේත්‍ර තුනටම කැමතියි. හැබැයි මම වැඩිපුරම වේදිකාවට කැමතියි.

අපිට එකතුවෙන්න, පුහුණු වෙන්න වගේම සමහර වෙලාවට හිතෙනවා ඒ දේවල් වලින් ලැබෙන අත්දැකීම තමයි අපි අනිත් දේවල් සඳහා ලබාගන්නේ කියලා. ඉගෙනගන්නා පැත්තෙන් වැඩිපුරම තියෙන්නේ වේදිකාව තමයි. මම ගොඩක් කැමතිත් වේදිකාවට. දෙවෙනියට කැමති සිනමාවට. ඊළඟට කැමති ටෙලිනිර්මාණ සඳහා. ඒ වගේම ඒ ක්ෂේත්‍ර තුනෙන්ම ලැබෙන අත්දැකීම් සඳහා කැමතියි.

 

ඔබේ ඉදිරි වැඩකටයුතු මොනවාද?

මම කාලයක සිට රාජිත දිසානායකගේ ෆ්‍රීඩම් තියටර් කණ්ඩායමත් සමග වැඩ කරනවා. මම හරිම කැමැත්තෙන් තමයි ඔවුන් සමග වැඩකටයුතු කරන්නේ. එහි ‘ආදර වස්තුව’, ‘නැතුව බැරි මිනිහෙක්’ වගේ නාට්‍ය කිහිපයක් තිබෙනවා. ‘නැතුව බැරි මිනිහෙක්’ මේ වන විට සෑහෙන වාර ගණනක් ප්‍රදර්ශනය කරලා තියෙනවා. ‘ආදර වස්තුවත්’ නැවත ප්‍රදර්ශන කටයුතු ආරම්භ කරනවා. ඊට අමතරව මම නිදුක් මධුෂික ලියන සිරස එෆ්.එම්හී විකාශය වන ‘රන්මුද්දක් හැඬුවා’ ගුවන් විදුලි නාට්‍යයට සම්බන්ධවෙලා ඉන්නවා.

ඒක වෙනස්ම විදියේ ගුවන් විදුලි නාට්‍යයක්. මම මීට පෙරත් ගුවන් විදුලි නාට්‍ය කිහිපයක හඬකැවීම්වලට දායක වී තිබුණත්, ගොඩක් කාලෙකින් තමයි වෙනස්ම විදියක කතාවකට සම්බන්ධවෙලා ඉන්නේ. මට මේ දිනවල වේදිකාව, ගුවන් විදුලිය, ටෙලි නාට්‍ය වගේ ක්ෂේත්‍ර රැසක වැඩකටයුතු කරන්න අවස්ථාව ලැබිලා තියෙනවා. ඒක මට ලොකු සතුටක්. ඉදිරියේදී පාලිත පෙරේරා අධ්‍යක්ෂණය කරපු ළමා චිත්‍රපටයක් තිරගත වීමටත් නියමිතව

රංගනය කියන ක්ෂේත්‍රය තුළ දිගටම රැඳී ඉන්නද බලාපොරොත්තුව?

එහෙම කිසිම අදහසක් නැහැ. මේ ක්ෂේත්‍රයට මගේ කැමැත්ත තියෙන තාක් කල් මම වැඩකටයුතු කරනවා. මේ ක්ෂේත්‍රයට යම් තැනකදී මගේ කැමැත්ත නැති වුණොත් මම වෙන කිසිම හේතුවක් මත ක්ෂේත්‍ර‘යේ රැඳී ඉන්නෙ නෑ. මට දැනට පේන්නෙ නැහැ මම ක්ෂේත්‍රය අතාරියි කියන එක. හැබැයි විවාහ වුණා කියල ක්ෂේත්‍රය අතාරින්නේ නැහැ.

තිබෙනවා.ඩිලාන් ක්‍රිෂාන්ත

සීගිරි චිත්‍රවල ඇති කාන්තා රූප කාශ්‍යප රජුගේ බිසෝවරු නෙවෙයි මෙන්න ඉතිහාසය වෙනස් කල නව සොයාගැනීම

සීගිරි චිත්‍රවල ඇති කාන්තා රූප කාශ්‍යප රජුගේ බිසෝවරු නෙවෙයි මෙන්න ඉතිහාසය වෙනස් කල නව සොයාගැනීම

සීගිරි චිත්‍රවල ඇත්තේ කාශ්‍යප රජුගේ දියණියන්

සීගිරිය ගැන විවිධ මත අදහස් වරින්වර එළිදකී. මේ විධියට වෙන්ඩ ඇත. යනාදී වශයෙන් ඒ ඒ අයගේ මනෝභාවයන් විද්වත් ලෙසත් අවිද්වත් ලෙසත් වරින්වර එළියට එන්නේය. මේ අද ඊයේ ආයේ සිංහයන්ගේ පාද ලෙස සලකන දොරටුවේ ඇති ඇඟිලි තුනේ පාද සිංහයකුගේ නොව කුරුල්ලකුගේ පාද මතයයි. මේ මත පුද්ගල මනෝභාව මිස යථා තත්ත්වය නොවේ.

එහි යථා තත්ත්වය නිවැරදි ලෙස මහාවංසය දක්වා තිබේ. එහෙත් මහාවංසය ලියා ඇත්තේ පාලි බසින් හා සිංහල අකුරින් වීම නිසා එහි එන අදහස් ඇඟට මදිය. අඩු ගණනේ ඉංගිරිසියෙන් බටහිරයකු ඔය තියෙන්නේ වලස් කකුල් යැයි කීවා නම් මහාවංසය කුණු ගොඩේය. විද්වත් මත අපට අවශ්‍යය. එහෙත් ඒවා හේතු සාධක නැති පරගැති මත නොවිය යුතුය.

සීගිරි ගල බිහි වූයේ ලෝක විනාශය සිදු වී සක්වල නැවත සෑදෙන අවස්ථාවේම බව කිවයුතු නැත. ගල්පස් කන්දක් ලෙස නිර්මාණය වී සොබා දහමේ පහරින් ගෙවී ගිය ශේෂ කන්දක ශේෂයක් බවට එය පත්වන්නට ඇත. රා.ව. 479 වන විට මෙය විශාල පර්වතයක් වශයෙන් වෙන් වී පැවැති බවට සිතීමට කිසිම සාධකයක් අවශ්‍ය නැත 479 කාශ්‍යප සිය අගනුවර මෙහි පිහිටුවා ගන්නා කල තිබූ තත්ත්වය එයයි. එහෙත් පෙර මෙහි ගල් ලෙන්වල භික්ෂූන් වාසය කළ බවට වෙනම අදහස් පසුව දක්වමු.

ධාතුසේන (461-479) රජුට පුත්‍රයන් දෙදෙනෙක් වූහ. අභිෂේක බිසොවගෙන් ලත් පුත්‍රයා වූ මුගලන් හා වෙනත් දේවියකගෙන් ලැබුණු පුත්‍රයා වූ කාශ්‍යප වශයෙනි. පියා මැරවූ කාශ්‍යප රජකමට පත් වූයේය. නියම ලෙස රාජ්‍යයේ හිමිකරු වූ මුගලන් කුමරු ඔහුට බියෙන් ඉන්දියාවට පලා ගියේය. එහෙත් කාශ්‍යපද අනුරාධපුරයේ විසීමට බිය විය. ඔහු ආරක්ෂාව උදෙසා ඉහතින් සඳහන් කරන ලද කන්ද තෝරා ගත්තේය. කාශ්‍යපගේ මේ තෝරා ගැනීම සිදුවන විට එහි නම සීගිරිය නොවීය. වෙනත් කිසියම් නමක් විය. එය අපට දැන් නිශ්චිතව දැනගත නොහැකිය. මහාවංසය මෙසේ කියා ඇත.

“ප්‍රාකාරයෙන් වටකොට හිණිපෙත් ගෙවල් සිංහ ආකාරයෙන් කරවීය. එයින් එය ඒ නමින් (සිංහගිරි) විය.”
මේ මහාවංස පාඨය කිසිවකුට වෙනස් කළ නොහැකිය. පර්වත මූණතේ සම්පූර්ණයේ කපරාරු කර සිංහ රූ ඇඳ තිබුණේය. ඒ නිසා සීගිරි වී යැයි ප්‍රවාදයක් තිබේ. එහෙත් ඒවා අද දක්නා නොලැබේ.

සීගිරියේ සිංහයා කරවා ඇත්තේ උක්කුටුකයෙන් වාඩි වී ඉදිරිය බලා සිටින ආකාරයෙනි. එහි පා මැදින් ඇතුළට යායුතු අතර මුඛයෙන් ගර්භයට පිවිසිය යුතු ආකාරය නිරූපිත වේ. පාදයේ ඇඟිලි මගින් වැසුනු අයුරු නිරූපිතය. සිංහයාගේ කටින් රිංගන්නට එන සමතා කවරෙක්ද? කාශ්‍යප රජු සිංහයෙකුසේ තමා ගැන සිතීය. යුදයට ගියේ “මුඅල්ලාකම්” කියාය.

පරාජය වන බව පෙනී ගිය තැන කඩුව ගෙන හිස සිඳගෙන කඩුව කොපුවෙහිද දමා ගත්තේය. ඔහුගේ සිතේ බලවත්කම මේවායින් පෙනේ. පසු කාලය වන විට ප්‍රදේශයම සීගිරි නමින් ප්‍රකට වූයේය. සීගිරියට සමීපයෙන් ඇති වියවුල්පත ලිපියක සිහිගිරි බිම් ප්‍රදේශයේ පිහිටි සාගුණා පන්සල නම් ආරාමයක් ගැන සඳහන්වේ.

අසිග්ගාහක සංඝතිස්ස (607-608) රජු දළ මුගලන් (608-614) රජුට පැරදී රුහුණට පලා යද්දී මුගලන් රජුගේ සේනාවට අසු වී රජුගේ නියමයෙන් සීගිරියට ගෙන ගොස්, රජු පුතා හා සෙනෙවියා යන තිදෙනාම එහිදී මරණයට පත් කළේය.

දළමුගලන් (608-614) රජුද ශිලාමේඝ (614-623) රජු සමග සටන් වැද පැරදී පලායන විට සීගිරියේදී මැරුම් කෑවේය. අනෙක් අතට මහාචාර්ය සෙනරත් පරණවිතාන කාශ්‍යප රජු ආලකමන්දාවේ කුවේරයා මෙන් විසී යැයි පවසා තිබේ. එය ඒ මහතාගේ මතයක් නොවේ. මේ අදහස මහාවංසයේම දැක්වෙයි. එහි මෙසේ කියැවේ.

“දර්ශනීය වූද මනහර වූද දෙවන ආලකමන්දාව මෙන් රජගෙයක් එහි කරවා කුවේරයා මෙන් විසීය.”
සීගිරියේ චිත්‍ර ගැනද විවිධ අදහස් ප්‍රකාශ වී ඇත. පැහැපත් රූප රාජකුමාරිකාවන්, බිසොවුන් දැක්වෙතැයිද, කළු පැහැති රූප සේවිකාවන් දැක්වෙතැයිද, H.C.P.බෙල් මහතා කියයි. මේ චිත්‍රවලින් අප්සරාවන් දැක්වෙතැයි කුමාරස්වාමි මහතා පවසයි. කළුවන් රද මේඝලතාද, පැහැපත් රූප විජ්ජුලතාද, අර්ථවත් කෙරේ යැයි සෙනරත් පරණවිතාන මහතා කියයි.

සීගිරි කාශ්‍යප රජුට බොධි, උප්ලවන්නා නමින් දියණිවරුන් දෙදෙනෙක් වූහ. රන්වන් පැහැය බෝධියටද, නිල්පැහැය මහනෙල්වලටද, ආරෝපණයවේ. මේ දියණියන්ගෙන් එක් අයකු රන්වන්ද අනෙක් දියණිය කාලවර්ණද වූ බව පෙනේ. මේ නම් තබා ඇත්තේ ඒ අනුවය. සීගිරි වනන් අතර මේ දෙදෙනා නිරූපිත යැයි දැක්වීම වඩා ප්‍රායෝගිකය.

මේ දියණියන් දෙදෙනාට රජු බෙහෙවින් ආදරය කළ බවද පෙනේ. සීගිරි ග‍ලේ චිත්‍රයට නැංවීමෙන් අර්ථවත් කළේ මේ දූවරුන් දෙදෙනා මිස අන් කවරියකවත් නොවේ. ඉසුරුමුණිය ප්‍රතිසංස්කරණය කළ කාශ්‍යප දූවරුන් දෙන්නාගේ නම්ද එයට තැබුවේ මේ දූහිතෘ ආදරය නිසාය.

සීගිරිය ගැන මේ කරුණු දැක්වූයේ අප නිවහල්ව සිතිය යුතු බවද පැවැසීම අවශ්‍ය බැවිනි. දැන් අපි සීගිරියේ සෙල්ලිපි සොයා යමු. මෙහිදි අප සීගිරි ගී ගැන අවධානයට ගන්නේ නැත.

සීගිරිය කාශ්‍යප රජුගේ වාසභවනය වීමට පෙර එහි ලෙන්වල භික්ෂුන් වාසය කරන ලද බව ඉහතින් දක්වා ඇත. එයට සාධක ලෙස එහි ලෙන්වල ඇති ලිපි දැක්විය හැකිය. ඒවා මෙසේය.

1. පරුමක කඩිය පුත ….
ප්‍රමුඛ කඩිගේ පුත්‍ර

2. පරුමක තිරිපුත අඛික්ධය ලෙණෙ
ප්‍රමුඛ තිරිගේ පුත්‍ර අබික්ධිගේ ලෙණ (පුදන ලදී)

3. පරුමක නගුලිය ලෙණෙ
ප්‍රමුඛ නගුලිගේ ලෙණ (පුදන ලදී)

4. පරුමක තිහ පුත බමදතහ ලෙණෙ
ප්‍රමුඛ තිස්සගේ පුත්‍ර බ්‍රහ්මදත්තගේ ලෙණ (පුදන ලදී)

5. උපශක උතරශ ච උපශික තිශය ච ශදය ලෙණෙ
උත්තර උවසුගේද තිස්සා උවැසියගේද සම අයිති ලෙණ (පුදන ලදී)

6. උපශක උතරහ ලෙණෙ
උත්තර උවසුගේ ලෙණ (පුදන ලදී)

7. 1. අබල වාබර සලහ

2. ලෙණෙ වෙසාය තොසාච
සියඹලා වෙළඳ ව්‍යාපාරික සලගේ
ලෙණ වෛශ්‍යා තොසා ගේද (පුදන ලදී)

පුරාවිද්‍යා චක්‍රවර්තී එල්ලාවල මේධානන්ද නාහිමි

පෙරහරේ මොනර නැටුම නටපු අක්ක නෙගෝ රෑ කොල්ලෙක් එක්ක වෙනම නැටුමක් නටලා 

පෙරහරේ මොනර නැටුම නටපු අක්ක නෙගෝ රෑ කොල්ලෙක් එක්ක වෙනම නැටුමක් නටලා

රුහුණු මාගම් පත්තුවේ ගමක ජීවත් වූ අක්ක නගෝ දෙදෙනෙකි. අක්කාගේ වයස අවුරුදු පහළොවකි. නංගිගේ වයස අවුරුදු දාහතරකි. වසර කිහිපයකට පෙර අම්මා විදේශ රැකියාවකට ගොස් ඇති නිසා ඔවුන් ජීවත් වූයේ තාත්තා සමගය. මේ අක්කා නගෝ එම පළාතේ කලායතනයක සිසුවියෝ ද වූහ. ඔවුන් දෙදෙනා ඉදිරිපත් කළේ මොනර නැටුමය.

පළාතේ පෙරහරවලට ඔවුන්ගේ මොනර නැටුම අපූරු අලංකාරයක් එක් කළේය. පසුගිය දිනවල පැවති ඇසළ උත්සව පෙරහැරවලදී ද මේ මොනර පැටික්කියන්ගේ නැටුම දැක ගත හැකි විය. එසේ එක් ඇසළ උත්සවයක පෙරහරක නැටුමට පැමිණි අවස්ථාවේ අක්කා බොරු කකුල් නැට්ටුවකු සමඟ පේ‍්‍රම සම්බන්ධයක් ඇති කර ගත්තාය. ඔහු ගාල්ල නගරාසන්නයේ ගමක පදිංචිකරුවෙකි.

පෙරහර අවසන් වීමෙන් පසු ගාල්ල බස් නැවතුම් පොළේදී ඔවුන් හමු වූ අතර ? බෝ වූ නිසා ඔහු අක්ක නාගෝ දෙදෙනා ඔවුන්ගේ නිවෙසට කැඳවාගෙන ගියේය. තාත්තා නිවසේ සිටියේය.

දුව රැක බලා ගැනීමට තමාට හැකියාවක් නොමැති නිසා දුව රැගෙන යන ලෙස මේ අපූරු තාත්තා ඔහුගෙන් ඉල්ලා සිටියේය. එදින රාත‍්‍රී ඔහු ඇයගේ නිවසේ ගත කළේය. එහිදී වෙනදා පෙරහැරේ නටන බොරු නැටුම් වෙනුවට දෙදෙනා සැබෑවටම වෙනත් නැටුමක් නැටුවේය.

පසුදින තාත්තාගේ ආශිර්වාදය මැද ඔහු ඇය කැඳවා ගෙන යාමට සූදානම් විය. එහෙත් නංගි පැවසුවේ තමාට අක්කා නැතිව සිටීමට බැරි නිසා තමා ද එක්ක යන ලෙසය. ඒ අනුව අක්ක නගෝ දෙදෙනා ඔහු සමග පැමිණියහ. මේ අතර නංගිගේ පෙම්වතා ද එම නිවසට ආවේය.

එහෙත් වැඩි දිනක් ඔවුනට එසේ සිටීමට බැරි විය. කිසිවෙකු විසින් පොලිස් හදිසි ඇමතුම් අංශයට දෙන ලද පණිවුඩයක් අනුව එම කොට්ඨාසයේ පොලිසිය පැමිණ බාලවයස්කාර පෙම්වතුන් පොලිස් අත්අඩංගුවට ගත්තේය.

අක්කා පරීක්ෂා කළ අධිකරණ වෛද්‍ය නිලධාරියා වාර්තා කර ඇත්තේ ඇය දුෂණය වී ඇති බවය. ගාල්ල මහේස්ත‍්‍රාත් අධිකරණය පෙම්වත්හු දෙදෙනා සැප්තැම්බර් 9 දක්වා රිමාන්ඞ් බන්ධනාගාර ගත කරනු ලැබූහ.

ගාල්ල පොලිසියේ ළමා හා කාන්තා කාර්යාංශය පැවසුවේ වැඩිදුර පරීක්ෂණ ස්ත‍්‍රී දුෂණය සිදුව ඇති තංගල්ල කොට්ඨාසයේ අදාළ පොලිස් ස්ථානය වෙත බාර දීමට කටයුතු කරන බවය.

(උණවටුන ඩී.ජී. සුගතපාල)