වර්තමානයේ දියවැඩියාව රෝගයට ගොදුරු වන පුද්ගලයින්ගේ ගණන ශීඝ්‍රයෙන් ඉහළ යන බව පෙනෙන්නට තිබෙනවා.දියවැඩියාව කියා සාමාන්‍යයෙන් හඳුන්වන්නේ තිබිය යුතු සාමාන්‍ය මට්ටමට වඩා අධිකව රුධිර ග්ලූකෝස් (සීනි) මට්ටම ඉහළ ගොස් පවතින ,හයිපර්ග්ලයිසීමියා (hyperglycemia) තත්වය හා මූත්‍රා වල සීනි අධිකකම (glycosuria)ලෙස ද හඳුන්වයි.ඔබේ අග්න්‍යාශය මඟින් ඉන්සියුලින් කියන හෝර්මෝනය ස්‍රාවය කරනු ලබයි. ඔබ ආහාරයට ගන්නා ආහාර පාන වල අඩංගු ග්ලූකෝස් ශක්තිය බවට පරිවර්තනය කිරීමට සෛල වලට උපකාර කරන්නේ මේ හෝර්මෝනයි.නමුත් දෙවන කාණ්ඩයේ දියවැඩියාව තත්වයේදී සිරුරේ ඉන්සියුලින් නිපදවීම සිදුවුණත්. සිරුරේ සෛල වලට ඒවා ක්‍රමවත්ව භාවිතා කිරීමේ හැකියාවක් නැත. මෙය ඉන්සියුලින් නොඉවසීම/ප්‍රතිරෝධය (insulin resistance) ලෙස හඳුන්වයි.
ආයුර්වේදයට අනුව දියවැඩියාව හෙවත් ප්‍රමේහය තත්වයේ ප්‍රභේද 20ක් පමණ පවතියි.ප්‍රභේද 10 ක් කප (සෙම), 6ක් පිත හා 4ක් වාත දෝෂ හේතුවෙන් හටගනියි.මෙම සෑම ප්‍රභේදයකටම නිසි ලෙස ප්‍රතිකාර නොකරන්නේ ද, එය මධුමේහය (diabetes mellitus) තත්වය දක්වා වර්ධනය විය හැකිය.
දියවැඩියාව පරිවෘත්තීයමය ගැටලුවක් බැවින් සීනි මට්ටම් නියාමනය කිරීමෙන් පමණක්ම ගැටලුවට පූර්ණ ලෙස ප්‍රතිකාර කළ නොහැකියි.නවීන වෛද්‍ය විද්‍යාවට සාපේක්ශව ආයුර්වේදයේදි දියවැඩියාවට ප්‍රතිකාර කෙරෙන්නේ වෙනස්ම හා වඩාත් ඵලදායි ක්‍රම වලටය.ව්‍යායාම, ක්‍රමවත් ආහාර පාන රටාව, ‘පංචකර්ම’ (ජෛව-පාරිශුද්ධීකරණ ක්‍රම) මඟින් සිරුර පුනර්ජීවනය කරමින් තවදුරටත් සංකූලතා වර්ධනය වීම වළකා රුධිර සීනි මට්ටම් සමතුලිත කිරීම සහතික කරයි.
අද අප ඔබව දැනුවත් කරන්නේ දියවැඩියාව පාලනයට උපකාරී වන ආයුර්වේදීය පානයක් ගැනයි. එම රෝගයට ප්‍රතිකාර ගන්නා අතරේදි මෙවැනි පිළියම් ක්‍රමයක් අනුගමනය කිරීමෙන් ප්‍රතිඵල වඩාත් වේගවත් කරගත හැකිවේවි (කෙසේවෙතත් භාවිතයට පෙර ඔබේ වෛද්‍යවරයාගෙන් උපදෙස් විමසීම වඩාත් සුදුසුය).
මෙය අප හඳුන්වන්නේ නෙල්ලි කසාය ලෙසයි. මෙය සිරුරේ නීරෝගී බව වඩවන පානයක් ද වේ.අධි රුධිර සීනි මට්ටම් හා ඉන්සියුලින් ගැටලු වලින් පෙළෙන පුද්ගලයින්ට මෙය වඩාත් හොඳ ප්‍රතිලාභ අත්කරදෙයි.අම්ලා හෙවත් නෙල්ලි යනු සුපිරි ගණයට අයටහ් පලතුරු වලින් එකකි.ප්‍රමාණයෙන් කුඩා වුවත් මෙහි ඇති සෞඛ්‍ය ප්‍රතිලාභ ඉස්තරම්ය.අග්න්‍යාශදාහය හෙවත් අග්න්‍යාශය ප්‍රදාහයට (ඉදිමීමට) ලක්වීම වැළැක්වීම ද මෙහි සුවිශේෂීත්වයකි. රුධිර සීනි මට්ටම් පාලනය කිරීමට උපකාරී වන ඉන්සියුලින් නිපදවෙන්නේ අග්න්‍යාශ තුළයි.අග්න්‍යාශයට හානි වීමෙන් ඉන්සියුලින් නිපදවන සෛල වලට විශාල බලපෑමක් ඇතිවෙයි. ඒ අනුව නිසි පරිදි ඉන්සියුලින් නිපදවීමට නොහැකිව සිරුරේ රුධිර සීනි මට්ටම් පාලනය කළ නොහැකි ලෙස ඉහළ යාමට පටන්ගත හැකියි. මෙම නෙල්ලි පානය එවැනි අවදානම් වළක්වාගැනීමට ඉහළ මට්ටමේ සහයක් ලබාදෙයි.
නෙල්ලි වල ක්‍රොමියම් බහුලයි.එම ඛනිජය මඟින් රුධිරයේ සීනි මට්ටම් අඩුකිරීම හා සිරුරේ ඉන්සියුලින් ප්‍රතිචාර දැක්වීම් (ක්‍රියාකාරීත්වය) ඉහළ නංවයි.නෙල්ලි වල විටමින් C බහුලයි. මේවායේ ප්‍රබල ප්‍රතිඔක්සිකාරක ගුණයක් ඇත.දෙවන කාණ්ඩයේ දියවැඩියාවෙන් පෙළෙන අයට මෙම විටමින් ඉතා ගුණදායකයි. දවස පුරා සිරුරේ රුධිර සීනි මට්ටම් ඉහළ යාමට නොදි පාලනය කරයි.එමෙන්ම ආහාර ගැනීමෙන් පසු ක්ෂණිකව රුධිර සීනි මට්ටම් ඉහළ යාමට ඇති අවදානම ද හොඳින් අඩුකරයි.
මෙම පලතුරේ ඇති ගුණ මඟින් ශරීරයෙන් විෂ ඉවත් කර සෛලීය පරිවෘත්තීය සුව කරයි. ඇස්කෝර්බික් අම්ලය, ටැනින් සහ පොලිපෙනෝල් වැනි ප්‍රතිඔක්සිකාරක වලට ස්තූතිවන්ත වන්නට අක්මාවේ ඇති ලිපිඩ හා ට්‍රයිග්ලිසරයිඩ අඩු කිරීමට හා පරිවෘත්තිය වැඩිදියුණු කිරීමට නෙල්ලි උපකාරී වේ
ඔක්සිකාරක ආතතිය යනු දියවැඩියාවට හේතුවන බව සොයාගෙන ඇති අවදානම් සාධක වලින් එකකි.නෙල්ලි වල ඇති ප්‍රතිඔක්සිකාරක ගුණ මඟින් හානිකර මුක්තකණ්ඩ සිරුරේ සෛල හා පටක වලට හානි කිරීමේ අවදානමින් ආරක්ෂා කර ඔක්සිකාරක ආතතින් පාලනය කරයි.
සිරුර ඔක්සිකරණයට ලක්වීමේ බලපෑම් යථා තත්වයට පත්කරමින් දියවැඩියා අවදානම් වලට එරෙහිව ක්‍රියාකාරි ගුණයක් ලබාදෙයි.
නෙල්ලි කසාය සකසා ගන්නේ කොහොමද?වතුර වීදුරුවකට උණුසුම් වතුර පුරවාගන්න.නෙල්ලි කුඩු මේස හැඳි 1ක් සහ කහ කුඩු පිංචක් එක්කර කළවම් කරන්න.දිනපතා උදෑසන හිස්බඩ මෙය පානය කරන්න.
තවත් ඖෂධීය පානයක් – ‘කරවිල සහ නෙල්ලි යුෂ’කරවිල යනු දියවැඩියාව පාලනයට හොඳම ගුණ දෙන එළවළුවකි. දියවැඩියාව පාලනය කිරීමට අමතරව එම රෝගයෙන් ඇතිවිය හැකි සංකූලතා අවදානම් ද අඩුකරවයි.වකුගඩු හා අක්මා ක්‍රියාකාරීත්වය වඩාත් නීරෝගි කරයි.එම අවයව ආශ්‍රිත රෝග නසයි.කරවිල වල දියවැඩියා පාලක ගුණ ඇති පොලිපෙප්ටයිඩ හා වයිසින් වැනි ක්‍රියාකාරී සංඝටක අඩංගුයි.
කරවිල ඇට සහිතව හෝ රහිතව වතුර ස්වල්පයක් දමා බ්ලෙන්ඩ් කර යුෂ පෙරාගන්න. නෙල්ලි කැබලි බ්ලෙන්ඩ් කර හෝ නෙල්ලි කුඩු වතුරේ මුසු කර සාදාගන්න. මෙම දෙවර්ගයම සම ප්‍රමාණ වලින් (මිලිලීටර් 10ක් පමණ) එක වීදුරුවකට මිශ්‍ර කරන්න.ඊට වතුර දමා තනුක කරන්න. මෙය පානය දිනපතා උදෑසන හිස්බඩ පානය කිරීමෙන් සිරුරට ගුණ ලැබේ.
මෙම පාන වර්ග දෙකෙන් ඔබට කැමති ක්‍රමයක් අනුගමනය කිරීමට ඔබට හැකියි.නෙල්ලි යුෂ පරිභෝජනයට ගැනීමට පෙර ඔබේ වෛද්‍යවරයා හමුවී උපදෙස් ලබාගන්න. නෙල්ලි සහ ඖෂධ එකවර භාවිතයේදී රුධිර සීනී මට්ටම් කැපී පෙනෙන ලෙස පහත වැටීමක් ඇතිවිය හැකිය
