ඔපස් වීමේ වරදට ජීවිතයෙන් වන්දිගෙවූ පාසල් සිසුවියගේ සංවේදී කතාව 

ඔපස් වීමේ වරදට ජීවිතයෙන් වන්දිගෙවූ පාසල් සිසුවියගේ සංවේදී කතාව

ඔසප් රුධිර පැල්ලමක් දැක කෝපයට පත් ගුරුවරියකගේ අපහාස කිරීම් නිසා සිත් තැවුලට පත් තමිල්නාඩු දැරියක් සියදිවි හානිකර ගැනීමක් දකුණු ඉන්දියාවෙන් වාර්තා වෙයි.
සියදිවි හානිකර ගැනීමට පෙර ලිපියක් ලියා තබන දොළොස් හැවිරිදි දැරිය ගුරුවරිය තමාට “හිරිහැර” සිදු කරන ලද බව කියා සිටින්නීය.

ඔසප් වීම සම්බන්ධයෙන් අවමානයට පත් වීමක් ගැන එම ලිපියේ සඳහන් නොවුනත් රුධිර පැල්ලමක් නිසා සිය දියණියට පන්ති කාමරයෙන් පිටව යන මෙන් දැනුම් දී ඇති බව දැරියගේ මව පවසයි.

ඔසප් වීම ග්‍රාමීය ඉන්දියාවේ ඇතැම් පලාත්වල තවමත් සැලකෙන්නේ තහංචියක (taboo) මට්ටමිනි.

ඔසප් සමයේ කාන්තාවන් අපිරිසිදු යයි සැලකෙන ගතානුගතික මතයක් ද එහි මුල්බැස ගෙන ඇත.

ඉහත කී දැරියගේ මරණය සියදිවි හානිකර ගැනීමක් ලෙස සලකන අතර ඒ පිළිබඳව විභාගයක් ආරම්භ කර ඇති බව ඉන්දීය පොලිසිය පවසයි.

දැරිය සිය සටහන ආරම්භ කර තිබෙන්නේ “අම්මේ ! මට සමාවෙන්න” යනුවෙන් සිය මව අමතමිනි.

ගෙදර දී සිදු කිරීමට පැවරෙන වැඩ (homework) සම්පූර්ණ නොකිරීම සම්බන්ධයෙන් ගුරුවරිය මින් පෙර තම දියණියට දඬුවම් දී ඇති බවට දැරියගේ මව චෝදනා කරයි.
“මගේ දුව පසුගිය සෙනසුරාදා ඉස්කෝලේ ඉන්න විට ඔසප් වීමට ලක් වෙලා තිබුණා. දුව ඒ ගැන ගුරුවරියට කිව්වාම ගුරුවරිය ‘පෑඩ්’ එකක් විධියට පාවිච්චි කරන්න දූවිලි පිස්නයක් දීල තිබුණා” එම මව පවසයි.

“ගුරුතුමිය මගේ දුව පන්ති කාමරයෙන් පිටත හිටවල තියල තියෙනව. අවුරුදු දොළහක ළමයෙක් එවැනි අමානුෂික ආකාරයට හිටවල තියන්නේ කොහොමද?” දැරියගේ මව ප්‍රශ්න කරන්නීය.

දැරිය ඊළඟ දිනයේ සියදිවි හානි කර ගෙන ඇත.

අදාළ විභාගයේ දී පොලිසිය සමඟ සහයෝගයෙන් කටයුතු කරන බව දැරිය ඉගෙන ගත් ‘තිරුනෙල්වේලි’ දිස්ත්‍රික්කයේ (Tirunelveli) පාසලේ ප්‍රධානීහු බීබීසියට ප්‍රකාශ කර ඇත.

(BBC)

“වෙනිසියුලාවේ රූ රැජින සාරංගව කිස් කරලා” කිස් කළා කියන්නේ මහලොකු දෙයක් නෙවෙයිනේ – සාරංග

“වෙනිසියුලාවේ රූ රැජින සාරංගව කිස් කරලා” කිස් කළා කියන්නේ මහලොකු දෙයක් නෙවෙයිනේ – සාරංග

කොහොමද ජීවිතේ?

වැඩකටයුතු ටිකත් කරගෙන හොඳින් ඉන්නවා.

දැන් ඔය මේ දවස්වල කරන වැඩ ටික මොනවද කියලත් කියමු නේද?

චාමර පීරිස් අධ්‍යක්ෂණය කරන ‘බටහිර අහස’ කියන අලුත් නාට්‍යයකට සම්බන්ධ වුණා. ඒ වගේම තව වේදිකා නාට්‍ය දෙකකත් පුහුණුවීම් කරගෙන යනවා. ඊට අමතරව සුපුරුදු විදියටම හාරකෝටියේ රූගත කිරීම් කරනවා.

රූ රැජනක් සාරංගට දුන්න හාදුවත් දැන් කතාබහට ලක් වෙන්න අරගෙන?

මිස් ශ්‍රී ලංකා අවසාන තරගයට රූ රැජනක් සහභාගි වුණා. වෙනිසියුලාවේ miss earth water කිරුළ පැලඳුව යුවතිය තමයි ඒ හාදුව දුන්නේ. ඒ සිදුවුණ දේ තමයි ප්‍රේක්ෂකයෝ අතර කතාබහට ලක් වුණේ.

ඒ හාදුව සාරංගටත් විශේෂ වෙන්න ඇති?

මෙහෙමයි ඉතිං එයාලගෙ සංස්කෘතියෙ හැටියට හාදුවක් කියන්නෙ මහ ලොකු දෙයක් නෙවෙයි.

එතකොට ඒ ඡායාරූපය ෆේස් බුක් දැම්මේ විශේෂ නිසා නෙවෙයිද?

එහෙම නැහැ. ඒක මිස් ශ්‍රී ලංකා තරගයට අදාළ ඡායාරූපයක්. ඒ තරගයට අදාළ තවත් ඡායාරූප ෆේස්බුක් දාලා තිබුණා.

හාදුව දුන් තරුණිය ගැන සාරංගට මොකද හිතෙන්නේ?

අපි එදාමයි මුණගැහුණෙත්. හැබැයි ඇය හුඟාක් සුහද තරුණියක්.

රංගනයේදී විවිධ චරිත ලැබීම අතින් සාරංග හුඟාක් පොහොසත් නේද?

ඔව්. ඒකේ ලොකුම ගෞරවය ලැබෙන්න ඕන ජයප්‍රකාශ් සිවගුරුනාදන් මහත්මයාට. මොකද ඔහු තමයි මට ගොඩක් වෙනස් චරිත ලබා දුන්නෙ සහ ඔහු තමයි මගේ හැකියාවන් මුලින්ම හඳුනා ගත්තේ.

ආයෙමත් සිනමාව පැත්තටත් එනවලු නේද?

ඔව්. සඳරුවන් ජයවික්‍රම අධ්‍යක්ෂණය කරන සිහින අභිෂේකය චිත්‍රපටයට සම්බන්ධ වෙලා ඉන්නවා. බොහෝ දුරට තවත් චිත්‍රපටයකට ඔක්තෝබර් මාසයේ සම්බන්ධ වෙයි. නමුත් තාම ඒක සාකච්ඡා මට්ටමේ තියෙන්නේ.

සාරංග ජීවිතයේදී ලැබෙන දේවල් ගැන ගොඩක් සතුටු වෙන කෙනෙක්ද?

එහෙම නැහැ. ලැබෙන දේ ගැනවත් නොලැබෙන දේ ගැනවත් එච්චර හිතන්නෙ නැහැ. ජීවිතේ මධ්‍යස්ථව තමයි ගත කරන්නෙ.

ඔබට ජීවිතයේ හුඟාක් දේවල් හිමි වුණා වගේම සමහර දේවල් අහිමි වුණානේ. ඒ ගැන දුකක් තියෙනවාද?

සමහර දේවල් අහිමි වුණා. මට ඒ ගැන දුකක් නැහැ. මොකද මම බෞද්ධයෙක් හැටියට අටලෝ දහම ගැන දන්නවා. ඒ ගැන විශ්වාස කරනවා. ඒවා ගැන ලොකුවට හිතන්නෙ නැහැ.

ආයෙමත් සින්දුවක් කරන්න අදහසක් නැද්ද?

කාර්යබහුල නිසා සංගීතය පැත්තට යොමුවෙන්න බැරිවුණා. ඒත් දැන් සැලසුම් කරගෙන යනවා අලුතින් ගීතයක් කරන්න.

යුග ගීතයක් කරන්න කෙනෙක්ව හොයාගෙනද ඉන්නෙ?

මම අමිලා නදීශානි එක්ක යුග ගීතයක් කළා. ඒකටත් මම වීඩියෝවක් කරන්න ඉන්නෙ. ඒත් එක්කම තව යුග ගායනාවලට මට ආරාධනා ලැබෙනවා. මගේම ගීතයක් කරන්නත් මට අදහසක් තියෙනවා.

ලක්ෂිකා දිව්‍යාංජලී වීරකෝන්

පියුමි හංසමාලි , අක්ෂා සුදාරි කියන්නේ තනිකරම මුඩුක්කු ගෑනු මම එහෙම නෑ -ශෂී හේවගේ 

පියුමි හංසමාලි , අක්ෂා සුදාරි කියන්නේ තනිකරම මුඩුක්කු ගෑනු මම එහෙම නෑ -ශෂී හේවගේ

මොකද්ද ශෂී මේ පියුමි එක්ක ගහගත්තා කියන කතාවේ ඇත්ත නැත්ත…?

ඒ කතාව ඇත්ත අපි දෙන්නා නුගේගොඩ බෝ ගහ යටදී ගහගෙන පොලිසි ගියා

මුල සිට විස්තරේ ශෂී අපට කියනවද…?

මම මේ ගැන මාද්‍යයට කියලා ප්‍රසිද්දියේ සවූත්තු වෙන්නේ නෑ කියලා හිතාගෙන ගිටියේ . එත් මම නිහඩව ඉන්න එක මට ලොකු අසාදාරනයක් වෙනවා , පියුමි හංසමාලි එයාගේ මුඩුක්කු ගතිය ප්‍රදර්ශනය කරනවා

ශෂී කොහොමද පියුමිව අදුනාගත්තේ…?

බියුටි සැලෝන් එකක් අයිති කෙනෙක් හරහා තමයි මම පියුමිව අදුනගත්තේ , ඉස්සර එයා මගේ හොද යාලුවෙක් නෙවෙයි නමුත් කාලයක් අපි යාළුවො වගේ හිටියා එයාගේ තරම මම දැනගත්තා

කොහොමද යාළුකම වැඩිවුණේ…?

මගේ ගම මාතර , නමුත් නිරුපන වැඩවලට නිතර කොළඹ එනකොට මට කොලඹ නතර වෙන්න තැනක් ඕන වුනා මම එක මාසෙකට පියුමිගේ රාජගිරියේ ගෙදර නතර වුනා ඒ මට යන්න එන්න තැනක් නැතුව නෙවෙයි කොළඹින් කුලියට ගෙයක් හොයාගන්නකන් විතරයි

පියුමිගේ ගෙදර නතර වුනේ කුලී ගෙවලද…?

මම සෑහෙන්න සල්ලි වියදම් කළා පියුමිගේ අම්මා ඉන්නේ පියුමිගේ ගෙදරමයි ඒ අම්මා පියුමිගේ මහත්තයා ගෙදරින් එලවා ගන්න හූනියම් කරනවා , මම පියුමිගේ ගෙදර පිනට කන්න වැටිලා හිටියේ නෑ

පියුමි මාද්‍යයට කියලා තිබුනා ශෂී පියුමිගේ මහත්තයා එක්ක අනියම් ඇසුරක් පවත්වනවා කියල්ලා…?

ඔව් මම ඒක දැක්කා

පියුමිගේ සැමියා එක්ක ශශීගේ එහෙම ඇසුරක් තිබුනද…?

පියුමිටයි එයාගේ අම්මටයි ඕන කොහොම හරි කතා පතුරවලා ඒ මිනිහව ගෙදරින් එලියට ඇදලා දාන්න එයා එක්ක මගේ කිසිම අනියම් ඇසුරක් නෑ , මගේ කකුල් දෙකත් පිරිසිදුයි පියුමිගේ මනුස්සයට වඩා , පියුමි හන්සමාලිට ඒ වගේ මනුස්සයෙක් ලොකු උනාට මට එහෙම අය එක්ක ඉන්න බෑ

ශශීට පෙම්වතෙක් ඉන්නවද…?

මම කසාද බැදපු කෙනෙක් මගේ මහත්තයා ස්වීඩන් රටේ හෝටල් ව්‍යාපාරිකයෙක් . තව මාස දෙක තුනකින් මාත් මගේ මත්තයා ලගට යනවා

එත් ශෂී පියුමි යාළුවො දෙන්නම රාත්‍රී සාදවලට එකට ගමන් බිමන් ගියා ප්‍රසිද්දියේම…?

එක මම නැහැයි කියන්නේ නෑ , මම රාත්‍රී සාද – උත්සවවලට ගියේ තනියම ගෙදරින් එලියට බැහැලා ගියාට , පියුමි තනියම යන්නෑ එයා යන්නේ එයාගේ පෙම්වත්තු එක්ක

පෙම්වත්තු කියන්නේ සැමියාට අමතර තව පෙම්වත්තු කීප දෙනෙක් හිටියා කියන එකද…?

අපොයි ඔව් මොකද නැත්තේ පියුමිට වියදම් කරන්නේ ඒ ගොල්ලෝ තමයි

මේ දේවල් ගැන වගකීමෙන්ද ශෂී කතාකරන්නේ…?

ඔව් . පියුමි මාතේක්ක අමනාප වුනේ එයාගේ පෙම්වතා ගැන තොරතුරු මම එයාගේ සැමියාට කීවා කයලා හිතලයි

ශශීගේ හැසිරීම හෝදනති නිසා පියුමිගේ ගෙදරින් යන්න ශශීට යන්න වුනා කියන කතාව ඇත්තද,..?

එයා මාව එලෙවුවේ නෑ මගේ බෝයි ෆ්‍රෙන්ඩ් මට වැල්ලවත්තෙන් කුලියට ගෙයක් අරගෙන දුන්නා

ඉතින් අන්තිමේදී ගහගත්තේ කොහොමද…?

මම නුගේගොඩ සැලුන් එකක එදා හිටියේ පියුමි එතනට ඇවිත් මම උබව අල්ලගන්න හිටියේ කියල කෑගැහුවා , පියුමි එක්ක අක්ෂා සුදාරිත් ආවා මම 3වීල් එකක නැග්ගා , ඒ දෙන්නා මාව ලුහුබන්දා , මම නුගේගොඩින් බැස්සා , පියුමිත් බැහැලා අවිති මට ගැහුවා මගේ ඇදුම් ඉරුවා මගේ ඉවසීම පැන්නා, මාත් ගැහුවා

ශශීත් ගැහුවා….?

මගේ ඇදුම ඉරුවට පස්සෙයි මම ගැහුවේ , අක්ෂලා,පියුමිලා වගේ මුඩුක්කු ගෑනු වගේ හැසිරෙන කෙනෙක් නෙවෙයි මම ,

ශෂී කලක් ලැගීම ආශ්‍රය කරපු ඒ යාළුකම ගැන මොකද හිතෙන්නේ ?

කපටි ගෑනු කෙනෙක් එයා , එක අතකින් තමන්ගේ අම්මට දරුවට සැමියාට නැති කෙනා මට මෙහෙම සලකන එක ගැන පුදුමයක් නෑ..

ශශීගේ සැමියා මේ සිද්දිය ගැන මොකද කිවුවේ ?

එයා මට බැන්නා , ඕනවට වඩා යාළුවො ආශ්‍රය කරනවා කියලා

ශෂී ඉක්මනින් රටින් යන්නේ කලකිරිලද ?

නෑ . මම කොහෝමත් මගේ ශ්බන්ඩ් ලගට ස්වීඩනයට යන්න ලාසිති වෙලා ඉන්නේ එතකන් මොඩ්ලින් වැඩ කරනවා

මේ සිද්දිය ගැන පොලිස්සියේ පැමිණිල්ලක් කළා නේද…?

ඔව් මම මිරිහාන පොලිස්සියේ පැමිණිල්ලක් කළා , එක විබාග වුනා

සමතයට පත්වෙන්න අදහසක් නැද්ද..?

පියුමි කවදා හරි ඔලුව බිම අනාගෙන මගේ කකුල් දෙක ලගට රන බව මන් දන්නවා

සඳමාලි වර්නසූරිය

ප්‍රභාකරන් මැරුවේ නෑ ඔහු සියදිවි නසාගත්තා කරුණා අම්මාන් ගෙන් ආන්දෝලනාත්මක කතාවක් 

ප්‍රභාකරන් මැරුවේ නෑ ඔහු සියදිවි නසාගත්තා කරුණා අම්මාන් ගෙන් ආන්දෝලනාත්මක කතාවක්

ප්‍රභාකරන් දිවි නසා ගත්තාද? වෙඩිතබා මරා දැමුවාද? කොටි නායකයාගේ මරණයට පණ දුන් කරුණාගේ ආන්දෝලනාත්මක ප්‍රකාශය ප්‍රභාකරන් මිය ගිය පුවත ඉතිහාසයට එකතුවී පසු යළිදු වරක් ඔහුගේ මරණයට පණ ලැබුණේය. වෙල්ලමුල්ලිවයික්කාල් බිමේදී දැවී අළුවී ගිය ප්‍රභාකරන්ට යළිදු වරක් පණ දුන්නේ කරුණා අම්මාන්ය.

එල්.ටී.ටී.ඊ. සංවිධානයේ සුපිරි ප්‍රහාරකයා ලෙස කලක් කිරුළු පළන්ව සිටි කරුණා සිය පැරණි නායකයාට පණ දුන්නේ ඔහුගේ මරණය වූ ආකාරය ගැන ආන්දෝලාත්මක ප්‍රකාශයක් කරමිනි. ඉන්දියාවේ ‘පුදියතලමුරයි’ රූපවාහිනි නාලිකාවට සම්මුඛ සාකච්ඡාවක් දෙමින් ඔහු පැවැසුවේ ප්‍රභාකරන් හමුදාවෙන් මැරුම් නොකෑ බවය. ඔහු තම අවියෙන් හිසට වෙඩි තබාගෙන දිවි නසා ගත් බවත් ප්‍රභාකරන්ගේ බිරිය හා දියණිය හමුදාවේ කාලතුවක්කු වෙඩිවලින් මරණයට පත්වූ බවත් ඔහු කීවේය.

සටනේදී ප්‍රභාකරන්ගේ වැඩිමහල් පුත්‍රයා වන චාර්ල්ස් ඇන්තනී මියගියා. ඉන්පසු ඔහුගේ බිරිඳ මදිවදනී හා දියණිය වන ද්වාරකා ෂෙල් වෙඩි ප්‍රහාරයෙන් මියගිය බවට තහවුරු වූ තොරතුරු තිබෙනවා. මින්පසු බාල පුතා වන බාලචන්ද්‍රන් සමග ප්‍රභාකරන් වෙනත් ස්ථානයකට යන අවස්ථාවේදී බාලචන්ද්‍රන් අත්අඩංගුවට ගැනුණා. එම අවස්ථාවේදී ප්‍රභාකරන් ඔහුගේ පිස්තෝලයෙන් ඔහුටම වෙඩි තබාගත්තා. ඇත්ත වශයෙන්ම ප්‍රභාකරන් පණපිටින් හමුදාවට යටත්වීමට කැමති වන්නේ නෑ. ඔහු පිළිබඳ මා හොඳින් දන්නවා. එල්.ටී.ටී.ඊ. සාමාජිකයන්ට සයනයිඩ් කරල ගෙ‍ලේ පළඳවන ප්‍රභාකරන්, කිසිදිනක හමුදාවට බාරවෙන්නේ හෝ යටත්වන්නේ නෑ. කිසිකෙනෙකු නොහඳුනන ප්‍රභාකරන්ගේ සිරුරේ තිබෙන සලකුණක් මා දන්නවා.

ඒ අනුව තමයි මා මළ සිරුර හඳුනාගත්තේ. යුද සමයේදී සැඟවී සිටි හමුදාව බේරී පලා යන එල්.ටී.ටී.ඊ. සාමාජිකයින්ට වෙඩි තැබුවා. මෙය සිදුවුණේ මධ්‍යම රාත්‍රී 12.00ට පමණ. පසුව අලුයම 4.00ට පමණ තමයි ප්‍රභාකරන්ගේ මළ සිරුර හමුවුණේ. එම නිසා ප්‍රභාකරන් හමුදාවට අසුවී ඔවුන් විසින් වෙඩි තබනු ලැබුවා යැයි යන ප්‍රකාශයට මා විරුද්ධයි. ඔහු ඔහුගේ පිස්තෝලයෙන් ඔහුගේ හිසට වෙඩි තබාගෙන දිවි නසාගෙන තිබෙනවා. කරුණා අම්මාන් කීවේය.

කරුණාගේ මේ ප්‍රකාශයට වහාම ප්‍රතිචාර දැක්වූයේ සිව් වැනි ඊළාම් සටනේ මහ සෙනවියා වූ විශ්‍රාමික යුද හමුදාපති ෆීල්ඩ් මාර්ෂල් සරත් ෆොන්සේකාය. කරුණා අම්මාන් පවසන්නේ බොරු යැයි ඔහු කීවේය. ප්‍රභාකරන් මිය ගියේ ඔහු විසින්ම හිසට වෙඩි තබා නොගෙන බවත්, ප්‍රභාකරන්ගේ සිරුරේ තිබූ තුවාල අනුව ඔහු මිය ගියේ කාලතුවක්කු හෝ මෝටාර් ප්‍රහාරයකින් බවද හිටපු හමුදාපතිවරයා කීවේය. යුද ජයග්‍රහණයෙන් පසු ප්‍රභාකරන්ගේ මිනිය හඳුනාගැනීමට කරුණා අම්මාන් වෙල්ලමුල්ලිවයික්කාල්වලට ගියේ තමාගේ නියෝග මත බවද ඔහු කීවේය. සැබැවින්ම ප්‍රභාකරන් මිය ගියේ කෙසේද? යුද්ධය අවසන්වී හය වසරක් ගෙවීගියත් තවමත් රට්ටු එසේ අසති.

ඒ ප්‍රභාකරන්ගේ මරණය වූ ආකාරය ගැන ඇසින් දුටු සාක්ෂියක් නැති බැවිනි. මේ නිසා ප්‍රභාකරන්ගේ අවසාන මොහොත ගැන රටුන් අතරේ කයිකතන්දර රැසක් පැතිරී ගියේය. සමහරු කියන්නේ ප්‍රභාකරන් සිය දිවි නසා ගත් බවය. තවත් පිරිසකගේ මතය වන්නේ හමුදාව සමග මුහුණට මුහුණලා ඇති වූ ගැටුමකදී ඔහු මරණයට පත් වූ බවය. මේ කතා අතරේ එකල පැතිරී ගිය තවත් කතාවක් වන්නේ ජීවග්‍රහයෙන් අල්ලා ගත් ප්‍රභාකරන් එකල ජනපතිවරයාව සිටි මහින්ද රාජපක්ෂ හා එකල යුද හමුදාපතිවරයාව සිටි ලුතිනන් ජෙනරාල් සරත් ෆොන්සේකා හමුවට පැමිණවීමෙන් ඉක්බිතිව වෙඩි තබා ඝාතනය කෙරුණු බවය.

සැබැවින්ම මිය ගොස් ඇත්තේ ප්‍රභාකරන් නොව ඔහුගේ රුවට සමාන පුද්ගලයකු (ඩමියක්) බවද මීට හය වසරකට ඉහතදී රටේ කතන්දර පැතිර ගියේය. මේ සියලු කතාවලට මුල වූයේ ප්‍රභාකරන් පිළිබඳ අතිශයෝක්තියකින් ලියැවී තිබූ වීර කතාය. කිසිදු දිනක ප්‍රභාකරන් අල්ලා ගැනීමට නොහැකි වනු ඇති බව එම වීර කතාවල ලියැවී තිබුණි. සැබැවින්ම ප්‍රභාකරන්ගේ මරණය සිද්ධ වූයේ කෙසේද? ඊට පිළිතුරු සෙවීමට නම් සිව් වැනි ඊළාම් යුද්ධයේ අන්තිම දවසට යා යුතුය. ප්‍රභාකරන්ගේ මරණය සිදුවූයේ මැයි දහනව වැනිදා වුවත් අවසන් සටනේ කූඨප්‍රාප්තිය ළඟා වන්නේ මැයි දහතුන් වැනිදාය.

ඒ ප්‍රභාකරන් සැඟව සිටි වෙල්ලමුල්ලිවයික්කාල් බිම කොටුකිරීමත් සමගය. කලක් එල්.ටී.ටී.ඊ.යේ ප්‍රබලයකු වන කුමරන් පද්මනාදන් හෙවත් කේ.පී. පසුව හෙළි කළ ආකාරයට කොටුවී හුන් ප්‍රභාකරන් බේරා ගැනීමට ඔහු සැලසුම් හැදුවේය. ඒ සැලසුම අනුව කේ.පී. උත්සාහ කළේ වන්නි කැලයට හෙලිකොප්ටරයක් ගොඩබස්සා ප්‍රභාකරන්ගේ පවු‍ලේ සාමාජිකයන් මුදාගෙන මහ මුහුද මැද තිබෙන එල්.ටී.ටී.ඊ.ය ට අයත් නැවකට රැගෙන යාමය. රටවල් තුනක් ඔවුන් රැකබලා ගැනීමට කැමැති වූ බව කේ.පී. කීවේය. එනමුත් මෙම සැලසුම ක්‍රියාත්මක කිරීමට අවශ්‍ය මුදල් නොලැබි යාම හේතුවෙන් තමා එය කනගාටුවෙන් වුවද අත්හැර දැමූ බව කුමරන් පද්මනාදන් සඳහන් කර තිබුණි.

කෙසේ නමුදු ප්‍රභාකරන් කල්පනා කළේ අවසාන මොහොතේ හෝ හමුදාවට එරෙහිව දැවැන්ත ප්‍රහාරයක් එල්ල කර තමාට පලායාමට හැකිවනු ඇති බවය. දිනය දෙදාස් නවයේ මැයි දාහත් වැනිදාය. කොටි නායකයන් තීරණය කළේ තුන් කොන් ප්‍රහාරයක් එල්ල කිරීමටය. ඒ අනුව ප්‍රභාකරන් ඇතුළු කණ්ඩායමක් හමුදා වළලු බිඳගෙන නන්දිකඩාල් කලපුව හරහා ඒ 35 (මුලතිව් – පරන්තන්) පාර හරහා වන්නි කැලයට පැනයන්නටත් ඉන් පිරිසක් නැගෙනහිරට යන්නටත් තීරණය විය. තවත් කණ්ඩායමක් හමුදාවට කතා කොට යටත්වීමේ කොන්දේසි සාකච්ඡා කිරීමට තීරණය විය. එම සටන් බිමේ අරමුණවී තිබුණේ තුවාල ලබා සිටින කොටි සාමාජිකයන්ට ප්‍රතිකාර ගැනීමටත් ‍‍‍ජ්‍යෙෂ්ඨ කොටි නායකයන්ගේ පවුල් සඳහා ජීවිතාරක්ෂාව ලබා ගැනීමය.

තුන්වැනි කණ්ඩායමට භාර වූයේ ප්‍රභාකරන් සිටින ඉසව්වට පසුපසින් ප්‍රහාරයක් එල්ල වුවහොත් එය වළක්වා ගැනීමය. මේ සැලසුම යටතේ ඒ – 35 පාර ඔස්සේ සටන් කරන කොටි සාමාජිකයන්ට නායකත්වය දීම පැවරුණේ චාල්ස් ඇන්තනීටය. ඔහු වේලුපිල්ලෙයි ප්‍රභාකරන්ගේ ‍‍‍ජ්‍යෙෂ්ඨ පුත්‍රයාය. යටත්වීමේ කොන්දේසි සාකච්ඡා කිරීම පැවරුණේ කොටි දේශපාලන අංශ නායක බි. නඩේසන්ටය. ඔහු සමග ඔහුගේ සිංහල ජාතික බිරිය වූ මාතර, කඹුරුපිටියේ විනීතා ගුණසේකරද හුන්නාය. විනීතා මෙන්ම නඩේසන් ද ශ්‍රී ලංකා ‍පොලිස් දෙපාර්තමේන්තුවේ හිටපු කොස්තාපල්වරුය. කොළඹදී ඇති වූ ප්‍රේම සම්බන්ධතාවක් මත විවාහ වූ විනීතා, නඩේසන් එල්.ටී.ටී.ඊ.ය.ට බැඳුණු විට ඔහු සමග උතුරට ගියාය.

කෙසේ නමුත් පසුව හෙළි වූ පරිදි බි. නඩේසන් අවසන් මොහොත වනතුරා සිය චන්ද්‍රිකා තාක්ෂණ දුරකථනයෙන් ඉහළ පෙළේ කීප දෙනෙකු සමග සබඳතා පවත්වමින් සිටියේය. ඒ අතර යුද වාර්තාකරණය පිළිබඳ ලොව ප්‍රකට බ්‍රිතාන්‍ය මාධ්‍යවේදිනියක වන මාරි කොල්වින්ද සිටියාය. ඇය පවසා තිබූ පරිදි නඩේසන්ට අවශ්‍ය වී තිබුණේ ඔබාමා පාලනයෙන් හෝ බ්‍රිතාන්‍ය ආණ්ඩුවෙන් එල්.ටී.ටී.ඊ. නායකයන්ගේ ජීවිතාරක්ෂාව පිළිබඳ සහතිකයකි. එම සහතිකය ලබා ගැනීම සඳහා මාරි කොල්වින් උත්සාහ කළාය.

එනමුත් වෙල්ලමුල්ලිවයික්කාල් බිමේ තිබුණේ ගිනි කෙළි සංදර්ශනයකි. ඒ බිමට එල්ල වූ නිමක් නොවූ වෙඩි වරුසා මැද මරණය මිස වෙන දෙයක් නඩේසන්ට ඉතිරි නොවීය. ඔහු මෙන්ම ඔහුගේ බිරිය වූ විනීතා ගුණසේකර ද කොටි සාම මහ‍ලේකම් කාර්යාලයේ ප්‍රධානී පුලිදේවන් ද තෝර ගත්තේ මරණයේ මාවතය. මේ අතර එල්.ටී.ටී.ඊ.යේ ප්‍රහාරාත්මක සැලසුම කරළියට ආවේය. දහහත්වැනිදා රාත්‍රී හතයි විස්සට පමණ නන්දිකඩාල් ඉදිරි ආරක්ෂක වළල්‍ලේ හුන් සෙබළුන්ට කොටින්ගේ ප්‍රහාරයක් ගැන ඉව වැටුණි. ඒ අතරේ බුද්ධි අංශ තක්සේරුව වූයේ එල්.ටී.ටී.ඊ.ය ඇන්කර් 1 නමින් මෙහෙයුමක් සැලසුම් කර ඇති බවය. කලපුව හරහා පැමිණ මරාගෙන මැරෙන කොටින්ගේ ප්‍රහාරයට ලක්වූ බංකර් දෙකක් විනාශ විය. ඉන් සෑදුණු හිඩැසෙන් කොටි රට තුළට රිංගා ගත්හ.

අවසාන සටනේදී සිය දිවි පිදීමට සෙබළුන් පැකිලුණේ නැත. මැදියම් රැයේ මරුවා සමග ඔට්ටු ඇල්ලූ වීර වික්‍රමාන්විත සෙබළු ගරිල්ලන්ට දැඩි ප්‍රහාරයක් එල්ල කළහ. 17 වැනිදා රාත්‍රියේ හමුදාව ගරිල්ලන්ගේ තවත් මහා පරිමාණ ප්‍රහාරයක් බලා‍පොරොත්තු වූවේය. නමුත් විශාල දෙයක් නොවීය. පසුදින (18) අලුයම එකට පමණ නන්දිකඩාල් කලපුව දෙසින් පැමිණි සිවිල් ජනතාව අතරේ සැඟවී සිටි ගරිල්ලෝ පන්සීයක් පමණ හමුදාවට පහර දුන්හ. එම ප්‍රහාරය හමුදාවට දරා ගැනීමට අපහසු වූවේය.

ඒ – 35 පාරේ හමුදා ආරක්ෂක වළල්ල බිඳ වැටුණි. කුමරන් පද්මනාදන් පසුකලක මාධ්‍යයට හෙළි කළ තොරතුරු අනුව එල්.ටී.ටී.ඊ.ය යුද හමුදාවේ ඉදිරි ආරක්ෂක වළල්ල කඩන විටත් සුසෙයි ඔහු සමග චන්ද්‍රිකා දුරකථනය ඔස්සේ සබඳතා පවත්වමින් සිටියේය. අපි කඩාගෙන ගියා එල්.ටී.ටී.ඊ.යෙන් ඔහුට ලැබුණු අවසාන පණිවුඩයයි. මේ නිසා කේ.පී. යුරෝපයේ සිටින කොටි හිතැති ප්‍රජාවට දැනුම් දුන්නේ ප්‍රභාකරන් ආරක්ෂක වළලු බිඳ දමා පලා යාමට සමත් වූ බවය. එනමුත් කේ.පී.ගේ උපකල්පනය වැරදී ගියේය.

සිය ආරක්ෂක වළල්ල බිඳ වැටෙනවාත් සමග ඒ-35 පාරේ පිටුපසින් ප්‍රතිසංවිධානය වීමට පාබළ භටයෝ සමත් වූහ. ඒ කොමාන්ඩෝ හා විශේෂ බළකාවල අතිරේක ආරක්ෂාව සමගය. එල්.ටී.ටී.ඊ.යට එම ආරක්ෂක රැකවල් බිඳීමට නොහැකි විය. ප්‍රභාකරන් ඇතුළු කොටි නායකයෝ නැවත හැරුණහ. ඒ චාල්ස් ඇන්තනී නොමැතිවය. හමුදා ප්‍රහාරයෙන් ඔහු මිය ගොස් තිබුණි. මේ අතර වෙල්ලමුල්ලිවයික්කාල් දෙසට ඒ-35 පාර ඔස්සේ තුවාලකරුවන් තිදෙනෙකු රැගෙන ගුවන් සංග්‍රාමික බළසේනාවට අයත් ගිලන් රථය ගමන් කරමින් තිබුණේය. හමුදා පාලන ප්‍රදේශයට පැන ගත් ගරිල්ලෝ ගිලන් රථය පැහැර ගත්හ.

එහි උන් තුවාල ලැබූ සෙබළු තිදෙනාද රියැදුරා ද රථයෙන් පැන දිවි බේරා ගත්හ. ගරිල්ලෝ රථයට අත්බෝම්බ ප්‍රහාරයක් එල්ල කළහ. ඉන් ගිලන් රිය ගිනි ගෙන පිච්චුණේය. වෙඩි ප්‍රහාර මැද ගිලන් රථය දැවෙන විට ඒ අවට වැටී තිබූ ගරිල්ලන්ගේ සිරුර කීපයක්ද දැවී විකෘති වී තිබුණි. යුද හමුදා බුද්ධි අංශ නිලධාරීහු කොටින්ගේ පණිවුඩ හුවමාරු යන්ත්‍රවලට සවන් දුන්හ. ලොකු එක්කෙනාට අර දේ වුණා යනුවෙන් හුවමාරු වූ පණිවුඩයක් බුද්ධි නිලධාරීහු ග්‍රහණය කරගත්හ.

ගිලන් රථය ළඟ පිළිස්සුණු මළ සිරුරු තිබූ බැවින් මාධ්‍ය අතරට ගිය මුල්ම පණිවුඩයෙන් කියැවූයේ ප්‍රභාකරන් ගිලන් රථයකින් පැන යමින් සිටියදී වෙඩි වැදී මරුදුටු බවයි. මේ අතර කොමාන්ඩෝ හා විශේෂ බළකා සෙබළු ඇතුළු පාබළ රෙජිමේන්තු රැසක් ඒකාබද්ධව කොටියාට පැන යාමට ඉඩ නොදී කොටුකර පහර දුන්හ. උදෑසන ප්‍රහාරය අඩ පණ වන විට ගරිල්ලන්ගේ මළ සිරුරු සෑම තැනම වැටී තිබුණි. දහ අට වැනිදා කොටි නායකයන්ගේ මළ සිරුරු දුසිම් ගණන් හමු වන විට රජය ප්‍රකාශ කළේ එල්ටීටීඊය සහමුලින්ම විනාශ කළබවය. කෙසේ නමුදු මැයි දහ අට වැනිදා ප්‍රභාකරන් ගැන නිශ්චිත තොරතුරක් වාර්තා නොවීය.

හමුදා ප්‍රහාර මැද ඔහු නන්දිකඩාල් කලපුවේ කඩොලාන අතරේ සැඟව සිටියේය. සිය ගණනක් කායාරක්ෂකයන්ගේ දැඩි රැකවල් මැද දශක ගණනාවක් දිවිගෙවූ ප්‍රභාකරන් වටා අවසාන මොහොතේ හුන්නේ ආරක්ෂකයන් දහ අට දෙනෙකු පමණකි. එල්ටීටීඊ නායකයා සොයමින් අඛණ්ඩව මෙහෙයුම් කළ යුද හමුදාව නන්දිකඩාල් කලපුවේ කඩොලාන එකින් එක පරීක්ෂා කිරීමේ මෙහෙයුමක් ඇරඹීය. ඒ කාලතුවක්කු මල්ටි බැරල් මෙන්ම යුද ටැංකිවලින් ඒදෙසට එල්ල වූ වෙඩි වරුසාවකින් ඉක්බිතිවය. මැයි දහ අට වැනිදා රාත්‍රියෙන් පටන්ගත් එම මෙහෙයුම පසුදින එළිවනතුරා ක්‍රියාත්මක විය.

පසුදින (19) උදෑසන 8 වැනි කාර්ය සාධක බළකාය නන්දිකඩාල් කලපුවේ මෙහෙයුම් ඇරඹීය. මැයි දහ නව වැනිදා උදෑසන දහයයි පහට පමණ සෝදිසි මෙහෙයුමේ යෙදී සිටි 8 වැනි කාර්ය සාධක බළකායේ සෙබළුන්ට මළ සිරුරක් හමු විය. ඒ තිස් වසරක් පුරා මේ රටේ ඉරණම තීන්දු කළ පුද්ගලයා වූ ප්‍රභාකරන්ගේ මළ සිරුරය. හිස පසාරු කරගෙන යන වෙඩි උණ්ඩයක් ඔහුට වැදී තිබුණි. ප්‍රභාකරන්ගේ ඊළාම් හැඳුනුම්පත, චන්ද්‍රිකා තාක්ෂණ දුරකථනයත් හා පිස්තෝලයත් ඒ අසල විය. එනමුත් ඔහුගේ ගෙ‍ලේ සයිනයිඩ් කරලක් නොවීය.

සයනයිඩ් කරල වූ කලී සෑම එල්ටීටීඊයේ සාමාජිකයෙකුටම ප්‍රභාකරන් උරුම කළ වස්තුව විය. ඒ නිසාදොා් ප්‍රභාකරන් අසූ හතේදී ඉන්දීය අගමැති රජිව් ගාන්ධි හමු වීමට ගිය අවස්ථාවේ දී පවා එය තමන්ගේ ගෙලෙන් ගැලවූයේ නැත. මේ නිසා අගමැති ආරක්ෂකයන්ට සිද්ධ වූයේ රජිව් ගාන්ධිගේ ආරක්ෂාව පතා කොමාන්ඩෝ සෙබළුන් යෙදවීමටය. එදා රජිව් ගාන්ධි ඉදිරියේ පවා නොගැලවූ සයනයිඩ් කරල ප්‍රභාකරන්ගෙන් ගිලිහී තිබුණි.

ඔහු පිළිබඳ තිබූ වීර කාව්‍යවල තිබුණේ යම් හෙයකින් ඔහු මරා දැමුණහොත් හෝ සයනයිඩ් කෑවහොත් ඒ මොහොතේම ඔහුගේ සිරුර පුළුස්සා දැමීමට කායාරක්ෂකයන් ඉන්ධන බඳුනක් රැගෙන ගිය බවය. ඒ නායකයාගේ සිරුර සතුරා අතට පත්වීම වැළැක්වීමටය. එනුමත් ඒ කිසිවක් නන්දිකඩාල් කලපුවේ වූයේ නැත. ප්‍රභාකරන්ගේ මළ සිරුර සමග ඔහුගේ එකොළොස් වියැති බාල පුතු වූ බාලචන්ද්‍රන්ගේ වෙඩි වැදුණු සිරුරද හමුදාවට හමු විය.

ප්‍රභාකරන්ගේ බිරිය වන මදිවදනි හා දියණිය ද්වරකාගේ ද ‍පොට්ටු අම්මාන්ගේ මළ සිරුර හඳුනා නොගත්තද හමුදවේ තක්සේරුව වූයේ ඔවුන්ටද ප්‍රභාකරන්ට අත් වූ ඉරණම අත් වූ බවය. මේ අතරේ සටන් බිමේ හුන් ‍‍‍ජ්‍යෙෂ්ඨ හමුදා නිලධාරීහු හමුදා මූලස්ථානයෙන් උපදෙස් පැතූහ. දුරකථන ඇමැතුම් ගණනාවක් මුලතිව් හා කොළඹ අතර හුවමාරු විය.

ඉක්බිතිව වෙල්ලමුල්ලි වයික්කාල් බිමේ ප්‍රසිද්ධ නොකරන ලද තැනකදී ප්‍රභාකරන්ගේ මළ සිරුර දවා අළු කරනු ලැබිය. ඉක්බිතිව අළු මුහුදු වතුරට මුසු වී සදාකාලිකවම ජලතලය අතරේ සැඟව ගියේය. එනමුත් තිස් වසක් පුරා මේ ‍පොළො තලය මත රුහිරු ගංගා නිර්මාණය කළ ප්‍රභාකරන්ගේ කතා පුවත කිසිදාක කිසිවෙකුට අමතකවනු ඇතැයි සිතිය නොහැක. මිහිරි ෆොන්සේකා -Lakbima-

ජනාධිපති මෛත්‍රීපාල සිරිසේන මහතාගේ 66 වැනි උපන් දිනය අදයි මෙන්න ඔහුගේ ජීවන කතාව 

ජනාධිපති මෛත්‍රීපාල සිරිසේන මහතාගේ 66 වැනි උපන් දිනය අදයි මෙන්න ඔහුගේ ජීවන කතාව

ඔබට සුබ උපන්දිනක් වේවා

ජනාධිපති මෛත්‍රීපාල සිරිසේන මහතාගේ 66 වැනි උපන් දිනය අදට (03) යෙදී ඇත.

දෙවැනි ලෝක සමයේ ආරක්ෂක හමුදාවේ සේවය කළ පල්ලේවත්ත ගමරාළලාගේ ඇල්බට් සිරිසේන පියාණන්ට හා යාපා අප්පුහාමිලාගේ නන්දාවතී මෑණියන්ට දාව මෙලොව එ‍ළිය දුටු මෛත්‍රීපාල සිරිසේන මහතා පසක් කළ ප්‍රබල සමාජ දේශපාලන කරුණු දෙකක් මේ මොහොතේ සිහිපත් කළ යුතුමය.

ගම්පහ, යාගොඩ ග්‍රාමයේ ගොවි පවුලක උපන් ඔහු පසක් කළ සමාජ කරුණ නම් සැබෑ මානවවාදී මිනිසුන් ගොඩනැ‍ඟෙන්නේ බොහෝ දුෂ්කර ජීවිත මඟින් බවත් සැප ජීවිත මඟින් එවන් අය බිහි වන්නේ කලාතුරකින් බවය. දේශපාලන කරුණ නම් වර්ෂ 1951 සැප්තැම්බර් 02 වැනිදා මෙරටේ බිහි වූ ශ්‍රී ලංකා නිදහස් පක්ෂයේ වත්මන් නායකයා පක්ෂය බිහි වී පැය 24ක් ඉක්මයෑමට පෙර ජන්මලාභය ලැබීමය.

මේ අන්දමේ සමාජ, දේශපාලන කරුණු රාශියක් රටේ ජන සමාජයේ යහපත උදෙසාම සනිටුහන් කළ මෛත්‍රීපාල සිරිසේන මහතා කුඩා කළ පළමුව ගම්පහ පහළයාගොඩ කණිෂ්ඨ විද්‍යාලයෙන් මූලික අධ්‍යාපනය ලැබුවේය.

මහාමාන්‍ය ඩී.එස්. සේනානායක ශ්‍රීමතාණන්ගේ නායකත්වයෙන් ඇරඹි පොලොන්නරුව මින්නේරි ගොවිජනපද ව්‍යාපාරයේ මුල්ම ඉඩම්ලාභීන් ලෙස ඓතිහාසික පුලතිසිපුරවරයට නික්මුණු මේ ගොවි පවුලේ සාමාජිකයෙකු වූ මෛත්‍රීපාල සිරිසේන මහතා පළමුව තෝපාවැව මහ විදුහලටත්, ‍ඉන් අනතුරුව පොලොන්නරුව රාජකීය විදුහලටත් ඇතුළත්ව අකුරු කළේය. එස්.ඩබ්ලිව්.ආර්.ඩී. බණ්ඩාරනායක ශ්‍රීමතාණන්ගේත් සිරිමාවෝ ආර්.ඩී. බණ්ඩාරනායක අගමැතිණියගේත් දේශපාලන දර්ශනය ගුරු කොට තරුණ කාලයේදීම දේශපාලනයට පිවිසි ඒ මහතා 1981 දී ශ්‍රී ලංකා නිදහස් පක්ෂයේ තරුණ සංවිධානයේ මහ ලේකම් ධුරයටත් වසර 1983දී එහි සභාපති ධුරයටත් පත් විය.

වසර 1988 / 89 භීෂණ සමයේ කටුක දේශපාලන ජීවිතයක් ගත කළ ඔහු 1989 පාර්ලිමේන්තු මහ මැතිවරණයට ඉදිරිපත් වී මුල්වරට පාර්ලිමේන්තුවට පත් විය. අනතුරුව 1994 පොදුජන එක්සත් පෙරමුණු රජායේ මහවැලි සංවර්ධන කැබිනට් ඇමැති ධුරයට පත් වූ මෛත්‍රීපාල සිරිසේන මහතා 2014 වන විට සෞඛ්‍ය ඇමැතිවරයාව සිටියේය.

මේ රටේ තීරණාත්මක ජනාධිපතිවරයෙක් වූ 2015 ජනවාරි 08 වැනිදා පැවැති මැතිවරණයට පොදු අපේක්ෂකයා ලෙස ඉදිරිපත් වී ජයගත් මෛත්‍රීපාල සිරිසේන මහතා මෙරට 06 වැනි විධායක ජනාධිපතිවරයා ‍බවට පත් විය. දෙස් විදෙස් හි ගෞරවය ජනාදරය හොඳ හිත දිනාගත් ජනාධිපතිවරයෙකු ලෙස මෛත්‍රීපාල සිරිසේන මහතා හැඳින්විය හැකිය.

මේ පිළිබද ඔබගේ අදහස කුමක්ද

රාවණා රජුගේ  ”ගුස්ති-සේලම්බරම්” එකතුකර සෑදු මාරාන්තික සටන්කලාවේ රහස් මෙන්න 

රාවණා රජුගේ  ”ගුස්ති-සේලම්බරම්” එකතුකර සෑදු මාරාන්තික සටන්කලාවේ රහස් මෙන්න

තෙක් නොවූවිරූ ”රාවණ” කතාබහක් සමාජගතවී තිබේ. පාසල් සිසුන් ඇතුළුව, පොදු ජනයාගේ ප‍්‍රියශීලී විෂයක් බවට රාවණ කතාන්දරය පත්ව තිබේ. රාවණ සමය පිළිබඳ ගවේෂණශීලී පරපුරක් නිර්මාණය වීම ගැන අපට ඇත්තේ ආඩම්බරයකි. ආචාර්ය මිරැුන්ඩෝ ඔබේසේකරලාගෙන් පසු රාවණ යුගය ගුලිකර ගත් අනාගත පරම්පරාව මේ තොරතුරු අලූත් අඩියකට පෙරළනු ඇත. විශේෂයෙන් පර්යේෂණ, ගවේෂණ කිරීමට නව යොවුන් පරපුරක් මේ මොහොතේ වගකීම් දැරීම නව පරිච්ෙඡ්දයකි. අද රාවණ කතාවේ තවත් පියවරකට යමු.

රාවණ රජු දක්‍ෂ සටන්කාමියෙකි. පහර දීමට හා පහරින් බේරීමට අපූරු ශිල්ප දැන සිටියෙකි. රාවණ පරපුරින් එන අගනා සටන් ක‍්‍රමයක් ලෙස අංගම් ශාස්ත‍්‍රය දැක්විය හැකිය. රාවණ රජතුමා අංගම් ශාස්ත‍්‍රයේ ආදිතමයෙකි.

කරාටේ, කුංග්ෆු ආදී සටන් ක‍්‍රමවලට වඩා දස දහස් ගුණයකින් අංගම් ශාස්ත‍්‍රය පෙරමුණේ සිටියි. එය දේශීය සටන් ක‍්‍රමයකි. අනුන්ගේ දෙයක් ඉගෙනීමට වඩා රාවණ රජ සමයේ පටන් එන අංගම් ශාස්ත‍්‍රය අපේ දරුවන් ප‍්‍රගුණ කළ යුතුය. අද එහි සෑහෙන අඩු ලූහුඬුකම් තිබුණත් ආරක්‍ෂාවී පැවැතීම ගැන සතුටක් දැනවිය යුතුය.

රාවණ රජතුමා අංගම් ශාස්ත‍්‍රයේ දී මන්ත‍්‍ර හා කාලය පිළිබඳ විශේෂ අවධානයක් යොමුකොට ඇත. කඩුවලින්, පොලූ මුඟුරුවලින් සටන් කිරීම, පොරබඳා ගැනීම, දියල්ල නියම අංගම් ශාස්ත‍්‍රයේ නැත. පොර බැදීම පුරාණ අංගම් ශාස්ත‍්‍රයේ නැති අතර එය වෙනම ක‍්‍රීඩාවකි. ”ගුස්ති” තවත් ක‍්‍රීඩාවකි. ”සේලම්බරම්” තවත් ක‍්‍රීඩාවකි. මේ සියල්ල එකතුකරගෙන ”අච්චාරුවක්” කරගත් ක‍්‍රීඩාවක් අද අංගම් හැටියට තිබේ.

රාවණ රජතුමා අංගම් ශාස්ත‍්‍රයේ දී ප‍්‍රබල මන්ත‍්‍ර භාවිත කර ඇත. එසේම පහර දෙන පුද්ගලයාගේ බර කිලෝ 70 ක් නම් එම සම්පූර්ණ බර අනෙකා වෙත ක්‍ෂණිකව ලබා දෙමින් පහර එල්ල කරයි. ඒ අයුරින්ම රාවණ රජතුමා ද නිලවලට අංගම් පහර ගැසීම වඩා හොඳින් කර ඇත. ”අංගම්” යනු ක‍්‍රීඩාවක් හෝ සෙල්ලමක් නොවේ. එය පුරාණයේ සිට පැවතියේ පහර ලබන්නා අතිශය දුර්වල කිරීම සඳහාය.Image result for rawana 3d

පහර කන්නාට නියම අංගම් පහරක් වැදුණොත් එක්කෝ පිස්සු වැටෙයි. නැත්නම් පැය කීපයකින්, දින තුනෙන්, දින හතෙන්, මාස තුනෙන් ආදී වශයෙන් මරණයට පත්වේවි. නැත්නම් රෝගීව දුක් විඳියි.

අංගම් ප‍්‍රහාරය දෙන ස්ථාන හා ක‍්‍රම ද තිබේ. වැළමිටෙන් ඔළුවේ නිලයකට පහරදීම ජනප‍්‍රිය ක‍්‍රමයකි. එවැනි පහරක් නිවැරදිව එල්ල වුවහොත් එය වෛද්‍යවරයෙකුට ද සුවකළ නොහැක්කකි. කකුලේ මහපට ඇඟිල්ලට ඉලක්කය ගෙන උඩපැන යටි තල්ලට පහර එල්ල කළ විට ප‍්‍රහාරය සාර්ථක නම් හිස කදින් වෙන්වේ. ප‍්‍රහාරය අසාර්ථක වුවහොත් මරණය හෝ, දැඩි අසාධ්‍ය තත්ත්වයකට මුහුණ දෙන්නට සිදුවේ. මෙවැනි ප‍්‍රහාර කීපයක් පුරාණ සාහිත්‍ය කෘතිවල සඳහන්වේ.ගෝඨයිම්බර යෝධයා සහ මහාසෝන යෝධයා අතර ඇතිවූ සටන අංගම් ශාස්ත‍්‍රයේ විශේෂ තැනකි. ගෝඨයිම්බර යෝධයාගේ බිරිඳට මහාසෝන කළ විහිලූවක් නිසා සටනක් ඇවිළිනි. එම සටනේ දී ගෝඨයිම්බර උඩ පැන මහාසෝනගේ නිකට වෙත කකුලේ මහපටැඟිල්ලෙන් ප‍්‍රහාරය එල්ල කළේය. එයින්ම මහාසෝනගේ හිස ගැලවිනි. නමුත් මෙවැනි ප‍්‍රහාර අංගම් ප‍්‍රදර්ශනවලට ඇතුළත් කරන්නේ නැත.

රාවණ රජුගේ සමයේ අංගම් සංචිතයක් තිබිණි. එය ”අංගම්” සටනට හැකියාව ඇතියවුන්ගෙන් තැනූවකි. රාවණ රජතුමාගේ අංගම්කරුවන්ට සහාය ලැබුණ ද පසු කාලීන විභීෂණ ආදී රජවරුන්ගෙන් අංගම් සංචිතයට සැලකිල්ලක් ලැබුණේ නැත. එමනිසා අංගම් සංචිත පරපුර දකුණු ඉන්දියාවට ගියේය.Related image

මේ අය පසුව දකුණු ඉන්දියාවේ කුලයක් බවට පත්විණ. ඒ ”අගම්පුඩියර්” නම් විය. පොළොන්නරුවේ රාජ්‍යත්වයට පත් පළමුවැනි විජයබාහු රජතුමා අතීතය හාරාඅවුස්සා බලා ලංකාවෙන් ගිය අංගම් සංචිතය (අගම්පුඩියර් කුලය* ලක්දිවට ගෙන්වා ගත්තේය. ඔවුන්ට ගම්බිම් ද ප‍්‍රදානය කළේය. මොවුහු අංගම් ශාස්ත‍්‍රයට ගුස්ති ආදී අංග ද එකතුකර සංවර්ධනය කරවාගෙන සිටියෝය. එදා මේ කුල ජනයා පදිංචි කළේ පුරාණ වැලිතොටය. අද එය දකුණේ බලපිටියය.
මීට වසර සිය ගණනකට පසු චන්ද්‍රභානු නමින් ”ජා” ජාතික රජෙක් ලංකාවට පැමිණියේය. ඔහු ලංකාව ආක‍්‍රමණය පිණිස සේනා සහිතව පැමිණියෙකි. එදා ලංකාවේ සිටි රජු වැලිතොටහි සිටි ”අගම්පුඩියර්” කුලයට ”ජා” රජු පරදවන්නට උපදෙස් දී ඇත.

එම ජනතාව රජුට ”අංගම්” ශිල්පයෙන් පහරදී මරාදමා ආක‍්‍රමණිකයාගෙන් රට බේරාගෙන තිබේ. එයට උපහාරයක් වශයෙන් වැලිතොට නම ඉවත් කරවා ”බළපිටිය” යැයි නම් කෙරිණි. ශක්තිය බලය පෙන්වූ තැනක් වීම ඊට හේතුවයි. රාවණ පරපුරෙන් පැවත එන ”අගම්පුඩි” කුලයේ ජනතාව දැනුදු ලංකාවේ විවිධ ප‍්‍රදේශවල වෙසෙති. දැනටත් මොවුන් දුටුවිට සාමාන්‍ය වැසියකුට වඩා ශරීරාංගවලින්ම සටන්කාමී බවක් පෙනේ. ”අගම්පුඩියර්” තරුණයකු බව හඳුනා ගත හැකිය. කායවර්ධන මධ්‍යස්ථානවලින් හදාගත් ශරීරයට වඩා වෙනස්ම වූ ආවේණික සටන්කාමී ලක්‍ෂණ සහිත ශරීර අංග බළපිටියේ අංගම් ශාස්ත‍්‍රයට නෑකමැත්තන් සතුව තිබේ.Image result for rawana 3d

රාවණ රජතුමාගේ කාලයේ සිට පැවත එන තවත් විශේෂ ශාස්ත‍්‍රයක් හැටියට දේශීය වෙදකම හඳුන්වා දිය හැකිය. තණකොළ ගසේ සිට බෝගස දක්වා සෑම පැළයක්, පැළෑටියක්, ගහක්, වැලක්ම රාවණ යුගයේ ඖෂධවී තිබේ. ආයුර්වේදය නමින් කරන වෛද්‍ය ක‍්‍රමය ද රාවණගේ වෙදකමයි. එයට හේතුව රාවණගේ වෛද්‍ය ක‍්‍රම ඉන්දියාව දක්වා පැතිර තිබීමය. හෙළ වෙදකමේ ශාස්ත‍්‍රීය ක‍්‍රමයට, පුස්කොළ පොත් බලා හැ¥ තෙල්, බෙහෙත් අද නොයෙක් වෙද පරම්පරා ඇසුරේ තිබේ. මේ සියලූ බෙහෙත් එක්තරා යුගයක පුස්කොළ පොත්හි තිබූ නමක්, ගමක් නැති ඖෂධයි. ඒවා පුස්කොළ පොතින් උපුටා නැවත නිෂ්පාදනය කරගත් අය තමන්ගේ නමින් ගුලි, කසාය, තෙල් හදා පරම්පරාවලට දායාද කළහ. අවසානයේ පැරණි සිංහල වෙදකම ඒ ඒ නම්වලින් නොයෙක් දෙනා ”තමන්ගේ” බවට පත්කරගත්හ. නමුත් හුදෙක් බොහෝ ඒවා රාවණ රජ කාලයේ පටන් පරම්පරා අනුව එන බේත් වට්ටෝරුය. මේ අනුව හෙළ වෙදකම හා ආයුර්වේද වෙදකම දෙකම රාවණ රජුට අයත් බව කල්පනාවට ගත යුතුය. ඖෂධයේ බලය, ශක්තිය පිරිහී ඇත්නම් එය වත්මන් නිෂ්පාදකයන්ගේ දොසක් මිස පුරාණ ඖෂධ වට්ටෝරුවල දොසක් නොවේ.

රාවණ රජතුමාට අයත් ඖෂධ උයන් රාශියක් එකල තිබී ඇත. නාගහපොළ, ඇහැලේපොළ, තල්වත්ත ආදී ප‍්‍රදේශ රාවණගේ වෙදකමට නෑකම් ඇත. පසුකාලීන බුද්ධදාස වැනි රජවරු රාවණගේ වෙද උයන් දියුණු කරවා තිබේ. සිංහරාජ වෙද උයන (අද සිංහරාජ කැලය* රාවණගේ ප‍්‍රමුඛ ඖෂධ උයනකි.
ඊළඟට රාවණගේ රාජ සභාව පිළිබඳ තවත් අලූත් යමක් සටහන් තබමි.Related image

වත්මන් ලංකාවේ ඇමැති මණ්ඩලය 108 ක් බව මාධ්‍යයේ පළවිණ. අදටත් වඩා විශාල එවක ලක්දිව ඇමැති මණ්ඩලය හත් දෙනෙකි. රාවණ රජුට ප‍්‍රබල ඇමැතිවරු සතක් සිට ඇත. කාර, මහෙජ, ශූර, උග‍්‍රසේන, තිරමුණ, මාන, භානු යක්‍ෂයෝ මේ ඇමැති මණ්ඩලය නියෝජනය කළහ. මේ සියලූ යක්‍ෂයෝ ලංකාව පමණක් නොව යටත් ප‍්‍රදේශ පවා පාලනය කරගෙන ශක්තිමත් රාජ්‍යයක් ගෙන ගියහ.

කාර රාක්‍ෂයා ඇමැති මණ්ඩලේ සිටි විශේෂතමයෙකි. ඔහු රාවණ හමුවට ආවේ ගියේ රෝද සතරක වාහනයකින් බව කියයි. මේ රෝද සතර යකඩ රෝද විය. මේ වාහනයට අගනා එංජිමක් ද තිබුණු අතර සූර්ය බල ශක්තියෙන් එය ගමන් කරවා ඇත. මේ රාවණ කතා පුවත් පුස්කොළ පොතෙහි දැක්වෙන අගනා කතාවකි.

මෙම ප‍්‍රවෘත්තියට අනුව රෝද සතරේ වාහනවල ආරම්භය රාවණ යුගයද? රෝද සතරේ වාහනය ලෝකය හමුවට ආවේ ලංකාවෙන්ද? යන ප‍්‍රශ්නයට නව ප‍්‍රවිෂ්ඨයක් ගත හැකිය.

අද ජපානයේ, කොරියාවේ, ඉන්දියාවේ වාහන නිෂ්පාදනය කෙරුණ ද රාවණ යුගයේ ලංකාවේ වාහන නිෂ්පාදනය සිදුවන්නට ඇති බව නිගමනයකට ආ හැකිය. රාවණ රජුගේ කාර රාක්‍ෂයා පමණක් එම විශේෂ වාහනයෙන් පැමිණි බව විස්තර වේ.

විශේෂයෙන් රාවණට වඩා තරමක් බලයෙන් අඩු සත් දෙනකුගෙන් යුත් යක්‍ෂ ඇමැති මණ්ඩලය, රටේ ඒ ඒ ප‍්‍රදේශවල පාලන බලය අතටගෙන කටයුතු කරවා ඇත. රාවණ පවරන ලද කටයුතු ක‍්‍රියාවට නංවා ඇත්තේ මේ අමාත්‍යවරුය. විශේෂයෙන් ඔවුන්ට සහාය වීමට සේනාපතිවරු 21 ක් සිට ඇත. විශේෂයෙන් මොවුහු යුද සේනාපතීහුය. මේ සේනාපතීන්ගේ භූත ආත්ම රාවණ දෙවි සමග දැනට ලොව සැරිසරන බව ආචාර්ය මිරැුන්ඩෝ සඳහන් කරයි.
එහෙත් ඇමැති මණ්ඩලයේ සිටි යක්‍ෂයන්ගේ යළි නැගිටීමක් ගැන පුරාණ පුස්කොළ පොත්හි සටහන් නොවේ.

කෙසේ හෝ වේවා රාවණ රජු මූලික කොටගත් සත් දෙනෙකු සහිත ඇමැති මණ්ඩලය, සේනාපතීන් 21 ක්, අන්තඃපුරයක්, බළකොටු, මාළිගා, රාජකීය උයන් සහිත රාජකීය දිවි පෙවෙතක් රජු භුක්තිවිඳ ඇත

දේශ දේශාන්තර ද පාලනය කළ සියල් සම්පතින් ආඪ්‍ය වික‍්‍රමාන්විත රජකු ලෙස රාවණ සඳහන් කළ යුතුය. හුදෙක් රාවණ යනු ”ලද බොළඳ” හෝ මිථ්‍යාවක් ලෙස දකිනවා නම් එය ඔබගේ අදහස, මතය, තීරණය විය හැකිය. නමුත් රාවණ රජු ගැන අප මෙතෙක් කතා කළ ලිපි සමග ජීවත්වී නම් හේ තෙද බල ඇති ලාංකීය උරුමයේ ”මහ මොළකරු” ”මහ උරුමක්කරු” හැටියට අදහස අවදිකොට ගත යුතුය.

එකල රටේ වූ දියුණුව, අධිරාජ්‍ය බලය, පාලන ශක්තිය මේ සියලූ දේ පසු කාලීනව ලොව බිහිවූ අධිරාජ්‍යවාදීන්ට වඩා ශක්තිමත් පුරුෂ ලක්‍ෂණය. ඒ අනුව ලොව බිහිවූ පළමු අධිරාජයා අපේ ‘‘රාවණ රජු” නොවේද? මෙය ලෝක සම්මතය කරා රැුගෙන යාමට කවුරුත් අත්වැල් බැඳගත යුතුය.
ලෝකයා විසින් තම තමන්ගේ රට රාජ්‍යවලට අධිරාජ්‍යයන් බිහිකර ගනු ලබද්දී සිංහලයන් ලෙස ”පුහු” ජාතියක් වීම නොව පුරාණ පුස්කොළ සාක්‍ෂි සහිතව ”රාවණ අධිරාජයා” යන මතය රටේ නිර්මාණය වීමට කල් එළැඹ ඇත.

ගුවනේ සිට වෙඩි වරුසාවක්ම එල්ලකිරීමට හැකි මහා රාවණාගේ  “සහශ‍්‍රගත” යානය පිළිබද හෙළි වූ විශ්මිත කතාව

ගුවනේ සිට වෙඩි වරුසාවක්ම එල්ලකිරීමට හැකි මහා රාවණාගේ  “සහශ‍්‍රගත” යානය පිළිබද හෙළි වූ විශ්මිත කතාව

රාවණා රජතුමා පිළිබඳ ජාතික පිළිගැනීමක් ඇතිවී තිබේ. එතුමා හෙළ රජ පරපුරේ ආදි මුත්තෙක් බව ඇසීම කෙනෙකුට රිදීමක් වන්නට පුළුවන. නමුත් අපි ලියන්නේ විජාතික බලයක් හෝ විජාතික බලවේගයක් ගැන නොවේ. අපි රාම ගැන ලියුවා නම් එතැන ගැටලූවක් වීම සාධාරණය.

රාවණ රජතුමා, රාම ගේ දෘෂ්ඨියෙන් දැකීම බරපතළ දොසකි. රාම කුමරු හින්දුන්ගේ පූජාවට පත්වන බව නොරහසකි. නමුත් හින්දුන් විසින් රාවණාට එම තැන ලබා දී නැත. එයට හේතු වන්නට ඇත්තේ එක්කෝ රාවණ රජතුමා රාමට විරුද්ධවීම විය හැකිය. නැතිනම් රාවණ ලක්දිව රජකු වීමත් රාම ඉන්දීය රාජ පරපුරකවීමත් විය හැකිය. මේ දෙදෙනාම හින්දු අය ලෙස සලකනවා නම් එය නිවැරදි දැනුමින් පිටස්තර දෙයක් බව අපි විශ්වාස කරමු.

රාවණ රජතුමා යුද ශිල්පයෙහි ප‍්‍රමුඛයෙකි. එතුමා යුදයට අවශ්‍ය ආයුධ සෑම අතින්ම සන්නද්ධ කොට ගෙන සිටියෙකි. න්‍යෂ්ටික අවි පවා රාවණා සතුව තිබූ බව පුරාණ තොරතුරු ඇසුරේදී පෙනී යයි. කෙසේ වෙතත් බොහෝ දෙනාගේ හිත සුව පිණිස රාවණ රජතුමා ඇතැම් යුද උපකරණ භාවිත කළේ නැත. එයට හොඳම උදාහරණයක් මේ ලිපිය ඔස්සේ සපයමු. රාවණාට සහශ‍්‍රගත නම් විශිෂ්ට යුද යානයක් තිබිණි. මෙම යුද යානය අද ”මල්ටි බැරල්” යුධෝපකරණයට වඩා බෙහෙවින් දියුණු වූවකි.

සහශ‍්‍රගත ගුවන් යානය නිෂ්පාදනය කළේ එවකට සිටි දක්ෂ ගුවන් යානා ඉංජිනේරුවකු වූ ධීර රකුසාය. ඔහු මහා රාවණාගේ උපදෙස් අනුව මේ යානය නිපදවා ඇත.

දක්ෂිණ ලංකාවේ කතළු පුරයේ කතළු කුමරු විසින් සපයන ලද රත්තරන්ද, වීර රකුසා සැපයූ රිදීද, අටකලම්පන්නේ ඉන්දීර රකුසා විසින් ලබා දුන් පිරිසිදු වානේද ඊට යොදා ගත් බව කියැවේ. මෙම සහශ‍්‍රගත යානය වෙනත් ග‍්‍රහලෝකයකට වුවද පහසුවෙන් පහරදිය හැකි තරම් බලවත් නිෂ්පාදනයක් විය.
විශේෂයෙන් රාවණ රජතුමා මෙම යුද ගුවන් යානය මගින් අඟහරු ලෝකය වැනි ජනාවාස ගත ග‍්‍රහලොවක බලය අල්වා ගැනීමට බලාපොරොත්තු වූවා වන්නටද පුළුවන. විටෙක මෙය අපට පුදුම උපදවන්නක් වුවද ගැඹුරින් කල්පනා කර බැලීමේ දී කිසියම් මතයක පිහිටන්නට බැරි නැත.

ලෝකය සම්පූර්ණයෙන් නොදියුණු යුගයක රටක් විසින් තවත් රටක් අල්ලා ගනු ලැබීම දුෂ්කරය. නමුත් බලසම්පන්න ආයුධ ඇති කලෙක ප‍්‍රබල රටක් විසින් දුර්වල රටක් අල්වා ගැනීම දුෂ්කර නොවේ. අප බැලිය යුත්තේ මේ න්‍යාය මත පිහිටා රාවණ යුගය යනු නොදියුණු යුගයක් ලෙස නොව වර්තමානයටත් වඩා දහස් සංඛ්‍යාත දියුණු තැනක සිටය. එවැනි තැනෙක සිට බලද්දී ග‍්‍රහලෝක අල්ලා ගන්නා තරමේ යුද උපකරණ තිබීම ගැන පුදුම ඉපදවිය යුතු නැත.

සහශ‍්‍රගත යානය සෑදීමේදී ඉන්දියාවේ හිමාල කඳුකරයෙන් ගෙන්වන ලද ”මයුර දණ්ඩ” නමැති ලී කොටස්ද මෙහි සවිකර තිබිණි. එය රියදුරුගේ ආරක්ෂාවට සවිකරන ලද බව රාවණා කතා තල්පතෙහි සඳහන් වෙයි.

විශේෂයෙන් සහශ‍්‍රගත යානය යුද්ධයට යොදා ගැනීමෙන් බලවත් මිනිස් සංහාරයක් වන බව දැන සිටි රජතුමා එය රාම හා සටනට යොදා ගත් බව නොපෙනේ.

මෙම නව ගුවන් යානය නිපදවන පුවත විභීෂණගෙන් රාමට දැන ගන්නට ලැබුණු අතර, යුද්ධය අතරමග නවතා දමා ආපසු යා යුතුයැයි යෝජනා කළේ රාමගේ අග‍්‍ර පුරෝහිත හනුමන්ත් ය.

”මම ආවේ ලංකාව බලන්න නෙවෙයි, මෙහි සඟවා සිටින සීතා රැුගෙන යන්නයි. එම නිසා ඔබ කවුරු ආපසු ගියත් මා ආපසු හැරෙන්නේ නෑ”
සිරුරින් කුඩා වුවත් රාම විසින් හනුමන්ත්ට පවසන ලද්දේ දැවැන්ත රණකාමියෙකු පරිද්දෙනි.

රාවණා රජතුමා දක්ෂ සටන්කාමියෙක්. එතුමා මේ සටනට සහශ‍්‍රගත යානය යොදා ගන්නේ නෑ. එතුමා මේ සටන සලකන්නේ පුංචි සටනක් ලෙසයි.
රාවණා රජතුමා පිළිබඳ මනා අවබෝධයක් තිබූ විභීෂණ රාමාට දැන්වූයේය. මේ විභීෂණ රාවණ රජතුමාගේ බාල සහෝදරයා වූ නමුත් ඔහු කටයුතු කළේ රාම කුමරුගේ පැත්තගෙනය.

සහශ‍්‍රගත යානය ගුවනේ එක තැනක හෝරාවක් වුවද නවතා සටන් කළ හැක්කක් බව කියැවේ. එකවර වෙඩි උණ්ඩ දහස් ගාණක් මුදාහල හැකි යානයකි. වෙඩි උණ්ඩ පොකුරු පිටින් මුදාහරින අතර උණ්ඩ නිකුත් කරන ප‍්‍රමාණය අවශ්‍ය පරිදි අඩු වැඩි කරවා ගත හැකිය.

සහශ‍්‍රගත යානය නිපදවා එහි ශක්තිය උරගා බැලීමේ අවස්ථාවක් කල්පිටිය මුහුදු ප‍්‍රදේශයේ පැවැත්විණි. එහි පහසුව පිණිස එවක එහි සිටි ධීවර ප‍්‍රජාවද ඉවත් කෙරිණි. මෙම යානය පණ ගැන්වූ පසු පළාතක් ගිනිබත් වන තරමට යානය බලවත් විය.

කල්පිටියේ යුද අභ්‍යාසයක් සඳහා සහශ‍්‍රගත යානය ලකේගල සිට පදවාගෙන ආවේ මේඝනාද (ඉන්ද්‍රජිත්) කුමරුය. යානය කල්පිටියේ විශාල ගල් පීඨිකාව මත ස්ථානගත කෙරිණි. මේ යුද අභ්‍යාසය දුර ඈත සිට නරඹන්නට විශාල ජනතාවක් ඒකාරාශි වූහ. ඔවුහු මෙය මහා වික‍්‍රමාන්විත ක‍්‍රියාවලියක් හැටියට දැක ප‍්‍රීති ඝෝෂා නඟමින් සතුට ප‍්‍රකාශ කරන්නට වූහ.

එදා කල්පිටිය වෙරළට රාවණ රජතුමා ද පැමිණ සිටියේය. යානය රජතුමාට පිළිගැන්වූයේ මේඝනාද කුමරු විසිනි. මේ සහශ‍්‍රගත යානය නිෂ්පාදනය වුණේ ලකේගල කන්දේය. එහි මංගල ගමන රාවණ රජුට භාර විය.

”මෙම ගුවන් යානයෙන් මේ රටේ කිසිම මිනිසෙක් ඝාතනය කිරීමට මම අදහස් නොකරමි. මෙය වෙනත් ග‍්‍රහලෝක සමග සටනට පිළියෙල කළ එකකි. දරුවනි, සහශ‍්‍රගත යානය තොපගේ ජයකි” යි කී රාවණ රජතුමා යානයට ගොඩ විය.

යානය පණගැන්වූ රජතුමා අහසට නැගුණේ දක්ෂ යුද නියමුවකුගේ ලක්ෂණ පෙන්නුම් කරමිනි. යානයෙහි හඬ කල්පිටියේ සිට පුත්තලම දක්වා හෙණ ගසන්නාක් මෙන් පැතිර ගියේය. එම ප‍්‍රදේශයේ සිටි වන සතුන් බියට පත්ව වන රොදවල, ගල්ගුහාවල, ගස් බෙනවල සැඟවී දින ගණනක් විසූ බව රාවණ කතා පුස්කොලහි සඳහන් වේ.

සහශ‍්‍රගත යානය මුහුදේ හා ගංගාවල පවා ස්ථාන ගත කර තැබීමට වුවද දියුණු එකක් විය.

යානය අහසේ දස්කම් පාද්දී කිතුල්ගල අසල වන රොදක් යානයේ බලවත්කම ඉදිරියේ ගිනිබත් විය. එම ගිනිදැල් ඉතා ශීඝ‍්‍රයෙන් කිතුල්ගල සිට යටියන්තොටට පැතිර ගියේය.

සහශ‍්‍රගත යානය නිසා ගිනිබත් වූ මේ ප‍්‍රදේශයට දැන් ගිනිගත්හේන යැයි කියන බව ආචාර්ය මිරැුන්ඩෝ ඔබේසේකර මහතා කියයි. එදා මෙම යානය නිසා සිදුවූ බලවත් විනාශය දුටු රාවණ රජතුමා බොහෝ සෙයින් කම්පාවට පත්විය.

සහශ‍්‍ර ගුවන් යානය පෘථිවිය මත කිසිම යුද්ධයකට භාවිත නොකරන ලෙස මේඝනාද කුමරුට තදබල ආඥාවක් නියම කළේය.

රාම සමඟ සටන බලවත් සටනක් බව රාවණ සිතුවේම නැත. රාම බලවත් තර්ජනයක් බව රාවණ සිතුවා නම් ඉතා පහසුවෙන් ඔහු මැඩපැවැත්වීමේ ශක්තිය රාවණ ලබා සිටියේය.

සහශ‍්‍රගත යානය රාමට එරෙහිව ක‍්‍රියාත්මක කළේ නම් රාම, හනුමන්ත් පමණක් නොව රාම සහායකයන් සියල්ලන් එක තැනක ඝාතනය කිරීමේ කාර්යය රාවණට සරල කාරණයක් විය.

රාවණ රජතුමා බොහෝ දුරදක්නා නුවණින් කටයුතු කළ අතරම, බොහෝ දෙනාගේ හිත සුව පැතූ බවද ඉතා පැහැදිලිව හඳුනාගත හැකිය. රාවණා රජතුමා තමන්ගේ ආත්මාභිලාෂය පමණක් තැකුවා නම් රාවණා පිළිබඳ වෙනස් ආකාරයකට මේ ලිපි ලියැවෙන්නට තිබිණි.

රාවණා යනු හෙළයාගේ ”පෞරුෂය” රැුකගෙන යුද බිමට ගිය හා අභීත තීන්දු ගත් රජකු හැටියට සටහන් කළ යුතුය. එතුමා හෙළයා රැුකගත්තා මිස හෙළයා නැසුවේ නැත. හෙළයා නසන්නට පැමිණි රාමා ට රාවණ රජතුමා සටන් කළ පිළිවෙලක් තිබිණි. එබැවින් රාවණ ගැන දකින බොහෝ දොස් නිවැරදි කර ගැනීමට මේ කාලයයි.

සටහන – අසංක ආටිගල

පිළිස්සුම් තුවාල වලට කදිම ඔසුව මාළු පොතු බව ඔබ දන්නවාද මෙන්න එම විශ්මිත ඔසුව 

පිළිස්සුම් තුවාල වලට කදිම ඔසුව මාළු පොතු බව ඔබ දන්නවාද මෙන්න එම විශ්මිත ඔසුව

පිළිකුල දනවන දෑ ඖෂධ දක්වා වර්ධනය කොට නවීන වෛද්‍ය විද්‍යාව ලත් ජයග්‍රහණය අගය කොට යුත්තක් වේ. එලෙස, බ්‍රසීලියානු ජාතික වෛද්‍යවරුන් පිරිසක් සිදු කළ අත්හදා බැලීම්වලට අනුව, පිලිස්සුණු තුවාල සුව කිරීමට කදිම ඖෂධයක් සොයා ගෙන ඇත.

තිලාපියා මාළු. ඔබේ ආහාර වේලට ආධුනිකයෙක් නොවේ. මේ පිළිබඳව පර්යේෂණ සිදු කළ වෛද්‍යවරුන් පෙන්වා දෙන්නේ, අධික පිලිස්සුම්වලට ලක් වූ රෝගීන් හට තිලාපියා මාළු හම සිසිල ගෙන දෙන්නක් මෙන්ම අධික වෛද්‍ය ගාස්තුවලටද පිළියමක් වන බවයි.

පිලිස්සුණු තුවාලයක සුවය සඳහා අවශ්‍ය වන collagen සහ තෙතමනය තිලාපියා මාළු හම තුළ අන්තර් ගත වී ඇති බව උතුරු බ්‍රසීලයේ Ceara නම් ෆෙඩරල් විශ්වවිද්‍යලයේ විද්‍යාඥයින් පිරිසක් සිදු කරන ලද පර්යේෂණවලින් අනාවරණය කොට ගෙන තිබේ. එමෙන්ම, මෙය ගෝස් කැබැල්ලකට වඩා ඉහළ මට්ටමකින් තෙතමනය රඳවා තබා ගනියි.”පිලිස්සුම් තුවාල මත තිලාපියා මාළු හම් ඇතිරීම ඉතා අපූර්වයි. මාළු හම් කියන්නේ අපි බැහැර කරන දෙයක්.

නමුත් සමාජයට ප්‍රයෝජනවත් වන නිෂ්පාදනයක් ලෙස අපි මෙය යොදා ගන්නවා” Ceara විශ්වවිද්‍යාලයේ මහාචාර්ය odorio de Morais  මෙසේ පවසා සිටියි.

බ්‍රසීලියානු පර්යේෂකයන් තවදුරටත් පෙන්වා දෙන්නේ, මේ මාළු හම්වල ඉතා වේගවත් සුව කිරීමේ ගුණයක් ගැබ් වී ඇති බවයි. නිතර නිතර වේදනාවට ඖෂධ දැමීමේ අවශ්‍යතාවද මෙය අවම කරවයි.

මේ තිලාපියා මසුන්ගේ හම් රෝහල් වෙත යැවීමට මත්තෙන් විද්‍යාගාර තාක්ෂණ ශිල්පීන් විසින් විවිධ ජීවානුහරණ ක්‍රියාවලීන්ට භාජනය කොට, එහි ඇති virus විකිරණ මගින් විනාශ කිරීමට Sao Pauloහි ඇති රසායනාගාර වෙත යවනු ලැබේ. වරක් ජීවානුහරණය කොට පිරිසිදු කරන ලද මාළු හම් වසර දෙකක පමණ කාලයක් තබාගත හැකි බවයි පර්යේෂකයන් පවසා සිටින්නේ. මෙසේ ජීවානුහරණ ක්‍රියාවලීන්ට ලක් කළ මාළු හම් වලින් තවදුරටත් මාළු ගන්ධය වහනය නොවේ.

Antonio Janio යනු මෝටර් රථ යන්ත්‍ර ශිල්පියකු වන අතර, පෑස්සුම් ගෑස් සිලින්ඩරයකින් සිදු වුණු කාන්දුවකට ලක් වී බාහුව අධික ලෙස පිලිස්සුණු අයෙක්. මාළු හම් ප්‍රතිකාරය ලත් ඔහු පවසන්නේ, දවස් දෙකකින් දෙකකට මාරු කළ යුතු bandageවලට වඩා මහඟු සුවයක් මාළු හම් මගින් ඔහු ලබා ගත් බවයි.

පිලිස්සුම් තුවාලයක් ඇති වුණු විට, එම තුවාල ප්‍රදේශය පුරාවටම තිලාපියා මාළු හම අතුරා bandage එකකින් ආවරණය කෙරේ. මෙයට කිසිදු ආලේපනයක් භාවිත නොකෙරේ. දින 10කින් පමණ පසු වෛද්‍යවරුන් විසින් bandage ඉවත් කරනු ලැබේ. ඉන් පසු වියළි භාවයට පත්ව ඇති තිලාපියා සම පිලිස්සුම් තුවාලයෙන් මනාව ගලවාගත හැකි වේ.

Morais පවසන පරිදි, තිලාපියා ප්‍රතිකාරයට වැය වන්නේ පිලිස්සුණු රෝගීන් මත සාමාන්‍යයෙන් ආලේප කරන sulfadiazine ආලේපනයේ මිලට වඩා 75% අඩු පිරිවැයක්. එමෙන්ම, මේ සොයාගැනීමේ ඉදිරි පියවරක් ලෙස පර්යේෂකයන් බලාපොරොත්තු වන්නේ, තිලාපියා ප්‍රතිකාරය වාණිජමය ලෙස නිෂ්පාදන මට්ටමෙන් දියුණු කිරීමටයි.

උදානි ඉන්ද්‍රචාපා

හනිමුන් එක නැතිවුණා කියලා දුකක් නෑ එයාට වගේම මටත් අකිලට හොඳ දරාගැනීමේ ශක්තියක් තියෙනවා

හනිමුන් එක නැතිවුණා කියලා දුකක් නෑ එයාට වගේම මටත් අකිලට හොඳ දරාගැනීමේ ශක්තියක් තියෙනවා

අකිල ධනංජය ගැන මේ දවස්වල හැමෝම කතා වෙනවා. ඒ ඔහුගේ විවාහයට පසුදින තරගයේ කඩුලු හයක් ලබාගැනීමත් සමගයි. ඔහු එම තරගයට සහභාගි වෙන්නෙ විවාහය දින රාත්‍රියේම නුවරට පැමිණෙන නිසා ඒ කැපකිරීම ගැන හැමෝම බොහොම උනන්දුවෙන් කතා වුණා. ඒ ගැන අහන්න අපි අකිලගේ ආදරණීය බිරිඳ නෙතලි ටෙක්ෂිණිට කතා කළා.

* විවාහය දවසෙම අකිල තරගයට සහභාගි වුණා. ඒ ගැන මොකද හිතුණේ?

විවාහය දවසෙම රෑ අපි නුවර එනවා. එදා අපේ හනිමුන් එක. ඒත් දුකක් දැනුණේ නෑ. මොකද අකිල යන්නෙ රට වෙනුවෙන් කියලා හිතුණ නිසාම. ඒ දවස නැති වුණා කියලා පසුතැවුණේ නැහැ.

* දුකක් හිතුණේ නැද්ද හනිමුන් එක දවසෙම රෑ අකිල ගියාම?

නෑ දුකක් හිතුණේ නැහැ. ඔහුත් එක්ක මමත් ගියා. මට ගොඩක් සතුටු හිතුණා ඔහුට ක්‍රීඩා කරන්න ලැබිම ගැන.

* විවාහයට කලින් අකිල ඔබට කීවද විවාහ උත්සවය දවසෙ තරගයට සහභාගි වෙනවා කියලා?

ඔව්. ඒ ගැන මට කලින් දන්වලා තිබුණ නිසා දුක හිතුණේ නැහැ.

* අකිල තරගයට සහභාගි වෙලා කඩුලු හයක් ගන්නවා?

ඇත්තටම වෙනදා මම අකිලට කියනවා හොඳට සෙල්ලම් කරන්න කියලා. එදා මට එහෙම කියන්නත් අමතක වුණා. එදා ඔහු තරගයටත් හොඳින් සෙල්ලම් කළා. ඒ නිසයි කඩුලු හයක් ගන්න පුළුවන් වුණේ. එකපිට ඔහු කඩුලු හයක් අරගෙන තිබුණේ නැහැ. ඒ නිසා ලොකු සතුටක් තියෙන්නේ. ඇත්තටම ඒක විවාහයට අකිල දීපු තෑග්ගක් වගේ.

* ඒ තරගය ශ්‍රී ලංකා කණ්ඩායම පරාජයට පත් වෙනවා. ඒ ගැන අකිල මොනවද කීවේ?

දුකයි. එයාට වගේම මටත් අකිලට හොඳ දරාගැනීමේ ශක්තියක් තියෙනවා. ඒ නිසා ඒ පරාජය දරාගන්න එයාට හැකියාව තියෙනවා. ක්‍රිකට් කියන්නේ අවිනිශ්චිත ක්‍රීඩාවක්. ඒ නිසා ජය පරාජය හැමෝටම ‍පොදුයි.

* ඔහු එම තරගයේ වීරයා බවට පත්වීමත් දුර්ලභ අවස්ථාවක් නේද?

ඔව්, පරාජය වෙන කණ්ඩායමක තරගයේ වීරයා වීම කලාතුරකින් වෙන දෙයක්. ඇත්තටම මම හිතුවෙත් නෑ ඔහු එම තරගයේ වීරයා වෙයි කියලා. ඔහුටත් එහෙම බලා‍පොරොත්තුවක් තිබුණේ නැහැ. ඔහු තරගයක වීරයා වුණ ප්‍රථම අවස්ථාව. අකිල ඒ ගැන ගොඩක් සතුටු වුණා.

* අකිල මුණගැහුණු විදිහත් මතක් කරමු?

2010දී තමයි අකිල මුණගැහෙන්නේ. පාස‍ලේ දී ඔහු වගේම මමත් ක්‍රිකට් ක්‍රීඩා කළා. ඔහු මගේ මිතුරියක් අතේ යාළු වෙන්න අහලා තිබුණා. ඒත් මම මුලින්ම කැමැති වුණේ නැහැ. අපි දෙන්නම පාසල් ගියේ පානදුර මහානාම විද්‍යාලයට.

* ඊට පසුව ඔබ ඔහුට කැමැති වෙනවා?

එදා පාස‍ලේ බිග්මැච් එක දවස. ඔහු තමයි තරගයේ වීරයා වෙන්නේ. මට දුරකථන අංකය දුන්නත් මම ගත්තේ නැහැ. ඔහු ගියාට පසුවයි අංකය ගත්තේ. ඊට පස්සේ මම කතා කළා. ටික දවසක් කතා කරලා දැන හඳුන ගත්තට පස්සේ තමයි මම ඔහුට කැමැත්ත දෙන්නෙ.

* අකිලට කැමැති වෙන්න විශේෂ හේතුවක් තිබුණද?

ඔව්. හොඳ ගතිගුණ නිසයි ඔහුට කැමැත්ත දුන්නේ.

* දෙමාපියන් මේ සම්බන්ධයට කැමැති වුණාද?

ගෙවල් දෙකෙන්ම මුලින්ම කැමැති වුණේ නැහැ. එයාලගේ ගෙදරින් හිතුවේ එයා ක්‍රිකට් නැති කරගනී කියලා. අකිල ශ්‍රී ලංකා කණ්ඩායමට එකතු වුණහම ගෙවල්වලින් ආශීර්වාදය අපට ලැබුණා.

* අකිල වගේ සැමියෙක් ලැබිම ගැන මොකද හිතන්නෙ?

අකිල මං ගැන හොයලා බලනවා. මට ‍පොඩි දුකක් දැනුණත් ඔහුට මාව තේරෙනවා. ඒ නිසා ඔහු වගේ සැමියෙක් ලැබිම ගැන මම ආඩම්බර වෙනවා.
තිළිණි කරුණාරත්න

මම රගපානවා හොදයි කියලා යාළුවො කියනවා එත් අපිට බලන්න වෙන්නේ නෑ T.V එක කැඩිලා සද්දේ විතරයි එන්නේ – හාර කොටියෙ “දෝණි”

මම රගපානවා හොදයි කියලා යාළුවො කියනවා එත් අපිට බලන්න වෙන්නේ නෑ T.V එක කැඩිලා සද්දේ විතරයි එන්නේ – හාර කොටියෙ “දෝණි”

ස්වර්ණවාහිනියේ විකාශනය වන ‘හාර කෝටිය’ටෙලි නාට්‍යය වයස් භේදයකින්  තොරව බොහෝ දෙනා අතර ජනප්‍රියත්වයට පත්වී හමාරයි. මෙහි ‘දෝණිගේ’චරිතය හරහා බොහෝ රසික සිත්වල ආදරයට පාත‍්‍ර වුණ පුංචි තරුව තමයි ජාන්වි අප්සාරි කියන්නේ.  ඇයගේ මේ ගමන් මග ගැන කතා කරන්න ඇයව මෙලෙස අප සමග සම්බන්ධ විය.

මේ දිනවල ස්වර්ණවාහිනියේ විකාශනය වන ‘හාර කෝටිය’ටෙලි නාට්‍යය වයස් භේදයකින්  තොරව බොහෝ දෙනා අතරජනප්‍රියත්වයට පත්වී හමාරයි. මෙහි ‘දෝණිගේ’චරිතය හරහා බොහෝ රසික සිත්වල ආදරයට පාත‍්‍ර වුණ පුංචි තරුව තමයි ජාන්වි අප්සාරි කියන්නේ.

 මේ දවස්වල පාසල නිවාඩු නේද?

ඔව්, ඒක නිසා මම හොඳට සෙල්ලම් කරනවා

පාසල පටන් ගන්න දවස දන්නවාද?

දන්නේ නැහැනේ

ජාන්විගේ සම්පූර්ණ නම කියන්නකෝ?

ජාන්වි අප්සාරි අබේවර්ධනඑතකොට

වයස?

අවුරුදු 5යි මාස 10යිඉතිං

ඉස්කෝලේ ගැන කිව්වේ නැහැනේ?
මම ඉගෙන ගන්නේ මිනුවන්ගොඩ ධම්මාරාම ඉස්කොලේ එක වසරේයි.කවුද

පන්තිභාර ගුරුතුමිය?
රෝසි මැඩම්

මැඩම් හොඳයි?

හරි හොඳයි, මට ගොඩාක් ආදරෙයි.

ඉගෙන ගන්න කැමති මොනාද?

මේකප් ඉගෙන ගන්න කැමතියි.

මේකප් ඉස්කෝලේ උගන්වන්නේ නැහැනේ?

ලොකු වුණාම මම මේකප් ඉගෙන ගන්නවා.

ඇයි ඒ?

මම ආසයි කට්ටියගේ මුහුණවල් ලස්සන කරන්න.

ඒ කියන්නෙ ලොකු වුණාම් මේකප් ආර්ටිස්ට් කෙනෙක් වෙන්නද හිතන් ඉන්නේ?

ඔව්, මම ඒකට ආසයි.

 

එතකොට ඇයි රඟපාන්න හිතුණේ?

මුලින්ම රඟපෑවේ වෙළෙඳ දැන්වීමකටයි.

රඟපාන්න බය හිතුණේ නැද්ද?

අපෝ නැහැ. පොඞ්ඩක්වත් බය හිතුණේ නැහැ

රඟපාන එක ගැන යාළුවෝ මොකද කියන්නේ?

හොඳයි කියනවා. යාළුවොත් නාට්‍ය බලනවා. හැබැයි අපිට බලන්න වෙන්නේ නැහැ.

ඇයි ඔයාට බලන්න වෙන්නේ නැත්තේ?

අපේ ටීවී එක කැඩිලා සද්දේ විතරයි එන්නේ.

කවුරුත් ආදරය කරන චරිතයක් වෙන්න අවස්ථාව ලැබුණේ කොහොමද?

අම්මායි, තාත්තයි, අක්කයි, මමයි එක දවසක් කොහෙද තැනක (BMICH) ප‍්‍රදර්ශනයක් බලන්න ගියා. තාත්තා එක්ක මාමා කෙනෙක් කතාකරනවා දැක්කා. තාත්තා ඇවිත් අම්මා එක්ක කිව්වා අක්කවයි මාවයි වෙළෙඳ දැන්වීමකට රඟපාන්න ඉල්ලුව කියලා. ඒකට තාත්තා හා කියලා තිබ්බා. ඊට පස්සේ ඒ චාමර සමරවික‍්‍රම කියන කැමරාකරණ මාමා අපිව සද්ධා මංගල සූරියබණ්ඩාර මාමා ළඟට එක්කගෙන ගියා. එතැනදී අක්කගෙයි, මගෙයි ෆොටෝස් අරගෙන දවස් දෙකකින් පණිවිඩයක් කියන්නම් කියල ඒ මාමා තාත්තිට කිව්වා. දවස් දෙකකින් කතා කරලා වෙළෙඳ දැන්වීමකට මාව තෝරගත්තා කියලා තාත්තිට කියලා තිබුණා.

පාසල් වැඩ අතපසු වෙන්නේ නැද්ද?

වැඩිපුරම රූගත කිරීම්වලට යන්නේ සෙනසුරාදා ඉරිදා තමයි. ඉස්කෝලේ දවසක ගියොත් අම්මා ටීචර්ට කියලා, අතපසු වුණ පාඩම් ටීචර් ගෙදරට එන්න කියලා මට කියලා දෙනවා.

ගොඩක් අය කතා කරන්නේ දෝණි කියලද?

ඔව්නේ, දැන් ඉස්කෝලේ යාළුවොත් දැන් මට කියන්නේ හාර කෝටියේ දෝණි කියලා.

 

මේ කතාබහ අතරට ජාන්විගේ ආදරණීය අම්මා වන නිලංකා නයනමාලී අප එක්කර ගනු ලැබුවා

දුව මේ තරමට ජනප්‍රිය වෙයි කියලා හිතුවද?

එහෙම නම් කවදාවත් හිතුවේ නැහැ. එයා ගොඩක් දක්ෂ නර්තනයටයි. අහම්බෙන් හම්බ වුණ අවස්ථාවක් එයාව මෙච්චර දුර අරං ආවා. මුලින්ම සිංහ පුත්‍ර ෆිනෑන්ස් එකේ වෙළෙඳ දැන්වීමක් තමයි කළේ. ඒක හරහා එයාට චිත්‍රපටයක් ආවා. ඊට පස්සේ තමයි ‘හාර කෝටිය’ සඳහා සම්බන්ධ වෙන්න අවස්ථාව ලැබුණේ. BMICH එකේදී චාමර සමරවික්‍රම පුද්ගලයා අහම්බෙන් හම්බ වෙලා තමයි දුවලා දෙන්නවා ඉල්ලුවේ.

ඊට පස්සේ දුවලා දෙන්නම එක්කගෙන ගියේ සද්ධාමංගල සූරිය බණ්ඩාර සර් ගාවට. එතැනදී දුවලා දෙන්නාගේම ෆෝටෝස් අරගත්තා. ඊට පස්සේ පොඩ්ඩිව තෝරගත්තා කියලා කෝල් කළා. ඒ කැමරාවේ හිටියේ රුවන් කොස්තා සර්. එයා කිව්වා පොඩි දුවට හැකියාවක් තියෙනවා කියලා. එතැනදී දුවව චිත්‍රපටයකට තේරුණා.

සද්ධා සර්ම තමයි හස්බන්ඩ්ට කතා කරලා කිව්වේ ‘මල්ලි මම දුවට කතාවක් ලියනවා. මම දුවව දාලා ලිව්වට කමක් නැහැනේද’ කියලා. ඊට පස්සේ අපේ හස්බන්ඩ් කිව්වා ‘සර්ට හොඳයි කියලා හිතනවානම් ලියන්න’ කියලා. සිවගුරුනාදන් සර් ඇතුළු හැමෝම නිසා තමයි අද දුව මේ තැන ඉන්නේ

ජාන්වී අද තරුවක් වෙලා ඉවරයි නේද?

ගොඩක් සතුටුයි ඉතිං

 

පාසලෙන් ලැබෙන සහයෝගය?

ගොඩක් ලොකු සහයෝගයක් ලැබෙනවා. ඒ වගේම පංති භාර ගුරුතුමිය චාමරී මහත්මිය වගේම විදුහල්පතිනි ඇතුළු සියලුම දෙනා මේ වෙලාවේ ගෞරවයෙන් මතක් කරනවා. දුවගේ රංගන වැඩවලට ඔවුන් පාසලක් විදිහට ලොකු සහයෝගයක් දෙනවා.

මේ දේවල් එක්ක දුවට තවත් නිර්මාණ සඳහා ආරාධනා ලැබෙනවා ඇති නේද?

ඔව් නමුත් හැමවැඩක්ම භාර ගන්නේ නැහැ. ඊයේ පෙරේදා චිත්‍රපටයක් සඳහාත් ආරාධනාවක් ලැබුණා. එහෙම කියලා එයාව ගොඩක් මහන්සි කරවන්නේ නැහැ. දුව කොච්චර වැඩ කළත් කම්මැලි නැහැ. කොච්චර මහන්සි වුණත්, අසනීප වුණත් ඉස්කෝලේ යන්නේ නැතුව ඉන්නෙත් නැහැ

ඩිලාන් ක්‍රිෂාන්ත  ඡායාරූප – චමත් වින්දුල